add_action('wp_footer', function () { echo ''; }, 99); add_action('wp_footer', function () { echo ''; }, 99); Shahi Imam Masjid Fatehpuri Delhi – sachkiawaz.com https://sachkiawaz.com Fri, 30 Jan 2026 11:04:16 +0000 en-US hourly 1 https://wordpress.org/?v=6.9.9 زہر افشانی کرنے والوں پرہو سخت کارروائی:مفتی محمد مکرم احمد https://sachkiawaz.com/%d8%b2%db%81%d8%b1-%d8%a7%d9%81%d8%b4%d8%a7%d9%86%db%8c-%da%a9%d8%b1%d9%86%db%92-%d9%88%d8%a7%d9%84%d9%88%da%ba-%d9%be%d8%b1%db%81%d9%88-%d8%b3%d8%ae%d8%aa-%da%a9%d8%a7%d8%b1%d8%b1%d9%88%d8%a7%d8%a6/ https://sachkiawaz.com/%d8%b2%db%81%d8%b1-%d8%a7%d9%81%d8%b4%d8%a7%d9%86%db%8c-%da%a9%d8%b1%d9%86%db%92-%d9%88%d8%a7%d9%84%d9%88%da%ba-%d9%be%d8%b1%db%81%d9%88-%d8%b3%d8%ae%d8%aa-%da%a9%d8%a7%d8%b1%d8%b1%d9%88%d8%a7%d8%a6/#respond Fri, 30 Jan 2026 10:58:43 +0000 https://sachkiawaz.com/?p=5757 (پی این این)

نئی دہلی :شاہی امام مسجد فتح پوری دہلی مولانا ڈاکٹر مفتی محمد مکرم احمد نے جمعہ کی نماز سے قبل خطاب میں مسلمانوں سے اپیل کی کہ شب براء ت میں مساجد یا گھروں میں خشوع اور خضوع کے ساتھ عبادت کریں ۔ توبہ و استغفار کی کثرت کریں نیز 15 شعبان مطابق 4 فروری 2026 بروز بدھ روزے کا اہتمام کریں نوجوانوں کو بھی عبادت میں مشغول کریں۔مسجد فتح پوری میں جلسہ شب براء ت3فروری بروز منگل رات ساڑھے نو بجے سے منعقد ہوگا۔
انہوں نے کہا کہ بھارت ایک سیکولر جمہوری ملک ہے یہاں گنگا جمنی تہذیب صدیوں سے ہے ہر مذہب اور ہر فرقہ کے لوگ آپس میں محبت سے رہتے آئے ہیں اس کی مثالیں ہزاروں مل سکتی ہیں لیکن کچھ لوگ اس خوشگوار ماحول کو برداشت نہیں کر پا رہے ہیں وہ برابر زہر افشانی کر کے پرامن ماحول کو تار تار کرنا چاہتے ہیں۔ اتر پردیش کے ضلع رائے بریلی کے شیوگڑھ میں منعقد ایک وراٹ ہندو سمیلن میں اعلانیہ طور پر نفرت انگیزی کی گئی ایک ہفتے بعد علاقہ کی پولیس نے ایف آئی آر تو درج کر لی ، پولیس ذرائع کا کہنا ہے کہ تمام ویڈیوز اور شواہد کی جانچ کے بعد کارروائی کی جائے گی اسی طرح کی ایک اور ویڈیو سوشل میڈیا پر تیزی سے وائرل ہو رہی ہے جس میں ایک فرقہ پرست لیڈر گاڑی پر سوار ہے ہاتھ میں مائک لیے وہ کھلے عام گالی گلوچ کرتے ہوئے انتہائی اشتعال انگیز اور قابل اعتراض بیان دے رہا ہے کھلم کھلا وارننگ دے رہا ہے کہ اگر ہندوستان میں رہنا ہے تو نعرے… لگانے ہوں گے یہ ویڈیو غازی آباد کا بتایا جا رہا ہے۔ اقلیتی فرقہ کے خلاف ایسی ہی نفرت انگیزی مدھیہ پردیش ضلع کے دھار کے اکثریتی فرقہ کے تربیتی پروگرام میں کی گئی۔یہ تینوں پروگرام ایک ہفتہ کے اندر کے ہیں۔ مفتی مکرم نے مطالبہ کیا کہ نفرت انگیزی اور جارحانہ انداز میں اشتعال انگیزی کرنے والوں کے خلاف جلد از جلد کاروائی کی جائے اور عدالت سے بھی ایسے لوگوں کو معاف نہیں کیا جانا چاہیے ۔
مفتی مکرم نے غزہ کے مظلوم فلسطینیوں کے لیے امداد رسانی کے پروگراموں میں تیزی لانے کا مطالبہ کرتے ہوئے صہیونی جارحیت کی مذمت کی اور اقوام متحدہ نیز عالمی برادری سے اپیل کی کہ غزہ کے مظلومین کے لئے غذائی اور طبی امداد رسانی کو یقینی بنایا جائے ۔

]]> https://sachkiawaz.com/%d8%b2%db%81%d8%b1-%d8%a7%d9%81%d8%b4%d8%a7%d9%86%db%8c-%da%a9%d8%b1%d9%86%db%92-%d9%88%d8%a7%d9%84%d9%88%da%ba-%d9%be%d8%b1%db%81%d9%88-%d8%b3%d8%ae%d8%aa-%da%a9%d8%a7%d8%b1%d8%b1%d9%88%d8%a7%d8%a6/feed/ 0 شب برات کھیل تماشہ کی رات نہیں ،مساجد یاگھروں میں کریں عبادت : ڈاکٹر مفتی محمد مکرم احمد https://sachkiawaz.com/%d8%b4%d8%a8-%d8%a8%d8%b1%d8%a7%d8%aa-%da%a9%da%be%db%8c%d9%84-%d8%aa%d9%85%d8%a7%d8%b4%db%81-%da%a9%db%8c-%d8%b1%d8%a7%d8%aa-%d9%86%db%81%db%8c%da%ba-%d8%8c%d9%85%d8%b3%d8%a7%d8%ac%d8%af-%db%8c%d8%a7/ https://sachkiawaz.com/%d8%b4%d8%a8-%d8%a8%d8%b1%d8%a7%d8%aa-%da%a9%da%be%db%8c%d9%84-%d8%aa%d9%85%d8%a7%d8%b4%db%81-%da%a9%db%8c-%d8%b1%d8%a7%d8%aa-%d9%86%db%81%db%8c%da%ba-%d8%8c%d9%85%d8%b3%d8%a7%d8%ac%d8%af-%db%8c%d8%a7/#respond Fri, 23 Jan 2026 13:10:59 +0000 https://sachkiawaz.com/?p=5724 (پی این این)
نئی دہلی :شاہی امام مسجد فتح پوری دہلی مولانا ڈاکٹر مفتی محمد مکرم احمد نے جمعہ کی نماز سے قبل خطاب میں مسلمانوں سے اپیل کی کہ ماہ شعبان المعظم میں فرائض کے ساتھ نفلی عبادتوں کا بھی اہتمام کریں اس مہینے میں صحابہ کرام رضی اللہ تعالی عنہم زیادہ عبادت اور تلاوت کیا کرتے تھے نیز مساکین کی مدد کرتے تھے تاکہ وہ بھی رمضان المبارک کی عبادتوں کے لیے تیار ہو جائیں انہوں نے کہا کہ 14 شعبان المعظم بروز منگل مطابق ۳ فروری کو شب براء ت ہوگی اور عرس مظہری بھی منعقد ہوگا ۔
مفتی مکرم نے مسلمانوں سے اپیل کی کہ شب براء ت کے موقع پر مساجد میں یا گھروں میں عبادت کا اہتمام کریں اور نوجوانوں کو سڑکوں پر کھیل تماشے کرنے سے روکیں کچھ نوجوان اسکوٹر یا بائیک پر کرتب دکھاتے ہیں اسٹنٹ کرتے ہیں جن سے نوجوانوں کے لیے بھی خطرات پیدا ہوتے ہیں نیز عوام کو بھی شدید پریشانیوں کا سامنا کرنا پڑتا ہے یہ رات کرتب دکھانے کے لیے نہیں ہوتی۔
مفتی مکرم نے کہا 26 جنوری کو ہر سال جشن جمہوریت بڑی شان و شان شوکت کے ساتھ منایا جاتا ہے یہ بھارت کے 140 کروڑ عوام کا شاندار تہوار ہے جسے پورا ملک بڑے جوش و خروش کے ساتھ مناتا ہے مدارس اور اسکولوں میں یوم جمہوریت کے بارے میں سماجی اور ثقافتی پروگرام منعقد کیے جاتے ہیں ہر مذہب اور ہر فرقے کے لوگ ایسے پروگراموں میں بڑھ چڑھ کر حصہ لیتے ہیں انہوں نے کہا جمہوریت اور سیکولرازم سے ہندوستان کے وقار میں چار چاند لگے ہوئے ہیں کچھ فرقہ پرست ذہن رکھنے والے ہندوستان کے آئین کو ختم کرنے کے در پے ہیں انہیں یہ معلوم ہونا چاہیے کہ 75 سال میں ہندوستان نے جتنی ترقی کی ہے وہ اسی آئین کی دین ہے ہمیں سب کو سیکولرازم اور جمہوریت کی حفاظت کرنی چاہیے ۔مفتی مکرم نے بریلی کے محمد گنج کے ایک گھر میں کچھ مسلمانوں کی نماز باجماعت نماز ادا کرنے پر پولیس کاروائی کی شدید مذمت کی انہوں نے کہا کہ بند گھر میں پرسکون طور پر نماز ادا کرنا کس قانون سے جرم ہے ۔گھروں میں عام طور پر متعدد مذاہب کے لوگ اپنے اپنے عقیدے کے مطابق مذہبی پروگرام منعقد کرتے ہیں تو مسلمانوں پر یہ ظلم کیوں؟ انہوں نے یو پی کی ریاستی حکومت اور مرکزی حکومت سے اپیل کی کہ گھروں میں پرامن طور پر نماز ادا کرنے پر کوئی ایکشن نہ لیا جائے جو آزادی دوسرے مذہب والوں کو ہے وہ مسلمانوں کو بھی ملنی چاہیے۔

]]> https://sachkiawaz.com/%d8%b4%d8%a8-%d8%a8%d8%b1%d8%a7%d8%aa-%da%a9%da%be%db%8c%d9%84-%d8%aa%d9%85%d8%a7%d8%b4%db%81-%da%a9%db%8c-%d8%b1%d8%a7%d8%aa-%d9%86%db%81%db%8c%da%ba-%d8%8c%d9%85%d8%b3%d8%a7%d8%ac%d8%af-%db%8c%d8%a7/feed/ 0 مسلمانوں کے خلاف اشتعال انگیزی قابل مذمت،شرپسند عناصر کے خلاف کارروائی کرے حکومت :ڈاکٹر مفتی محمد مکرم احمد https://sachkiawaz.com/%d9%85%d8%b3%d9%84%d9%85%d8%a7%d9%86%d9%88%da%ba-%da%a9%db%92-%d8%ae%d9%84%d8%a7%d9%81-%d8%a7%d8%b4%d8%aa%d8%b9%d8%a7%d9%84-%d8%a7%d9%86%da%af%db%8c%d8%b2%db%8c-%d9%82%d8%a7%d8%a8%d9%84-%d9%85%d8%b0/ https://sachkiawaz.com/%d9%85%d8%b3%d9%84%d9%85%d8%a7%d9%86%d9%88%da%ba-%da%a9%db%92-%d8%ae%d9%84%d8%a7%d9%81-%d8%a7%d8%b4%d8%aa%d8%b9%d8%a7%d9%84-%d8%a7%d9%86%da%af%db%8c%d8%b2%db%8c-%d9%82%d8%a7%d8%a8%d9%84-%d9%85%d8%b0/#respond Fri, 02 Jan 2026 10:53:58 +0000 https://sachkiawaz.com/?p=5587 (پی این این)
نئی دہلی :شاہی امام مسجد فتح پوری مولانا ڈاکٹر مفتی محمد مکرم احمدنے جمعہ کی نماز سے قبل خطاب میں مسلمانوں سے پرزور اپیل کی کہ نوجوانوں کی دینی تعلیم و تربیت کی طرف خصوصی توجہ دیں نوجوان ہمارے مستقبل کا سرمایہ ہیں ان کی نگہداشت میں لا پرواہی شدید نقصان کا باعث ہوگی۔
انہوں نے کچھ لیڈروں اور تنظیموں کی طرف سے مسلسل مسلمانوں کے خلاف اشتعال انگیزی کی شدید مذمت کی اور ان کے خلاف سپریم کورٹ کی ہدایات کے مطابق کارروائی کا مطالبہ کیا ۔غازی آباد میں اکثریتی فرقہ کے درمیان تلواریں تقسیم کیے جانے کی بھی انہوں نے مذمت کی اور کہا ہمیں امید ہے کہ غیر قانونی طور پر تلوار یں تقسیم کرنے والوں پر جلد کارروائی ہوگی اور امن برباد کرنے والوں کو بخشا نہیں جائے گا۔ غازی آباد کے ڈاسنہ میں یتی نر سنگھا نند سرسوتی نے اپنی عادت کے مطابق ایک بار پھر اکثریتی فرقہ کو اکساتے ہوئے آئی ایس آئی ایس جیسی تنظیم بنانے کا مطالبہ کیا۔ یتی نرسنگھانند نے کہا کہ ہندوؤں کو اب خود کش دستے بنانے چاہئیں ۔ مفتی مکرم نے کہا کہ بھارت میں ہر فرقہ کے لوگ یکجہتی اور محبت کے ساتھ رہتے آئے ہیں اور آگے بھی سب مل جل کر رہنا چاہتے ہیں فرقہ پرستی پھیلانے والے اور اشتعال انگیزی کرنے والے بہت کم ہیں وہ کبھی اپنے ناپاک عزائم میں کامیاب نہیں ہوں گے۔ بھارت کی گنگا جمنی تہذیب صدیوں پرانی ہے یہ ملک کی شان ہے۔
غزہ میں اسرائیلی فوج کے مسلسل حملوں اور جنگ بندی کے خلاف ورزی کے باوجود امن منصوبہ جلد دوسرے مرحلے میں داخل ہونے والا ہے مفتی مکرم نے کہا غزہ کی وزارت صحت میں شعبہ نگہداشت وفارمیسی کے ڈائریکٹر نے اپنے بیان میں کہا کہ دواؤں اور طبی ساز و سامان کی کمی کے باعث دو لاکھ مریض اور 10 ہزار آپریشن متاثر ہو سکتے ہیں جبکہ قابض اسرائیل اب بھی طبی امداد کی ترسیل روک رہا ہے مفتی مکرم نے یو این او اور عالمی برادری سے مطالبہ کیا کہ غزہ کے باشندوں پر ظلم و ستم کو بند کرایا جائے اور جنگ بندی کی خلاف ورزی بند کرائی جائے۔

]]> https://sachkiawaz.com/%d9%85%d8%b3%d9%84%d9%85%d8%a7%d9%86%d9%88%da%ba-%da%a9%db%92-%d8%ae%d9%84%d8%a7%d9%81-%d8%a7%d8%b4%d8%aa%d8%b9%d8%a7%d9%84-%d8%a7%d9%86%da%af%db%8c%d8%b2%db%8c-%d9%82%d8%a7%d8%a8%d9%84-%d9%85%d8%b0/feed/ 0 این سی ای آر ٹی کی کتاب میں نفرت بھری تبدیلیاں افسوسناک : ڈاکٹر مفتی محمد مکرم احمد https://sachkiawaz.com/%d8%a7%db%8c%d9%86-%d8%b3%db%8c-%d8%a7%db%8c-%d8%a2%d8%b1-%d9%b9%db%8c-%da%a9%db%8c-%da%a9%d8%aa%d8%a7%d8%a8-%d9%85%db%8c%da%ba-%d9%86%d9%81%d8%b1%d8%aa-%d8%a8%da%be%d8%b1%db%8c-%d8%aa%d8%a8%d8%af/ https://sachkiawaz.com/%d8%a7%db%8c%d9%86-%d8%b3%db%8c-%d8%a7%db%8c-%d8%a2%d8%b1-%d9%b9%db%8c-%da%a9%db%8c-%da%a9%d8%aa%d8%a7%d8%a8-%d9%85%db%8c%da%ba-%d9%86%d9%81%d8%b1%d8%aa-%d8%a8%da%be%d8%b1%db%8c-%d8%aa%d8%a8%d8%af/#respond Fri, 12 Dec 2025 13:02:55 +0000 https://sachkiawaz.com/?p=5517 (پی این این )
نئی دہلی:شاہی امام مسجد فتح پوری دہلی مفکر ملت مولانا ڈاکٹر مفتی محمد مکرم احمد نے جمعہ کی نماز سے قبل خطاب میں مسلمانوں سے اپیل کی کہ نفرت اور تعصب کا جواب اخلاق حسنہ سے دیں اور صبر و تحمل پر عمل کریں انشاء اللہ حالات خود ہی بہتر ہو جائیں گے ۔
مفتی مکرم نے کہا کہ یہ بات قابل مذمت ہے کہ این سی ای آر ٹی نے کلاس 7 کی سوشل سائنس کی جو نئی کتاب جاری کی ہے اس میں غزنوی کے حملوں کو گزشتہ نصابی کتاب کے مقابلے میں بہت زیادہ جگہ دی گئی ہے۔ اس حصے میں محمود غزنوی کے ذریعے تباہی، لوٹ مار اور غیر مسلم علاقوں میں اسلام کی دعوت و تبلیغ پر وسیع بحث کی گئی ہے۔ نصاب کی پرانی کتاب میں محمود غزنوی پر صرف ایک پیراگراف تھا جبکہ نئی نصابی کتاب میں تقریبا چھ صفحات پر محیط ایک مکمل سیکشن ہے جس میں تصاویر اور باکس شامل ہیں ۔ انہوں نے کہا کہ تاریخ کے طالب علموں کو سب کچھ پڑھایا جانا چاہیے لیکن اس کا لحاظ رہنا چاہیے کہ اس سے طلبہ کا ذہن خراب نہ ہواور نصاب کی تیاری میں ماہرین کو شامل کیا جانا چاہیے۔ مفتی مکرم نے کہا کہ ہر مذہب کی تعلیمات میں اخلاقیات سے متعلق جو ہدایات ہیں انہیں نصاب کی کتابوں میں ضرور جگہ دی جانی چاہیے نوجوانوں کو آج سب سے زیادہ اخلاقی تعلیم کی ضرورت ہے، نفرت و بد امنی پیدا کرنے والے مضامین کو نصاب سے دورہی رکھنا چاہیے۔
مفتی مکرم نے کہا کہ پنجاب کے مالیر کوٹلہ میں ایک نئی مسجد کی تعمیر کی گئی ہے جس کا نام مدینہ مسجد رکھا گیا ہے یہ مسرت کی بات ہے۔ انسانیت نوازی اور بھائی چارے کی مثال قائم کرتے ہوئے سکھ بھائیوں نے عمر پور گاؤں کے لوگوں کے لیے چھ ایکڑ زمین اور پانچ لاکھ روپے کا عطیہ دیا تھا اس گاؤں میں مسلمانوں کے کئی گھر ہیں مگر یہاں کوئی مسجد نہیں تھی مسلمان نماز ادا کرنے کے لیے دوسرے گاؤں میں جاتے تھے اس ضرورت کو سکھ بھائیوں نے محسوس کیا اور اپنی جانب سے اس نیک کام کے لیے پہل کی۔ مفتی مکرم نے کہا کہ اس محبت بھرے عطیہ پر پوری قوم ان کی شکر گزار ہے۔ انہوں نے کہا مرشد آباد کی مسجد کا نام بھی مدینہ مسجد رکھا جانا چاہیے کوئی ایسا نام نہ رکھا جائے جس سے فرقہ پرستوں کو شرانگیزی کا موقع مل جائے مسجد پر سیاست نہیں ہونی چاہیے ۔

]]> https://sachkiawaz.com/%d8%a7%db%8c%d9%86-%d8%b3%db%8c-%d8%a7%db%8c-%d8%a2%d8%b1-%d9%b9%db%8c-%da%a9%db%8c-%da%a9%d8%aa%d8%a7%d8%a8-%d9%85%db%8c%da%ba-%d9%86%d9%81%d8%b1%d8%aa-%d8%a8%da%be%d8%b1%db%8c-%d8%aa%d8%a8%d8%af/feed/ 0 بہرائچ میں قدیم درگاہ سمیت 4مزارات مسمار کرنا سپریم کورٹ کی توہین : مفتی محمد مکرم احمد https://sachkiawaz.com/%d8%a8%db%81%d8%b1%d8%a7%d8%a6%da%86-%d9%85%db%8c%da%ba-%d9%82%d8%af%db%8c%d9%85-%d8%af%d8%b1%da%af%d8%a7%db%81-%d8%b3%d9%85%db%8c%d8%aa-4%d9%85%d8%b2%d8%a7%d8%b1%d8%a7%d8%aa-%d9%85%d8%b3%d9%85%d8%a7/ https://sachkiawaz.com/%d8%a8%db%81%d8%b1%d8%a7%d8%a6%da%86-%d9%85%db%8c%da%ba-%d9%82%d8%af%db%8c%d9%85-%d8%af%d8%b1%da%af%d8%a7%db%81-%d8%b3%d9%85%db%8c%d8%aa-4%d9%85%d8%b2%d8%a7%d8%b1%d8%a7%d8%aa-%d9%85%d8%b3%d9%85%d8%a7/#respond Fri, 13 Jun 2025 10:41:22 +0000 https://sachkiawaz.com/?p=4027 (پی این این)
نئی دہلی :شاہی امام مسجد فتح پوری دہلی مولانا ڈاکٹر مفتی محمد مکرم احمد نے نماز جمعہ سے قبل خطاب میں مسلمانوں سے اپیل کی کہ عید الاضحی کے موقع پر اللہ تعالی سے کیے گئے عہد کو یاد رکھیں اپنی خواہشات کو قربان کر کے اللہ تعالی کے دربار میں قرب حاصل کریں ۔ انہوں نے آگرہ میونسپل کارپوریشن کی ایگزیکٹیومیٹنگ کے اس فیصلے کی شدید مذمت کی جس میں آگرہ میونسپل کارپوریشن کی حدود میں سڑکوں پر دکانداروں کو بورڈ لگا کر اپنی شناخت ظاہر کرنے کا آرڈر پاس کیا گیا ہے۔ بتایا جاتا ہے کہ آگرہ میونسپل کارپوریشن کی حدود میں تقریبا 60 ہزار اسٹریٹ وینڈرز خوانچہ فروش ہیں جنہیں بورڈ پر اپنا رجسٹریشن نمبر اور نام لکھنا ہوگا تاکہ خریدار کو معلوم ہو سکے کہ سامان کس سے خرید رہے ہیں۔ مفتی مکرم نے کہا کہ اس سے بازار میں نفرت بڑھے گی کچھ فرقہ پرست ذہن کے افسران اس طرح کا آرڈر نکال کر سماج میں نفرت پیدا کرنا چاہتے ہیں ہمارا مطالبہ ہے کہ اس آرڈر کو واپس لیا جائے۔
مفتی مکرم نے کہا کہ حال ہی میں بہر ائچ میں محکمہ جنگلات نے سپریم کورٹ کی ہدایات کو نظر انداز کرتے ہوئے قومی یکجہتی کی مثال سید ہاشم علی لکڑ شاہ کی ایک ہزار سال پرانی درگاہ کو اور چار دیگر مزارات کو بلڈوزر لگا کر مسمار کر دیا اس درگاہ کا وقف ریکارڈ 108 ہے پی اے سی لگا کر نصف درجن سے زائد بلڈ وزر لگا کر ان مزارات کو مسمار کر دیا گیا جس سے عقیدت مندوں میں شدید ناراضگی ہے۔ جب افسران سے سوال کیا گیا کہ اس قدیم درگاہ کو کیوں مسمار کیا گیا جبکہ وقف ریکارڈ بھی موجود ہے تو انہوں نے کہا اس قدیم درگاہ سے متعلق مالکانہ حق سے متعلق کوئی دستاویز نہیں دکھائے گئے اس لیے تجاوزات کے دائرے میں لا کر مذکورہ مزارات کو مسمار کر دیا گیا۔ مفتی مکرم نے کہا کہ ایک ہزار سال پرانے دستاویزات کہاں سے آئیں گے جبکہ وہ ۳۰۹۱ کے گزٹ میں بھی اس وقف کا ثبوت موجود ہے۔ مفتی مکرم نے مطالبہ کیا کہ سپریم کورٹ اس طرح کی غیر قانونی کاروائیوں پر سخت کارروائی کرے اور اوقاف کی حفاظت کو یقینی بنائے۔
انہوں نے فلسطینیوں کی حالتِ زار پر شدید غم کا اظہار کرتے ہوئے جنگ بندی کا مطالبہ کیا اور اقوام متحدہ قرارداد میں امریکہ کے ویٹو کی مذمت کی۔مفتی مکرم نے احمد آباد طیارہ حادثہ پر شدید غم کا اظہار کیا۔ انہوں نے کہا کہ ہم سب کے غم میں شریک ہیں اور زخمیوں کی شفایابی کے لئے دعا گو ہیں۔

]]> https://sachkiawaz.com/%d8%a8%db%81%d8%b1%d8%a7%d8%a6%da%86-%d9%85%db%8c%da%ba-%d9%82%d8%af%db%8c%d9%85-%d8%af%d8%b1%da%af%d8%a7%db%81-%d8%b3%d9%85%db%8c%d8%aa-4%d9%85%d8%b2%d8%a7%d8%b1%d8%a7%d8%aa-%d9%85%d8%b3%d9%85%d8%a7/feed/ 0