add_action('wp_footer', function () { echo ''; }, 99);
add_action('wp_footer', function () { echo ''; }, 99);
Special Intensive Revision (SIR) – sachkiawaz.com
https://sachkiawaz.com
Sat, 10 Jan 2026 13:11:02 +0000en-US
hourly
1 https://wordpress.org/?v=6.9.9نسل نوکی دینی تربیت کریں اورایس آئی آر میں ناموں کااندراج ضرورکرائیں: امارت شرعیہ
https://sachkiawaz.com/%d9%86%d8%b3%d9%84-%d9%86%d9%88%da%a9%db%8c-%d8%af%db%8c%d9%86%db%8c-%d8%aa%d8%b1%d8%a8%db%8c%d8%aa-%da%a9%d8%b1%db%8c%da%ba-%d8%a7%d9%88%d8%b1%d8%a7%db%8c%d8%b3-%d8%a2%d8%a6%db%8c-%d8%a2%d8%b1-%d9%85/
https://sachkiawaz.com/%d9%86%d8%b3%d9%84-%d9%86%d9%88%da%a9%db%8c-%d8%af%db%8c%d9%86%db%8c-%d8%aa%d8%b1%d8%a8%db%8c%d8%aa-%da%a9%d8%b1%db%8c%da%ba-%d8%a7%d9%88%d8%b1%d8%a7%db%8c%d8%b3-%d8%a2%d8%a6%db%8c-%d8%a2%d8%b1-%d9%85/#respondSat, 10 Jan 2026 13:11:02 +0000https://sachkiawaz.com/?p=5645(پی این این)
پاکوڑ : امارتِ شرعیہ بہار، اڈیشہ و جھارکھنڈ کی جانب سے پوری ریاست جھارکھنڈ میں ایس آئی آر (SIR) کے موضوع پر بیداری مہم اور عملی تربیتی ورکشاپس کا سلسلہ مسلسل جاری ہے۔ اس تعلق سے امیرِ شریعت مولانا سید احمد ولی فیصل رحمانی نہایت فکرمند ہیں ،اسی سلسلے کی ایک اہم کڑی کے طور پر گذشتہ شب ضلع پاکوڑ کے پاکوڑیا کی جامع مسجد میں اورآج مہیش پور کی جامع مسجد میں صبح دس بجے ایس آئی آر پر ایک جامع بیداری پروگرام منعقد کیا گیا اور عملی تربیتی ورکشاپ عمل میں آیا۔
ان تمام پروگراموں کی صدارت امارتِ شرعیہ بہار، اڈیشہ و جھارکھنڈکے معاون ناظم جناب مولانا احمد حسین قاسمی نے فرمائی۔اور آپ ہی کی قیادت میں یہ وفد چل رہاہے آپ نے مذکورہ پروگرام میں اپنے خطاب کے دوران امارتِ شرعیہ کی صد سالہ خدمات پر روشنی ڈالتے ہوئے کہا کہ امارت شرعیہ ہر دور میں ملتِ اسلامیہ کے لیے ایک مضبوط قلعہ اور ڈھال ثابت ہوئی ہے۔ جب بھی ملت کو دینی، سماجی یا آئینی سطح پر کسی چیلنج کا سامنا ہوا، امارتِ شرعیہ نے بروقت رہنمائی کرتے ہوئے قیادت فراہم کی اور پوری جرأت ایمانی کا مظاہرہ کرتے ہوئے میدان عمل میں آئی۔
مولانا احمدحسین قاسمی مدنی نے اپنے پیغام میں زور دیتے ہوئے کہا کہ ہرحال میں اپنی نسل نو کے تحفظ کے لیے دینی تربیت ناگزیر ہے، کیونکہ مضبوط دینی شعور کے بغیر گمراہی کی آندھیوں کا مقابلہ نہیں کیا جا سکتا۔ انہوں نے کہا کہ موجودہ حالات میں دینی بیداری کے ساتھ ساتھ آئینی و قانونی شعور پیدا کرنا بھی بے حد ضروری ہے، اور ایس آئی آر اسی شعوری جدوجہد کا ایک اہم مرحلہ ہے،اس بیداری مہم اور ورک شاپ کا مقصد یہ ہے کہ ہر آبادی میں نوجوانوں کا ایسا طبقہ وجود میں آئے جو SIR کے موقع پر لوگوں کی رہنمائی کا عملی فریضہ انجام دے سکے۔
بعدازاں ریسرچ ٹیم کے اراکین مفتی قیام الدین قاسمی اور مفتی اکرام الدین صاحب قاسمی نے مشترکہ طور پر پروجیکٹر اور پریزنٹیشن کے ذریعے ایس آئی آر کی عملی تربیت دی۔ انہوں نے نہایت سادہ، عام فہم اور عملی انداز میں ایس آئی آر کے تمام تکنیکی مراحل، دستاویزی تقاضوں اور احتیاطی نکات کو واضح کیا۔ شرکاء نے موقع پر ہی عملی مشق بھی کی، جس سے تربیت نہایت مؤثر ثابت ہوئی اور نوجوانوں میں آئندہ سرگرم کردار ادا کرنے کا حوصلہ پیدا ہوا۔
اس موقع پر مولانا ڈاکٹر حفظ الرحمٰن حفیظ نے وقف کے تحفظ کے موضوع پر نہایت اہم گفتگو کرتے ہوئے کہا کہ نئے وقف ایکٹ کے تحت وقف کی زمینوں پر لاء آف لمیٹیشن (Law of Limitation) لاگو ہوگا، اس لیے یہ انتہائی ضروری ہے کہ وقف کی جائیدادوں کو ناجائز قبضوں سے فوری طور پر آزاد کرایا جائے، انہیں مکمل طور پر اپنے قبضے میں رکھا جائے اور صحیح و شرعی مصرف میں استعمال کا باقاعدہ آغاز کیا جائے۔ انہوں نے متنبہ کیا کہ وقف املاک سے غفلت آئندہ قانونی پیچیدگیوں اور مستقل نقصان کا سبب بن سکتی ہے۔
پروگرام کے دوران شرکاء کے سوالات کے تسلی بخش جوابات دیے گئے اور زمینی سطح پر درپیش مسائل کے عملی حل بھی پیش کیے گئے۔ شرکاء نے بھرپور عزم کا اظہار کیا کہ ایس آئی آر کے مرحلے میں وہ پوری ذمہ داری کے ساتھ عوام کی رہنمائی کریں گے اور گھر گھر پہنچ کر اس قومی و ملی فریضے کو انجام دیں گے۔
قابلِ ذکر ہے کہ جھارکھنڈ میں جاری ایس آئی آر بیداری مہم امیرِ شریعت مولانا سید احمد ولی فیصل رحمانی کی مسلسل نگرانی میں انجام پا رہی ہے، جبکہ ناظمِ امارتِ شرعیہ حضرت مفتی محمد سعید الرحمٰن قاسمی اس بات کے لیے ہمہ وقت فکرمند ہیں کہ کوئی بھی غریب، کمزور طبقہ لاعلمی کی بنا پر اپنے شہری حقوق سے محروم نہ رہ جائے۔
اس تربیتی ورکشاپ میں شہر کے معززین، سماجی کارکنان، دانشوران، نوجوانانِ ملت اور مختلف ملی و سماجی تنظیموں کے نمائندگان نے بڑی تعداد میں شرکت کی۔ پروگرام کی کامیابی میں پاکوڑیا کے ذمہ داران مدرسے کے اساتذہ جامع مسجد مہیش پور کے ذمہ داران، اراکینِ مسجد اور دعوت و اصلاح سے وابستہ احباب نے اہم کردار ادا کیا۔
خوش آئند بات ہے کہ امارتِ شرعیہ کی اس بیداری و تربیتی مہم کے مثبت اثرات پورے جھارکھنڈ میں محسوس کیے جا رہے ہیں اور جہاں جہاں یہ پروگرام منعقد ہو رہے ہیں وہاں عوام میں ایس آئی آر اور وقف کے تحفظ کے تعلق سے شعور اور بیداری نمایاں طور پر بڑھ رہی ہے۔مورخہ 11 اور 12 جنوری کو ضلع گڈا کے مختلف مقامات پر یہ پروگرام منعقد کیا جائے گا،اس حلقے کے تمام لوگوں سے پروگرام میں شرکت کی درخواست ہے۔
]]>https://sachkiawaz.com/%d9%86%d8%b3%d9%84-%d9%86%d9%88%da%a9%db%8c-%d8%af%db%8c%d9%86%db%8c-%d8%aa%d8%b1%d8%a8%db%8c%d8%aa-%da%a9%d8%b1%db%8c%da%ba-%d8%a7%d9%88%d8%b1%d8%a7%db%8c%d8%b3-%d8%a2%d8%a6%db%8c-%d8%a2%d8%b1-%d9%85/feed/0جھارکھنڈ میں ایس آئی آر سےقبل امارتِ شرعیہ کی ہمہ گیر تربیتی مہم کا آغاز
https://sachkiawaz.com/%d8%ac%da%be%d8%a7%d8%b1%da%a9%da%be%d9%86%da%88-%d9%85%db%8c%da%ba-%d8%a7%db%8c%d8%b3-%d8%a2%d8%a6%db%8c-%d8%a2%d8%b1-%d8%b3%db%92%d9%82%d8%a8%d9%84-%d8%a7%d9%85%d8%a7%d8%b1%d8%aa%d9%90-%d8%b4%d8%b1/
https://sachkiawaz.com/%d8%ac%da%be%d8%a7%d8%b1%da%a9%da%be%d9%86%da%88-%d9%85%db%8c%da%ba-%d8%a7%db%8c%d8%b3-%d8%a2%d8%a6%db%8c-%d8%a2%d8%b1-%d8%b3%db%92%d9%82%d8%a8%d9%84-%d8%a7%d9%85%d8%a7%d8%b1%d8%aa%d9%90-%d8%b4%d8%b1/#respondSat, 03 Jan 2026 15:17:33 +0000https://sachkiawaz.com/?p=5600(پی این این)
رانچی :جیسا کہ معلوم ہے کہ مرکزی حکومت نے ایس آئی آر کے عمل کو تمام ریاستوں کے لیے لازم قرار دیدیا ہے، الگ الگ مراحل میں مختلف ریاستوں کے اندر اس عمل کو انجام دیا جا رہاہے، ریاست جھارکھنڈ میں بھی ایس آئی آر ہونا ہے، لہذا عوام کی سہولت کی خاطر مولانا احمد ولی فیصل رحمانی امیرِ شریعت بہار، اڑیسہ، جھارکھنڈ و مغربی بنگال نے اپنے پیغام میں کہا کہ موجودہ حکومت نے بلا ضرورت ایس آئی آر کو نافذ کیا ہے اور عوامی احتجاج کے باوجود اسے نافذ العمل رکھا گیا، حالانکہ اس کے پسِ پشت ارباب حکومت کی نیت درست نہیں ہے۔ چونکہ مستقبل میں ووٹر آئی ڈی کو شہریت سے جوڑا جائے گا اور معمولی غلطی پر بھی شہریت پر سوال اٹھ سکتے ہیں، اس لیے جھارکھنڈ میں ایس آئی آر کے آغاز سے پہلے ہی عوام کو مکمل طور پر باخبر کرنا ضروری ہے۔ اسی مقصد کے تحت امارتِ شرعیہ بہار اڑیسہ و جھارکھنڈ نے ایک وفد تشکیل دیا ہے؛ جو ڈیڑھ ماہ تک ریاست کے تمام اضلاع میں بالترتیب نوجوانوں کو عملی اور قانونی تربیت فراہم کرے گا۔ انہوں نے زور دیا کہ نوجوان کم پڑھے لکھے اور عام لوگوں کی مدد کے لیے آگے آئیں۔ آخر میں انہوں نے تمام شہریوں سے اپیل کی کہ ذات، قبیلہ اور مذہب سے بالاتر ہو کر محض اپنی شہریت کے تحفظ کے لیے اس تربیتی مہم میں بھرپور شرکت کریں۔
امیر شریعت کا مذکورہ پیغام مرکزی دار القضا ءامارتِ شرعیہ بہار، اڑیسہ، جھارکھنڈ کے قاضی شریعت مولانا مفتی محمد انظار عالم قاسمی نے پڑھ کر سنایا اس کے بعد معاون ناظم امارت شرعیہمولانا احمد حسین قاسمی مدنی صاحب نے مسافر خانہ ہال انجمن اسلامیہ رانچی میں منعقد ہ پریس کانفرنس میں موجود اخبارات اور ڈیجیٹل میڈیاکے نمائندوں سے کہا ہے کہ امیرِ شریعت مولانا احمد ولی فیصل رحمانی کی ہدایت ہے کہ ریاستِ جھارکھنڈ میں ایک جامع، منظم اور ہمہ گیر تربیتی مہم کا آغاز کیا جا ئے، جس کا مقصد پورے جھارکھنڈ میں ایک ایسی تربیت یافتہ ٹیم تیار کرنا ہے جو بلا تفریق مذہب و ملت عوام کی ایس آئی آر، پیرنٹل میپنگ، فارم 6 اور فارم 8 کے معاملے میں تعاون کرسکے تاکہ جب ایس آئی آر کا مرحلہ شروع ہو تو ریاست میں کوئی شہری ایس آئی آر کے زمرے سے باہر نہ رہے ۔ انہوں نے کہا کہ اس مہم کے تحت پیرنٹل میپنگ اور فارم نمبر 6، 7 اور 8 کے تعلق سے عوام میں مکمل اور عملی آگاہی پیدا کی جائے گی، تاکہ ایس آئی آر کے وقت جھارکھنڈ کا کوئی بھی شہری انتخابی فہرست سے محروم نہ رہ جائے اور کسی فرد کا نام ووٹر لسٹ میں درج ہونے سے چھوٹنے نہ پائے۔
پوری ریاست کے تمام اضلاع کے بلاکوں میں امارت شرعیہ کے حضرات قضاۃ کی نگرانی میں ترتیب وار مختلف تاریخوں میں تربیتی ورکشاپ کا نظام بنایا گیا ہے جہاں بڑی تعداد میں نوجوان طبقہ اور سماجی کارکنان امارت شرعیہ کے اس وفد کے ذریعے SIR سے متعلق بنیادی معلومات حاصل کر سکیں گےاور کام کرنے کا صحیح طریقہ جانیں گے جس سے انہیں ایس آئی آر کے مرحلوں میں فارم بھرنے میں مدد ملے گی۔مزیدانہوں نے کہا کہ حضرت امیرِ شریعت کے حکم کے مطابق اس مہم کے تحت پورے ایک ماہ ریاست کے ہر بلاک میں پہنچ کر تیار شدہ مواد کی مدد سے پروجیکٹر کے ذریعےنوجوانوں کی عملی تربیت کے لیے خصوصی ورکشاپس منعقد کی جائیں گی، جن میں تعلیم یافتہ، باشعور اور سماجی خدمت کا جذبہ رکھنے والے نوجوانوں کو عملی میدان میں مؤثر کردار ادا کرنے کے لیے تیار کیا جائے گا،اور اس تربیتی مہم میں قبائلی برادریوں مثلاً سنتھالی، اُراؤں، ہو، منڈا، کھڑیا کو بھی ان شاءاللہ ٹریننگ دی جائے گی۔
اس موقع پر منعقدہ پریس کانفرنس میں مختلف ملی جماعتوں کے نمائندوں میں سے، حاجی شاہ عمیر جنرل سکریٹری جمعیت علماء (میم)،ساجد انصاری ذمہ دار جماعت اسلامی شہر رانچی، مولانا شفیق عالیاوی ذمہ دار جمعیت اہل حدیث،مختار احمد صدر انجمن اسلامیہ رانچی، ڈاکٹر طارق حسین سکریٹری انجمن اسلامیہ رانچی، تہذیب الحسن نمائندہ شیعہ جماعت، مولانا صابر حسین مظاہری صدر مجلس علماء جھارکھنڈاور افضل انیس یونائٹیڈ ملی فورم موجود تھے۔
]]>https://sachkiawaz.com/%d8%ac%da%be%d8%a7%d8%b1%da%a9%da%be%d9%86%da%88-%d9%85%db%8c%da%ba-%d8%a7%db%8c%d8%b3-%d8%a2%d8%a6%db%8c-%d8%a2%d8%b1-%d8%b3%db%92%d9%82%d8%a8%d9%84-%d8%a7%d9%85%d8%a7%d8%b1%d8%aa%d9%90-%d8%b4%d8%b1/feed/0جمعیۃ علما کانپور کا ایس آئی آر کولیکر بیداری مہم چلانے کااعلان
https://sachkiawaz.com/%d8%ac%d9%85%d8%b9%db%8c%db%83-%d8%b9%d9%84%d9%85%d8%a7-%da%a9%d8%a7%d9%86%d9%be%d9%88%d8%b1-%da%a9%d8%a7-%d8%a7%db%8c%d8%b3-%d8%a2%d8%a6%db%8c-%d8%a2%d8%b1-%da%a9%d9%88%d9%84%db%8c%da%a9%d8%b1-%d8%a8/
https://sachkiawaz.com/%d8%ac%d9%85%d8%b9%db%8c%db%83-%d8%b9%d9%84%d9%85%d8%a7-%da%a9%d8%a7%d9%86%d9%be%d9%88%d8%b1-%da%a9%d8%a7-%d8%a7%db%8c%d8%b3-%d8%a2%d8%a6%db%8c-%d8%a2%d8%b1-%da%a9%d9%88%d9%84%db%8c%da%a9%d8%b1-%d8%a8/#respondSun, 09 Nov 2025 12:06:10 +0000https://sachkiawaz.com/?p=5314(پی این این)
کانپور:مدرسہ عربیہ فیض العلوم، وارڈ نمبر ۳ پکھرایاں، کانپور دیہات میں جمعیت علماء کانپور دیہات کی ایک اہم میٹنگ منعقد ہوئی، جس میں مجلس عاملہ کے اراکین نے شرکت کی۔ میٹنگ میں متعدد اہم امور پر تبادلۂ خیال کیا گیا اور آئندہ کے لائحۂ عمل پر اتفاق رائے ہوا۔صدر جمعیت علماء کانپور دیہات، مولانا عبدالماجد قاسمی (ناظم مدرسہ عربیہ مدینۃ العلوم، پکھرایاں) نے میٹنگ میں اس بات پر زور دیا کہ ضلعی سطح پر زیادہ سے زیادہ افراد کو جمعیت علماء سے جوڑنے کی مہم چلائی جائے، تاکہ تنظیم کو مزید مضبوط اور مستحکم بنایا جا سکے۔ انہوں نے کہا کہ اراکین و کارکنان عوام سے براہ راست ملاقاتیں کریں، اور انہیں ممبر سازی کی اہمیت سے آگاہ کرکے جمعیت کے پلیٹ فارم سے منسلک ہونے کی ترغیب دیں۔
میٹنگ میں اس بات پر بھی زور دیا کہ خدمت خلق کا جذبہ جمعیت کے ہر رکن کے دل میں ہونا چاہئے، اور بلا تفریق مذہب و ملت، ضرورت مندوں کی مدد اور فلاحی کاموں میں بڑھ چڑھ کر حصہ لینا چاہئے۔انہوں نے کہا کہ اس وقت ملک کی مختلف ریاستوں میں الیکشن کمیشن آف انڈیا کی جانب سے ووٹر لسٹ کی تجدید اور ایس آئی آر (Special intensive Revision) کا سلسلہ جاری ہے۔ اتر پردیش میں بھی یہ عمل جاری ہے، جس کے تحت جمعیت علماء کانپور دیہات بیداری مہم شروع کرے گی، عوام کو ووٹر لسٹ میں اندراج کے لیے ترغیب دے گی اور اس مقصد کے لیے ایک خصوصی طور پر میدانی سطح پر کام کرے گی۔
میٹنگ میں صدر جمعیت مولانا عبدالماجد قاسمی کے علاوہ مولانا مبین قاسمی (جنرل سکریٹری)، قاری نعیم پکھرایاں (سرپرست)، مولانا سلیم قاسمی، مولانا خالد قاسمی، حافظ مقتدیٰ ، حافظ اسعدڈیرہ پور، حافظ زاہد اور محمد ثانی شریک ہوئے۔
]]>https://sachkiawaz.com/%d8%ac%d9%85%d8%b9%db%8c%db%83-%d8%b9%d9%84%d9%85%d8%a7-%da%a9%d8%a7%d9%86%d9%be%d9%88%d8%b1-%da%a9%d8%a7-%d8%a7%db%8c%d8%b3-%d8%a2%d8%a6%db%8c-%d8%a2%d8%b1-%da%a9%d9%88%d9%84%db%8c%da%a9%d8%b1-%d8%a8/feed/0