تیجسوی یادو کا چیلنج, ہم کھڑے ہیں کوئی ہاتھ لگا کر تو دیکھے، راگھوپور میں منائی امبیڈکر جینت

(پی این این)
پٹنہ: بہار کے انتخابی سال میں ڈاکٹر بھیم راؤ امبیڈکر جینتی (Ambedkar Jayanti) منائی جارہی  ہے ۔ اس موقع پر آر جے ڈی(RJD) کے پٹنہ دفتر میں انھیں خراج عقیدت پیش کیا گیا۔ اس سے ایک دن پہلے جے ڈی یو نے بھیم سمواد کا انعقاد کیا جبکہ بی جے پی نے بھیم پدیاترا کا اہتمام کیا۔ بابا صاحب کو خراج عقیدت پیش کرنے کے بعد اپوزیشن لیڈر تیجسوی یادو (Tejashwi Yadav) نے میڈیا سے بات کرتے ہوئے بڑا بیان دیا۔ انھوں نے چیلنج کیا۔ انہوں نے کہا کہ ہم کھڑے ہیں، کوئی ہاتھ لگا کر دیکھے ۔تیجسوی یادو نے کہا کہ راشٹریہ جنتا دل بابا صاحب کے نظریہ پر 100 فیصد کھڑا ہے ۔ آج ان کا یوم پیدائش پنچایت سطح پر منایا جا رہا ہے اور ان کے نظریات کا پرچار کیا جا رہا ہے ۔ لیکن کچھ لوگ جو گوڈسے اور گولولکر کے پجا ری ہیں اور امبیڈکر کی مخالفت کرتے ہیں اور ملک کے آئین میں یقین نہیں رکھتے ہیں، وہ نہ چاہتے ہوئے بھی امبیڈکر جینتی منا رہے ہیں۔ ایک سوال کے جواب میں تیجسوی یادو نے کہا کہ ہم تو کھڑے ہیں، کوئی مجھ ہاتھ لگا کر تو دیکھے ۔

تیجسوی یادو نے ہریانہ کے سی ایم سینی کے بیان پر بھی تنقید کی۔ انہوں نے کہا کہ بی جے پی میں ہر کوئی وزیر اعلیٰ بننے کے لئے تیار ہے ۔ آج ایک نام آیا ہے ۔ دو دن بعد کوئی اور نام سامنے آئے گا۔ لیکن اس بار بہار کے لوگ خستہ حال گاڑی میں سوار نہیں ہونے والے ہیں۔ اب عوام نئی گاڑی لائیں گے۔ ان کی حکومت نہیں بننے والی۔

دریں اثنا قائد حزب اختلاف تیجسوی یادو نے اپنے اسمبلی حلقہ راگھوپور کی رام پور پنچایت میں بابا صاحب بھیم راؤ امبیڈکر کا یوم پیدائش منایا۔ اس دوران انہوں نے مہادلت ٹولہ میں ایک دلت خاندان کا ستوانی تہوار منایا۔ اس دوران تیجسوی نے ستو کھایا۔ انہوں نے کہا کہ ستوانی بہار کی روایت رہی ہے ۔ ہم اس دن ستو کھاتے ہیں۔ تیجسوی نے ستّو کے فوائد بھی بتائے ۔ انہوں نے بتایا کہ یہ ان کے والد لالو یادو تھے جنہوں نے سب سے پہلے انہیں ستو کھلایا تھا۔

تیجسوی نے کہا کہ یہ غریبوں اور مزدوروں کا کھانا ہے ۔ لیکن اب سب کھا رہے ہیں۔ لٹی چوکھا میں بھی  ستّو بھرا  جاتا ہے ۔ انہوں نے بتایا کہ یہ مکئی، جو، باجرہ اور چنے کے آٹے سے تیار کیا جاتا ہے جو کہ بہت غذائیت سے بھرپور ہوتا ہے ، حالانکہ ہضم کرنا آسان نہیں ہوتا۔ ہم بچپن سے ستّو کھاتے آئے ہیں۔ اس دوران تیجسوی نے ایک جلسہ عام سے خطاب بھی کیا۔قبل ازیں قائد حزب اختلاف تیجسوی پرساد یادو نے بابا صاحب ڈاکٹر بھیم راؤ امبیڈکر کی یوم پیدائش کے موقع پر ان کی تصویر پر پھول چڑھائے ۔ وہ پیر کی صبح پارٹی کے ریاستی دفتر پہنچے ۔ وہیں انہوں نے کہا کہ آج ہم نہ صرف بابا صاحب کی یوم پیدائش مناتے ہیں بلکہ ان کے دکھائے ہوئے راستے پر چلنے کا عہد بھی لیتے ہیں۔ اس دوران پارٹی کے تمام عہدیداران موجود تھے ۔