add_action('wp_footer', function () { echo ''; }, 99);
add_action('wp_footer', function () { echo ''; }, 99);
Maulana Ahmed Wali Faisal Rahmani – sachkiawaz.com
https://sachkiawaz.com
Sun, 22 Feb 2026 13:09:18 +0000en-US
hourly
1 https://wordpress.org/?v=6.9.9جامعہ رحمانی، خانقاہ مونگیر کے تمام شعبہ جات میں داخلہ جاری
https://sachkiawaz.com/%d8%ac%d8%a7%d9%85%d8%b9%db%81-%d8%b1%d8%ad%d9%85%d8%a7%d9%86%db%8c%d8%8c-%d8%ae%d8%a7%d9%86%d9%82%d8%a7%db%81-%d9%85%d9%88%d9%86%da%af%db%8c%d8%b1-%da%a9%db%92-%d8%aa%d9%85%d8%a7%d9%85-%d8%b4%d8%b9/
https://sachkiawaz.com/%d8%ac%d8%a7%d9%85%d8%b9%db%81-%d8%b1%d8%ad%d9%85%d8%a7%d9%86%db%8c%d8%8c-%d8%ae%d8%a7%d9%86%d9%82%d8%a7%db%81-%d9%85%d9%88%d9%86%da%af%db%8c%d8%b1-%da%a9%db%92-%d8%aa%d9%85%d8%a7%d9%85-%d8%b4%d8%b9/#respondSun, 22 Feb 2026 13:09:18 +0000https://sachkiawaz.com/?p=5910(پی این این)
مونگیر :جامعہ رحمانی، خانقاہ مونگیر، بہارملک ہندوستان کا منفرد، ممتاز دینی، تعلیمی اور تربیتی ادارہ ہے، جہاں ابتدائی درجات سے لے کر دورہ حدیث اور تخصصات تک کی تعلیم کا معیاری نظم ہے ۔ جامعہ رحمانی کے سرپرست امیر شریعت مولانا احمد ولی فیصل رحمانی سجادہ نشیں خانقاہ رحمانی مونگیر کی ہدایت پر تعلیمی مشاورتی مجلس نے نئے تعلیمی سال 1446-1447ھ کے لیے تمام شعبوں میں داخلے کا اعلان کیا ہے۔
ہر سال کی طرح اس سال بھی جامعہ رحمانی کے تمام درجات، (درجہ حفظ، درجات عربی از درجہ ششم اردو تا دورہ حدیث)، دار الحکمت (حفظ و عربی)، معہد الریادۃ (لیڈرشپ اکیڈمی)، شعبہ تخصص فی الافتاء، اور شعبہ صحافت میں داخلے کے لئے اس سائٹ rahmanimission.info پر آن لائن فارم بھرکر اپنا رجسٹریشن کروا لیں ۔ داخلہ کی تمام کاروائی امتحان میں کامیابی کی بنیاد پر ہوگا تخصصات کے طلبہ کو وظیفہ بھی دیا جائے گا ۔ ان شاءاللہ
درجہ حفظ تا دورہ حدیث اور دار الحکمت (حفظ و عربی) میں فارم جمع کرانے کی آخری تاریخ 28 رمضان المبارک 1446ھ ہے، شعبہ تخصص فی الافتاء کے لیے 20 شوال المکرم 1446ھ جبکہ معہد الریادۃ (لیڈرشپ اکیڈمی) اور شعبہ صحافت کے لیے 15 شوال المکرم 1446ھ مقرر کی گئی ہے۔
مطلوبہ تمام درجات میں داخلہ کیلئے امتحان تحریری و تقریری ہوگا، تخصص فی الافتاء اور معہد الریادۃ میں داخلہ کیلئے فقہ، حدیث، عربی ادب اور ترجمہ قرآن وغیرہ کا امتحان لیا جائے گا البتہ معہد الریادۃ میں ابتدائی انگریزی کا امتحان بھی ہوگا۔ شعبہ صحافت میں داخلہ کیلئے اردو زبان و ادب کے بنیادی اصول و قواعد اور مضمون نگاری کا امتحان ہوگا۔
مزید معلومات اور رہنمائی کے لیے درج ذیل نمبرات پر رابطہ کریں۔مولانا عبد الاحد رحمانی ازہری: 081022 17957،مولانا محمد صبا حیدر ندوی : 7039605711، مفتی نشاط احمد ندوی ، 9608078879 ، مفتی جنید احمد قاسمی ، 7004543729، فضل رحمٰں رحمانی : 9971224394
]]>https://sachkiawaz.com/%d8%ac%d8%a7%d9%85%d8%b9%db%81-%d8%b1%d8%ad%d9%85%d8%a7%d9%86%db%8c%d8%8c-%d8%ae%d8%a7%d9%86%d9%82%d8%a7%db%81-%d9%85%d9%88%d9%86%da%af%db%8c%d8%b1-%da%a9%db%92-%d8%aa%d9%85%d8%a7%d9%85-%d8%b4%d8%b9/feed/0امیرِ شریعت کے ہاتھوں متعدد اہم کتابوں کا شاندار رسمِ اجرا
https://sachkiawaz.com/%d8%a7%d9%85%db%8c%d8%b1%d9%90-%d8%b4%d8%b1%db%8c%d8%b9%d8%aa-%da%a9%db%92-%db%81%d8%a7%d8%aa%da%be%d9%88%da%ba-%d9%85%d8%aa%d8%b9%d8%af%d8%af-%d8%a7%db%81%d9%85-%da%a9%d8%aa%d8%a7%d8%a8%d9%88%da%ba/
https://sachkiawaz.com/%d8%a7%d9%85%db%8c%d8%b1%d9%90-%d8%b4%d8%b1%db%8c%d8%b9%d8%aa-%da%a9%db%92-%db%81%d8%a7%d8%aa%da%be%d9%88%da%ba-%d9%85%d8%aa%d8%b9%d8%af%d8%af-%d8%a7%db%81%d9%85-%da%a9%d8%aa%d8%a7%d8%a8%d9%88%da%ba/#respondMon, 09 Feb 2026 13:15:44 +0000https://sachkiawaz.com/?p=5826(پی این این)
پٹنہ:امارتِ شرعیہ بہار، اڈیشہ، جھارکھنڈ و مغربی بنگال کے مرکزی دفتر میں منعقدہ اجلاسِ مجلسِ شوریٰ کے موقع پر ایک یادگار اور علمی اہمیت کی حامل نشست میں امیرِ شریعت مفکرِ ملت مولانا احمد ولی فیصل رحمانی کے دستِ مبارک سے متعدد قیمتی اور علمی کتابوں کا باوقار رسمِ اجرا انجام پایا۔
اس موقع پر معروف عالمِ دین، صاحبِ قلم اور معہد عائشہ الصدیقہ خاتوپور بیگوسرائے کے بانی وناظم مولانا مفتی عین الحق امینی قاسمی کی دو اہم تصانیف کی رونمائی عمل میں آئی۔ پہلی کتاب “افکارِ ولی” ہے، جو امیرِ شریعت سابع مولانا محمد ولی رحمانی رحمہ اللہ تعالیٰ کے افکاروالفاظ، سیرت و کردار، منہج و اولیات اور دینی و سماجی خدمات پر مبنی تحقیقی اور فکری مضامین کا ایک نہایت گراں قدر اور بصیرت افروز مجموعہ ہے۔ کتاب امیر شریعت مولانا احمد ولی فیصل رحمانی نائب امیر شریعت مولانا محمد شمشاد رحمانی ،مفتی محمد خالد حسین نیموی اور پرفیسر ڈاکٹر شکیل احمد قاسمی کے کلمات عالیہ سے مزین ہے جس میں مؤلف کی کاوش اور امیر شریعت سابع سے غیر معمولی عقیدت ومحبت کو سراہا گیا ہے۔ یہ کتاب دینی قیادت، فکری رہنمائی اور ملت کے لیے مشعلِ راہ کی حیثیت رکھتی ہے۔اس کتاب میں رحمانی کے روشن افکار اور ادھورے خواب کو بھی تفصیل سے بیان کیا گیا۔
اسی طرح دوسری کتاب “تذکرۂ مشفقِ ملت” ہے، جو سابق رکنِ شوریٰ امارتِ شرعیہ اور بیگو سرائے کی عظیم دینی وملی شخصیت مولانا محمدشفیق عالم قاسمی کی حیات، علمی خدمات، ملی جدوجہد اور دینی و سماجی کارناموں پر مشتمل ایک جامع اور مؤثر تذکرہ ہے۔ یہ کتاب اہلِ علم اور نئی نسل کے لیے ایک قیمتی تاریخی و اخلاقی سرمایہ ہے۔ اس کتاب کی تصنیف کے ذریعےمصنف نے مشفق ملت پر آنے والے دنوں میں کام کرنے والوں کے لئے مضبوط متن تیار کردیا ہے جس سے استفادہ کیا جاتا رہے گا ۔ اس تقریب میں ایک اور اہم تصنیف “حی علی الفلاح” کا بھی رسمِ اجرا ہوا، جو مفتی محفوظ الرحمن قاسمی (صدر مفتی و مہتمم جامعہ عربیہ سراج العلوم) کے علمی و اصلاحی افادات کو مرتب کر کے شائع کی گئی ہے۔ اس کتاب کی ترتیب و تدوین قاری محمد حیدر نے انجام دی ہے۔ یہ تصنیف دینی تربیت، فکری رہنمائی اور روحانی اصلاح کے حوالے سے نہایت مفید اور مؤثر کاوش ہے۔
امیرِ شریعت دامت برکاتہم نے اس موقع پر مصنفین، مرتبین اور معاونین کو مبارکباد پیش کرتے ہوئے فرمایا کہ علمی و فکری سرمایہ امت کی امانت ہے، اور ایسی تصانیف آئندہ نسلوں کے لیے رہنمائی، بصیرت اور اصلاح کا ذریعہ بنتی ہیں۔ انہوں نے اہلِ علم کو تحقیق، تصنیف اور دینی خدمات کے میدان میں مزید سرگرم رہنے کی تلقین فرمائی۔اجلاس میں شریک مجلسِ شوریٰ کے معزز اراکین، علما، دانشوران اور مہمانانِ خصوصی نے ان کتابوں کو ملت کے لیے ایک اہم علمی سرمایہ قرار دیا اور امارتِ شرعیہ کی علمی و فکری خدمات کو سراہتے ہوئے مصنفین کو مبار بادی بھی پیش کی ۔اس اہم پروگرامز میں ان قیمتی علمی دستاویزوں کی رونمائی نہ صرف ایک خوش آئند پیش رفت ثابت ہوئی بلکہ ملتِ اسلامیہ کے فکری و دینی تسلسل کو مضبوط کرنے کی ایک اہم کڑی بھی سامنے آئی۔
]]>https://sachkiawaz.com/%d8%a7%d9%85%db%8c%d8%b1%d9%90-%d8%b4%d8%b1%db%8c%d8%b9%d8%aa-%da%a9%db%92-%db%81%d8%a7%d8%aa%da%be%d9%88%da%ba-%d9%85%d8%aa%d8%b9%d8%af%d8%af-%d8%a7%db%81%d9%85-%da%a9%d8%aa%d8%a7%d8%a8%d9%88%da%ba/feed/0جامعہ رحمانی خانقاہ مونگیر میں عظیم الشان اجلاس ختم بخاری شریف کا انعقاد
https://sachkiawaz.com/%d8%ac%d8%a7%d9%85%d8%b9%db%81-%d8%b1%d8%ad%d9%85%d8%a7%d9%86%db%8c-%d8%ae%d8%a7%d9%86%d9%82%d8%a7%db%81-%d9%85%d9%88%d9%86%da%af%db%8c%d8%b1-%d9%85%db%8c%da%ba-%d8%b9%d8%b8%db%8c%d9%85-%d8%a7%d9%84/
https://sachkiawaz.com/%d8%ac%d8%a7%d9%85%d8%b9%db%81-%d8%b1%d8%ad%d9%85%d8%a7%d9%86%db%8c-%d8%ae%d8%a7%d9%86%d9%82%d8%a7%db%81-%d9%85%d9%88%d9%86%da%af%db%8c%d8%b1-%d9%85%db%8c%da%ba-%d8%b9%d8%b8%db%8c%d9%85-%d8%a7%d9%84/#respondMon, 02 Feb 2026 12:34:17 +0000https://sachkiawaz.com/?p=5789(پی این این)
مونگیر :جامعہ رحمانی خانقاہ مونگیر میں ہر سال کی طرح اس سال بھی ختمِ بخاری شریف کی عظیم الشان اور بابرکت تقریب خانقاہ رحمانی کی پرشکوہ مسجد میں منعقد ہوئی، جس کی صدارت جامعہ رحمانی مونگیر کے سرپرست امیرِ شریعت مولانا احمد ولی فیصل رحمانی ، سجادہ نشیں خانقاہ رحمانی مونگیر نے کی۔ اس موقع پر امیرِ شریعت نے جامعہ رحمانی سے اس سال فارغ ہونے والے طلبہ کو بخاری شریف کی آخری حدیث کا درس دے کر حدیث کے پڑھنے پڑھانے کی اجازت دی اور نہایت بصیرت افروز، فکر انگیز اور نصیحت آموز خطاب میں علم کے ساتھ عمل، اخلاص، تقویٰ اور خدمتِ دین کی تلقین کی۔ حضرت نے آیتِ کریمہ اِنَّ صَلَاتِیْ وَنُسُکِیْ وَمَحْیَایَ وَمَمَاتِیْ لِلّٰہِ رَبِّ الْعَالَمِیْنَ کی تشریح کرتے ہوئے زندگی کے ہر لمحے ہر کام میں رضاء الٰہی کے طلب و استحضار پر زور دیا اور نصیحت کی کہ اصل کامیابی اس وقت ملتی ہے جب انسان اپنی پوری زندگی کو اللہ تعالیٰ کی رضا کے تابع کر دے۔
آپ سے قبل جامعہ رحمانی خانقاہ مونگیر کے شیخ الحدیث مولانا مفتی محمد اظہر مظاہری نے بخاری شریف کی ایک حدیث پڑھائی ،اور اپنی سند سے حدیثِ رسول ﷺ کی روایت، قرأت اور تدریس کی اجازت دی ساتھ ہی اکابرِ امت کی تشریحات کی روشنی میں حدیث شریف پر مکمل عمل پیرا ہونے کی خصوصی تاکید کی۔اجلاس سے خطاب کرتے ہوئے جامعہ رحمانی کے ناظمِ تعلیمات مولانا جمیل احمد مظاہری نے فرمایا کہ قرآنِ کریم کے بعد حدیثِ رسول ﷺ ہی شریعتِ اسلامیہ کی عملی اور مستند تعبیر ہے، جبکہ مفتی محمد جنید قاسمی نے اسلام و شریعت میں حدیثِ شریف کی حجیت پر جامع اور مدلل خطاب کرتے ہوئے منکرینِ حدیث کے شبہات کا علمی و تحقیقی جائزہ پیش کیا۔ اسی طرح ناظمِ تعلیمات برائے امور طلبہ مولانا محمد خالد رحمانی نے حدیثِ نبوی ﷺ کی روشنی میں اصلاحِ معاشرہ کے موضوع پر نہایت فکر انگیز گفتگو کی اور سماج میں پھیلی ہوئی اخلاقی و معاشرتی برائیوں کے سدِباب پر زور دیا اور ساتھ ہی مکمل پروگرام کی شاندار نظامت کی ۔
اجلاس کا آغاز جامعہ کے استاد مولانا قاری وسیم اختر قاسمی کی پرسوز تلاوتِ کلامِ پاک سے ہوا۔ بعد ازاں مولانا محمد دلشاد رحمانی، حافظ محمد انصار سلمہ (متعلمانِ جامعہ رحمانی مونگیر) اور معروف نعت خواں مولانا منظر قاسمی رحمانی نے بارگاہِ رسالت ﷺ میں نعتیہ کلام پیش کر کے محفل کو روحانیت سے معطر کر دیا۔ انجمن نادیۃ الادب کے صدر و استاذ حدیث جامعہ رحمانی مونگیر مولانا محمد نعیم رحمانی نے انجمن کے مختلف پروگراموں میں پوزیشن حاصل کرنے والے تمام طلبہ کو حضرت امیر شریعت کے دست مبارک سے انعام عطا کروایا ۔اختتامی مرحلے میں مولانا محمد برکت اللہ رحمانی کھگڑیا نے الوداعی ترانہ پیش کیا، جس سے مجلس پر رقت طاری ہو گئی اور حاضرین کی آنکھیں اشکبار ہو گئیں۔اخیر میں حضرت امیر شریعت کی دعاء سے پروگرام کا اختتام ہوا۔
جامعہ رحمانی میں 9 فروری سنہ 1966 ء میں دورہ حدیث شریف کا افتتاح ہوا تھا تب سے تسلسل کے ساتھ یہاں حدیث شریف کے پڑھنے پڑھانے کا کام جاری ہے۔یہ روحانی و علمی تقریب ہر اعتبار سے نہایت کامیاب رہی، جس میں جامعہ رحمانی خانقاہ مونگیر کے ذمہ داران، اساتذۂ کرام، کارکنان، طلبہ کے علاوہ بہار کے مختلف اضلاع اور ملک کے الگ الگ گوشوں سے جامعہ رحمانی خانقاہ مونگیر کے متعلقین، متوسلین اور معتقدین کی بڑی تعداد نے شرکت کر کے خوب استفادہ کیا۔
]]>https://sachkiawaz.com/%d8%ac%d8%a7%d9%85%d8%b9%db%81-%d8%b1%d8%ad%d9%85%d8%a7%d9%86%db%8c-%d8%ae%d8%a7%d9%86%d9%82%d8%a7%db%81-%d9%85%d9%88%d9%86%da%af%db%8c%d8%b1-%d9%85%db%8c%da%ba-%d8%b9%d8%b8%db%8c%d9%85-%d8%a7%d9%84/feed/0جامعہ رحمانی میں 40 روزہ انگلش لرننگ ورکشاپ کا کامیاب انعقاد
https://sachkiawaz.com/%d8%ac%d8%a7%d9%85%d8%b9%db%81-%d8%b1%d8%ad%d9%85%d8%a7%d9%86%db%8c-%d9%85%db%8c%da%ba-40-%d8%b1%d9%88%d8%b2%db%81-%d8%a7%d9%86%da%af%d9%84%d8%b4-%d9%84%d8%b1%d9%86%d9%86%da%af-%d9%88%d8%b1%da%a9/
https://sachkiawaz.com/%d8%ac%d8%a7%d9%85%d8%b9%db%81-%d8%b1%d8%ad%d9%85%d8%a7%d9%86%db%8c-%d9%85%db%8c%da%ba-40-%d8%b1%d9%88%d8%b2%db%81-%d8%a7%d9%86%da%af%d9%84%d8%b4-%d9%84%d8%b1%d9%86%d9%86%da%af-%d9%88%d8%b1%da%a9/#respondSat, 17 Jan 2026 15:21:05 +0000https://sachkiawaz.com/?p=5692(پی این این)
مونگیر :جامعہ رحمانی میں طلبہ و اساتذہ کی انگریزی زبان پر گرفت مضبوط کرنے کے مقصد سے 40 روزہ خصوصی انگلش لرننگ ورکشاپ کا کامیاب انعقاد عمل میں آیا۔ اس تعلیمی و تربیتی ورکشاپ کا انعقاد امیرِ شریعت مولانا احمد ولی فیصل رحمانی، سجادہ نشین خانقاہ رحمانی مونگیر کی سرپرستی و رہنمائی میں کیا گیا، جن کی بصیرت افروز قیادت نے مدارس میں دینی تقاضوں کے مطابق زبان سیکھنے کی ایک مضبوط مثال قائم کی۔
اس ورکشاپ کے لیے جنوبی ہند کے شہر حیدرآباد سے معروف انگلش ماسٹر ٹرینر مولانا محمد عاقب صفی کو مدعو کیا گیا، جنہوں نے جدید، عملی طرز کے مؤثر تربیتی اسلوب کے ذریعے طلبہ کو انگریزی بول چال، اسٹیج کانفیڈنس، تقریری مہارت، مؤثر اظہارِ خیال اور پبلک اسپیکنگ کی عملی تربیت فراہم کی۔ چالیس دنوں پر محیط اس پروگرام میں طلبہ کی نمایاں پیش رفت دیکھنے کو ملی۔ورکشاپ کے اختتام پر طلبہ کی عملی کارکردگی کو جانچنے اور ان کی صلاحیتوں کے اظہار کے لیے ’’رحمانی ٹاکس‘‘ کے عنوان سے ایک خصوصی پروگرام منعقد کیا گیا، جس میں طلبہ نے انگریزی زبان میں تقاریر،قرآنی آیات کی تفسیر،اسلامی واقعات کی پیش کش، محاورات کے استعمال اور اظہارِ خیال کے مقابلوں میں بھرپور شرکت کی اور اپنے اعتماد و مہارت کا شاندار مظاہرہ کیا۔
پروگرام کے صدارتی خطاب میں جامعہ رحمانی کے استاذِ حدیث مولانا مفتی ریاض احمد قاسمی نے فرمایا کہ مثالی قیادت کی مثالی سوچ، مثالی مدرس کی مثالی تدریس، مثالی طلبہ کی مثالی محنت اور مثالی انتظامیہ کے مثالی نظم و نسق کے امتزاج سے ہی وہ نظام وجود میں آتا ہے جس کی جھلک اس چار گھنٹے پر محیط پروگرام میں واضح طور پر نظر آئی۔ اب ضرورت اس بات کی ہے کہ اس بنیاد پر اخلاص کے ساتھ مسلسل محنت کی جائے تاکہ یہ خواب ایک مضبوط اور پائیدار حقیقت بن سکے۔
اس کے بعد جامعہ رحمانی کے ناظمِ تعلیمات برائے امور طلبہ مولانا محمد خالد رحمانی نے اپنے تاثرات میں کہا کہ مدارسِ اسلامیہ میں زبان کی اہمیت کو جس گہرائی کے ساتھ امیرِ شریعت مولانا احمد ولی فیصل رحمانی دامت برکاتہم سجادہ نشیں خانقاہ رحمانی مونگیر نے محسوس کیا اور اس کا عملی حل پیش کیا، اس کی مثالیں کم ملتی ہیں۔ ’’رحمانی ٹاکس‘‘ اسی وژن کا عملی مظہر ہے۔مولانا صالحین ندوی سکریٹری، رحمانی فاؤنڈیشن مونگیر نے کہا کہ اس نوعیت کے ورکشاپس آئندہ بھی جاری رہیں گے تاکہ طلبہ کی دلچسپی برقرار رہے، یہی جامعہ کے سرپرست امیرِ شریعت دامت برکاتہم اور تمام ذمہ داران کی مشترکہ خواہش ہے۔
جامعہ رحمانی کے شعبۂ صحافت کے ایچ او ڈی فضل رحماں رحمانی نے 40 روزہ انگلش لرننگ پروگرام کے انعقاد پر امیرِ شریعت مولانا احمد ولی فیصل رحمانی کی بصیرت اور سرپرستی کو خراجِ تحسین پیش کیا اور پروگرام کو کامیابی سے ہمکنار کرنے پر ماسٹر ٹرینر مولانا عاقب صفی کا خصوصی شکریہ ادا کیا۔ انہوں نے جامعہ رحمانی سے فارغ ہونے والے سالِ ہشتم عربی کے طلبہ کو دعوت دی کہ وہ آئندہ برس جامعہ رحمانی آئیں، جہاں ان کے لیے خصوصی طور پر 40 روزہ انگلش لرننگ ورکشاپ منعقد کی جائے گی۔ اس موقع پر انہوں نے انگریزی زبان کے 45 حروف پر مشتمل طویل ترین لفظ کا تذکرہ کر کے طلبہ کو علمی ذوق بھی فراہم کیا۔
’’رحمانی ٹاکس‘‘ میں نمایاں کارکردگی کا مظاہرہ کرنے والے طلبہ کو ایوارڈز اور اسناد سے نوازا گیا۔ اس موقع پر اول پوزیشن جامعہ رحمانی کے شعبہ معہد الریادۃ کے طالب علم مولانا محمد ابرار الحق قاسمی نے حاصل کی، دوم پوزیشن دارالحکمت کے متعلم محمد عامر کے حصے میں آئی، جبکہ سوم پوزیشن ابو عبیدہ (متعلم دارالحکمت) نے حاصل کی۔ اسی طرح چوتھی پوزیشن محمد مختار رحمانی (متعلم دارالحکمت) نے حاصل کی اور پانچویں پوزیشن محمد شہنواز (متعلم دارالحکمت) کے نام رہی۔ اجلاس کی صدارت جامعہ رحمانی کے ناظم الحاج حضرت مولانا محمد عارف صاحب رحمانی اور حضرت مولانا مفتی ریاض احمد صاحب قاسمی نے فرمائی۔اجلاس کا مجموعی انتظام و انصرام مولانا صالحین ندوی اور ماسٹر ٹرینر مولانا عاقب صفی کے زیرِ اہتمام انجام پایا، جبکہ نظامت کے فرائض مولانا عاقب سفی قاسمی، مولانا صبا حیدر ندوی اور حافظ عبد الرحمان (معاون مولانا عاقب صفی) نے بحسن و خوبی انجام دیے۔یہ پروگرام محض جامعہ رحمانی میں انگریزی زبان کے فروغ تک محدود نہ رہا، بلکہ اس نے دینی تقاضوں کی تکمیل کے لیے بین الاقوامی زبانوں کے ساتھ ہم آہنگ، بامقصد اور دور رس تعلیمی وژن کی ایک مضبوط، مؤثر اور قابلِ تقلید عملی تصویر پیش کی۔
]]>https://sachkiawaz.com/%d8%ac%d8%a7%d9%85%d8%b9%db%81-%d8%b1%d8%ad%d9%85%d8%a7%d9%86%db%8c-%d9%85%db%8c%da%ba-40-%d8%b1%d9%88%d8%b2%db%81-%d8%a7%d9%86%da%af%d9%84%d8%b4-%d9%84%d8%b1%d9%86%d9%86%da%af-%d9%88%d8%b1%da%a9/feed/0گورنر کے نام زمین رجسٹری کرنا گویا زمین کی ملکیت حکومت کو منتقل کرنا ہے:امارت شرعیہ
https://sachkiawaz.com/%da%af%d9%88%d8%b1%d9%86%d8%b1-%da%a9%db%92-%d9%86%d8%a7%d9%85-%d8%b2%d9%85%db%8c%d9%86-%d8%b1%d8%ac%d8%b3%d9%b9%d8%b1%db%8c-%da%a9%d8%b1%d9%86%d8%a7-%da%af%d9%88%db%8c%d8%a7-%d8%b2%d9%85%db%8c%d9%86/
https://sachkiawaz.com/%da%af%d9%88%d8%b1%d9%86%d8%b1-%da%a9%db%92-%d9%86%d8%a7%d9%85-%d8%b2%d9%85%db%8c%d9%86-%d8%b1%d8%ac%d8%b3%d9%b9%d8%b1%db%8c-%da%a9%d8%b1%d9%86%d8%a7-%da%af%d9%88%db%8c%d8%a7-%d8%b2%d9%85%db%8c%d9%86/#respondMon, 05 Jan 2026 13:14:01 +0000https://sachkiawaz.com/?p=5618(پی این این)
پھلواری شریف:ناظم امارت شرعیہ مولانا مفتی محمد سعید الرحمن قاسمی نے ایک پریس بیان میں کہاہے کہ بعض علاقوں سے یہ اطلاع مل رہی ہے کہ مسلمان مسجد ، مدرسہ ، قبرستان او ر عید گاہ وغیرہ کی زمین گورنر صاحب کے نام رجسٹری کرنے کی پہل کر رہے ہیں اور ان کی سوچ یہ ہے کہ اس سے زمین محفوظ رہے گی اور مدارس ومساجد کابھی تحفظ ہوگا،یہ اقدام درست نہیں ہے۔
انہوں نے کہاکہ گورنر کے نام جو زمین رجسٹری ہوتی ہے اس کی ملکیت حکومت کو منتقل ہو جاتی ہے اور اس جائداد کے سلسلہ میں سارا اختیار حکومت کا ہوتا ہے، موجودہ صورت حال میں ایسا اقدام نہ تو مذہبی نقطۂ نظر سے درست ہے اور نہ اس طریقہ سے ذاتی زمینوں یا اوقاف کی زمین کا تحفظ ہو سکتا ہے ، بلکہ آنے والے دنوں میں بے شمار خطرات لاحق ہو سکتے ہیں، اس لئے ایسے اقدام سے گریز کیا جائے ، مدارس ومساجد ، عید گاہ وقبرستان ملی سرمائے ہیں ان کا صحیح نظم ونسق اور تحفظ خود مسلمانوں کی ذمہ داری ہے ،اس لئے ضرورت ہے کہ ایسی زمینوں کے کاغذات کو قانونی اعتبار سے مستحکم رکھا جائے ،انتظامیہ کمیٹی کی شکل میں ٹرسٹ بنا کر ان کے نظام کو شریعت کی روشنی میں چلایا جائے ، امارت شرعیہ سمیت دیگر ملی تنظیمیں مسلسل ایسے امور کے بارے میں رہنمائی کر رہی ہیں ، ان کی رہنمائی سے فائدہ اٹھایا جائے اور صلاح ومشورہ کے بعد ہی کوئی قدم اٹھایاجائے ۔
ناظم صاحب نے مزید کہا کہ مخدوم گرامی امیر شریعت مولانا احمد ولی فیصل رحمانی اس سلسلہ میں بے حد فکر مند ہیں اور اوقاف کے رجسٹریشن،غیر رجسٹرڈ زمینوں کے تحفظ کے طریقۂ کار اور جو زمینیں کسی طور پر رجسٹرڈ نہیں ہیں یا اس کے کاغذات موجود نہیں ہیں ،ان سے متعلق قانونی و شرعی نقطۂ نظر سے غور و فکر کر رہے ہیں اور جلد ہی ان امور سے متعلق مناسب رہنمائی فراہم کرائی جائے گی ۔
]]>https://sachkiawaz.com/%da%af%d9%88%d8%b1%d9%86%d8%b1-%da%a9%db%92-%d9%86%d8%a7%d9%85-%d8%b2%d9%85%db%8c%d9%86-%d8%b1%d8%ac%d8%b3%d9%b9%d8%b1%db%8c-%da%a9%d8%b1%d9%86%d8%a7-%da%af%d9%88%db%8c%d8%a7-%d8%b2%d9%85%db%8c%d9%86/feed/0اوقاف کی جائداد سے دستبردار ی ہرگز قبول نہیں: امارت شرعیہ
https://sachkiawaz.com/5607/
https://sachkiawaz.com/5607/#respondSun, 04 Jan 2026 13:15:04 +0000https://sachkiawaz.com/?p=5607(پی این این)
پٹنہ : امارت شرعیہ بہار اڈیشہ جھارکھند پھلواری شریف پٹنہ کے زیر اہتمام امیر شریعت مفکر ملت مولانا احمد ولی فیصل رحمانی کی ہدایت اور ناظم امارت شرعیہ مولانا مفتی محمد سعید الرحمن قاسمی صاحب کی اجازت سے جامع مسجد ڈہری اون سون میں ضلع رہتاس کے متولیان اوقاف، علماء وائمہ اور دانشوران کا ایک خصوصی تربیتی کیمپ منعقد ہوا ،جس کی صدارت نائب ناظم امارت شرعیہ مولانا مفتی محمد سہراب ندوی قاسمی نے کی اور بطور ٹرینر مولانا عبد اللہ جاوید ثاقبی اور مولانا منہاج عالم ندوی نے شرکت کی ۔
اس تربیتی کیمپ کا آغاز قرآن پاک کی تلاوت اور نعت رسول سے ہوا ، تمہیدی گفتگو کرتے ہوئے تربیتی کیمپ کے داعی اور ضلع رہتاس کے قاضی شریعت مولانا احسان الحق قاسمی نے کہا کہ اوقاف کے رجسٹریشن کے تعلق سے ضلع کے مسلمانوں میں کافی بے چینی تھی اور اس سلسلہ میں لوگ بار بار ہم سے رجو ع کررہے تھے؛چنانچہ میری گذار ش پر امیر شریعت اور ناظم امار ت شرعیہ نے اس کیمپ کی منظوری دی ا ور اس وقت آپ حضرات اس کیمپ میں جمع ہیں ، اس کیمپ کے انعقاد کا مقصد رجسٹریشن کے تعلق سے صحیح معلومات آپ تک پہونچانا اورامید پورٹل پر کاغذات اپلوڈ کرنے کے طریقے سے واقف کرانا ہے۔
صدر اجلاس مولانا مفتی سہراب ندوی قاسمی نے قدرے تفصیل کے ساتھ اوقاف سے متعلق موجودہ صورت حال اور اوقاف کو امید پورٹل پر اپلوڈ کرنے کے سلسلے میں گفتگو کرتے ہوئے کہا کہ پہلے تو یہ بات سمجھ لینی چاہئے کہ امید پورٹل پر انہیںجائداد کو اپلوڈ کیاجانا ہے جو پہلے سے وقف بورڈ میں رجسٹرڈ ہیں ابھی حکومت کے طرف سے صرف رجسٹرڈ جائداد کو اپلوڈ کرنے کی بات کہی گئی ہے، ان کے علاوہ جو اوقاف کی جائداد ہیں ان کے لئے کوئی گائدلائن جاری نہیں ہوئی ہے، اس لئے غیر رجسٹرڈ اوقاف کے ذمہ داروں کو بے چین نہیں ہونا چاہئے،بلکہ ایسی جائدا د وں کے کاغذات کی فراہمی پر توجہ دینی چاہئے، ان شاء اللہ اس سلسلہ میں امارت شرعیہ کی طر ف سے جلد ہی مضبوط نقشہ عمل جاری کیا جائے گا۔
انہوں نے کہا کہ اوقاف کی جائداد ملت کا قیمتی سرمایہ ہے اور اسلامی نظام کا بڑا حصہ اسی سے مربوط ہے ، ملک کے آئین نے مسلم پر سنل لا کو تحفظ دیا ہے، اور وقف بھی اس کا ایک اہم حصہ ہے اس لئے کسی قیمت پر وقف کی جائداد سے دستبردار ی قابل قبول نہیں ہوگی، اس موقع پر مولانا عبد اللہ جاوید ثاقبی اور مولانا منہاج عالم ندوی نے عملی طو رپر امید پورٹل پر جائداد کو اپلوڈ کرنے کے طریقے بتائے اور اس سلسلہ میں ضروری معلومات سے واقف کرایا لوگوںنے اس تربیتی کیمپ سے بے حد اطمینان کا احساس کیا، تربیتی کیمپ میں پورے ضلع سے بڑی تعداد میں لوگوں نے شرکت کی ۔آخر میں صدر اجلاس کی دعاء پر مجلس کا اختتام ہوا ۔
]]>https://sachkiawaz.com/5607/feed/0جھارکھنڈ میں ایس آئی آر سےقبل امارتِ شرعیہ کی ہمہ گیر تربیتی مہم کا آغاز
https://sachkiawaz.com/%d8%ac%da%be%d8%a7%d8%b1%da%a9%da%be%d9%86%da%88-%d9%85%db%8c%da%ba-%d8%a7%db%8c%d8%b3-%d8%a2%d8%a6%db%8c-%d8%a2%d8%b1-%d8%b3%db%92%d9%82%d8%a8%d9%84-%d8%a7%d9%85%d8%a7%d8%b1%d8%aa%d9%90-%d8%b4%d8%b1/
https://sachkiawaz.com/%d8%ac%da%be%d8%a7%d8%b1%da%a9%da%be%d9%86%da%88-%d9%85%db%8c%da%ba-%d8%a7%db%8c%d8%b3-%d8%a2%d8%a6%db%8c-%d8%a2%d8%b1-%d8%b3%db%92%d9%82%d8%a8%d9%84-%d8%a7%d9%85%d8%a7%d8%b1%d8%aa%d9%90-%d8%b4%d8%b1/#respondSat, 03 Jan 2026 15:17:33 +0000https://sachkiawaz.com/?p=5600(پی این این)
رانچی :جیسا کہ معلوم ہے کہ مرکزی حکومت نے ایس آئی آر کے عمل کو تمام ریاستوں کے لیے لازم قرار دیدیا ہے، الگ الگ مراحل میں مختلف ریاستوں کے اندر اس عمل کو انجام دیا جا رہاہے، ریاست جھارکھنڈ میں بھی ایس آئی آر ہونا ہے، لہذا عوام کی سہولت کی خاطر مولانا احمد ولی فیصل رحمانی امیرِ شریعت بہار، اڑیسہ، جھارکھنڈ و مغربی بنگال نے اپنے پیغام میں کہا کہ موجودہ حکومت نے بلا ضرورت ایس آئی آر کو نافذ کیا ہے اور عوامی احتجاج کے باوجود اسے نافذ العمل رکھا گیا، حالانکہ اس کے پسِ پشت ارباب حکومت کی نیت درست نہیں ہے۔ چونکہ مستقبل میں ووٹر آئی ڈی کو شہریت سے جوڑا جائے گا اور معمولی غلطی پر بھی شہریت پر سوال اٹھ سکتے ہیں، اس لیے جھارکھنڈ میں ایس آئی آر کے آغاز سے پہلے ہی عوام کو مکمل طور پر باخبر کرنا ضروری ہے۔ اسی مقصد کے تحت امارتِ شرعیہ بہار اڑیسہ و جھارکھنڈ نے ایک وفد تشکیل دیا ہے؛ جو ڈیڑھ ماہ تک ریاست کے تمام اضلاع میں بالترتیب نوجوانوں کو عملی اور قانونی تربیت فراہم کرے گا۔ انہوں نے زور دیا کہ نوجوان کم پڑھے لکھے اور عام لوگوں کی مدد کے لیے آگے آئیں۔ آخر میں انہوں نے تمام شہریوں سے اپیل کی کہ ذات، قبیلہ اور مذہب سے بالاتر ہو کر محض اپنی شہریت کے تحفظ کے لیے اس تربیتی مہم میں بھرپور شرکت کریں۔
امیر شریعت کا مذکورہ پیغام مرکزی دار القضا ءامارتِ شرعیہ بہار، اڑیسہ، جھارکھنڈ کے قاضی شریعت مولانا مفتی محمد انظار عالم قاسمی نے پڑھ کر سنایا اس کے بعد معاون ناظم امارت شرعیہمولانا احمد حسین قاسمی مدنی صاحب نے مسافر خانہ ہال انجمن اسلامیہ رانچی میں منعقد ہ پریس کانفرنس میں موجود اخبارات اور ڈیجیٹل میڈیاکے نمائندوں سے کہا ہے کہ امیرِ شریعت مولانا احمد ولی فیصل رحمانی کی ہدایت ہے کہ ریاستِ جھارکھنڈ میں ایک جامع، منظم اور ہمہ گیر تربیتی مہم کا آغاز کیا جا ئے، جس کا مقصد پورے جھارکھنڈ میں ایک ایسی تربیت یافتہ ٹیم تیار کرنا ہے جو بلا تفریق مذہب و ملت عوام کی ایس آئی آر، پیرنٹل میپنگ، فارم 6 اور فارم 8 کے معاملے میں تعاون کرسکے تاکہ جب ایس آئی آر کا مرحلہ شروع ہو تو ریاست میں کوئی شہری ایس آئی آر کے زمرے سے باہر نہ رہے ۔ انہوں نے کہا کہ اس مہم کے تحت پیرنٹل میپنگ اور فارم نمبر 6، 7 اور 8 کے تعلق سے عوام میں مکمل اور عملی آگاہی پیدا کی جائے گی، تاکہ ایس آئی آر کے وقت جھارکھنڈ کا کوئی بھی شہری انتخابی فہرست سے محروم نہ رہ جائے اور کسی فرد کا نام ووٹر لسٹ میں درج ہونے سے چھوٹنے نہ پائے۔
پوری ریاست کے تمام اضلاع کے بلاکوں میں امارت شرعیہ کے حضرات قضاۃ کی نگرانی میں ترتیب وار مختلف تاریخوں میں تربیتی ورکشاپ کا نظام بنایا گیا ہے جہاں بڑی تعداد میں نوجوان طبقہ اور سماجی کارکنان امارت شرعیہ کے اس وفد کے ذریعے SIR سے متعلق بنیادی معلومات حاصل کر سکیں گےاور کام کرنے کا صحیح طریقہ جانیں گے جس سے انہیں ایس آئی آر کے مرحلوں میں فارم بھرنے میں مدد ملے گی۔مزیدانہوں نے کہا کہ حضرت امیرِ شریعت کے حکم کے مطابق اس مہم کے تحت پورے ایک ماہ ریاست کے ہر بلاک میں پہنچ کر تیار شدہ مواد کی مدد سے پروجیکٹر کے ذریعےنوجوانوں کی عملی تربیت کے لیے خصوصی ورکشاپس منعقد کی جائیں گی، جن میں تعلیم یافتہ، باشعور اور سماجی خدمت کا جذبہ رکھنے والے نوجوانوں کو عملی میدان میں مؤثر کردار ادا کرنے کے لیے تیار کیا جائے گا،اور اس تربیتی مہم میں قبائلی برادریوں مثلاً سنتھالی، اُراؤں، ہو، منڈا، کھڑیا کو بھی ان شاءاللہ ٹریننگ دی جائے گی۔
اس موقع پر منعقدہ پریس کانفرنس میں مختلف ملی جماعتوں کے نمائندوں میں سے، حاجی شاہ عمیر جنرل سکریٹری جمعیت علماء (میم)،ساجد انصاری ذمہ دار جماعت اسلامی شہر رانچی، مولانا شفیق عالیاوی ذمہ دار جمعیت اہل حدیث،مختار احمد صدر انجمن اسلامیہ رانچی، ڈاکٹر طارق حسین سکریٹری انجمن اسلامیہ رانچی، تہذیب الحسن نمائندہ شیعہ جماعت، مولانا صابر حسین مظاہری صدر مجلس علماء جھارکھنڈاور افضل انیس یونائٹیڈ ملی فورم موجود تھے۔
]]>https://sachkiawaz.com/%d8%ac%da%be%d8%a7%d8%b1%da%a9%da%be%d9%86%da%88-%d9%85%db%8c%da%ba-%d8%a7%db%8c%d8%b3-%d8%a2%d8%a6%db%8c-%d8%a2%d8%b1-%d8%b3%db%92%d9%82%d8%a8%d9%84-%d8%a7%d9%85%d8%a7%d8%b1%d8%aa%d9%90-%d8%b4%d8%b1/feed/0ائمہ کرام جمعہ کے خطبہ میں لوگوں کو ووٹر فارم کی خانہ پری پرخصوصی توجہ دلائیں: مفتی محمد سعیدالرحمن قاسمی
https://sachkiawaz.com/%d8%a7%d8%a6%d9%85%db%81-%da%a9%d8%b1%d8%a7%d9%85-%d8%ac%d9%85%d8%b9%db%81-%da%a9%db%92-%d8%ae%d8%b7%d8%a8%db%81-%d9%85%db%8c%da%ba-%d9%84%d9%88%da%af%d9%88%da%ba-%da%a9%d9%88-%d9%88%d9%88%d9%b9%d8%b1/
https://sachkiawaz.com/%d8%a7%d8%a6%d9%85%db%81-%da%a9%d8%b1%d8%a7%d9%85-%d8%ac%d9%85%d8%b9%db%81-%da%a9%db%92-%d8%ae%d8%b7%d8%a8%db%81-%d9%85%db%8c%da%ba-%d9%84%d9%88%da%af%d9%88%da%ba-%da%a9%d9%88-%d9%88%d9%88%d9%b9%d8%b1/#respondFri, 18 Jul 2025 04:56:27 +0000https://sachkiawaz.com/?p=4445(پی این این)
پٹنہ :امارت شرعیہ بہار اڈیشہ وجھارکھنڈ کے قائم مقام ناظم مولانا مفتی محمد سعید الرحمن قاسمی نے کہا کہ الیکشن کمیشن آف انڈ یا نے بہار کے اسمبلی انتخابات کے پیش نظر وو ٹر لسٹ پر خصوصی نظر ثانی کے لئےجو گائیڈ لائن جاری کیا ہے ،حکمت و مصلحت کا تقاضا ہے کہ الیکشن کمیشن کی ہدایات پر عمل کرتے ہوئے 25 جولائی 2025 تک رائے دہندگان اپنے فارم کی خانہ پری کرکے BLO کے پاس جمع کردیں ،یا براہ راست آن لائن فارم بھریں اور اس کا ثبوت محفوظ رکھیں ،اس سلسلہ میں ائمہ کرام جمعہ کے خطبہ میں اس پہلو پر لوگوں کوخصوصی توجہ دلائیں اورانہیں بیدار کریں ،انہوں نے کہا کہ جن ووٹرس کے نام 2003 ء کےووٹر لسٹ میں شامل ہیںانہیں صرف ووٹرلسٹ میں درج فارم کی فوٹو کاپی فار م کے ساتھ جمع کردینا کافی ہے ، جن کا نام 2003 کی فہرست میں شامل نہیں ہے ان کےلئے تین کٹیگری بنائی گئی ہے ،یکم جولائی 1987ء سے پہلے پید ا ہونے والے افراد کو گیارہ دستاویزات میں سے کوئی ایک ثبوت دینا ہے ،یکم جولائی 1987ء سے 2 ؍دسمبر 2004ء تک کے اشخاص کو گیارہ دستاویزات میں اپنا ایک دستاویز اور والدین میں سے کسی ایک کے د ستاویزی ثبوت کے ساتھ جمع کرنے ہیںاور 2 ؍دسمبر 2004ء کےبعد پیدا ہونے والے اصحاب کے لئے اپنے گیارہ دستاویزات میں سے ایک دستاویز کے ساتھ والدین کابھی دستاویز دینا لازمی ہے ، الیکشن کمیشن نے گیا رہ طرح کے دستاویزات میں سے کسی ایک کو قابل قبول تسلیم کیا (۱) سرکاری ملازمین کے لئے سرکاری شناختی کارڈ (۲) رہائشی سرٹیفیکٹ (۳) ذات کا سرٹیفیکٹ (۴) بزرگ پینشن کی منظوری کا خط (۵) پیدائش کا سرٹیفیکٹ (۶) پاسپورٹ (۷) تعلیمی سرٹیفیکٹ (۸) پردھان منتری آواس یوجنا کی منظوری کا خط (۹) زمین سے محروم افراد کو بہار حکومت کی طرف سے دیا گیا زمین کا پیبر(۱۰)1987 سے پہلے حکومت کی طرف سے جاری کسی بھی شناختی کارڈ کا ہونا (۱۱) کم سے کم میٹرک سرٹیفیکٹ کا ہونا ۔
جس زمرہ کے اشخاص کو ثبوت کے طور پر دستاویز داخل کرنا ہے انہیں مذکورہ کسی ایک کاغذ کا موجود ہونا کافی ہے ،الیکشن کمیشن کی ہدایات کے مطابق جو رائے دہندگان مخصوص دستاویزات کے ساتھ فارم جمع کرنے میں ناکام رہتے ہیں انہیں انتخابی فہرست سے حذف کردیا جائے گا ،اس لئےمعاملہ کی حساسیت ونزاکت کو محسوس کرتے ہوئے جس قدر جلد ممکن ہوسکےکا غذات حاصل کرکے 25 ؍جولائی تک اپنے فارم کو جمع کریں ،اور اپنے پر کئے گئے فارم کی جانچ کرلیں کہ آپ کا فارم کامیابی کے ساتھ اپ لوڈ ہو ا ہے یا نہیں ۔
قائم مقام ناظم صاحب نے ائمہ مساجد سےبھی اور سیاسی و سماجی تعلیم یافتہ اصحاب سےبھی اپیل کی ہےکہ وہ اس کام میں عام لوگوں کی مدد کریں تاکہ ووٹر لسٹ سے کسی کا بھی نام حذف نہ ہو،انہوں نے یہ بھی کہا کہ عین ممکن ہے کہ یہی ووٹر آئی کا رڈ آنے والے دنوںمیں شہریت کے ثبوت کے لئے دلیل بھی ثابت ہو گی ،اسلئے اس سلسلہ میں ہر گز کوتاہی نہ برتیں ،امارت شرعیہ بہار ،اڈیشہ وجھارکھنڈ کے امیر شریعت مولانا احمد ولی فیصل رحمانی مستقل لوگوں کو توجہ دلارہے ہیں ،ضلع اور بلاک کی سطح پرنقباء امارت شرعیہ علماء و دانشور اور،مخصلین ومعاونین کو ترغیب دے رہے ہیں کہ آپ حضرات ووٹر آئی کارڈ بنانے اور بنوانے میں عام لوگوں کی مد د کریں تاکہ کسی کا نام انتخابی فہرست میں چھوٹنے نہ پائے،اور بہار کے ہر بلاک کے چند نوجوانوں کو امارت شرعیہ کی جانب سے زوم ایپ پر ٹریننگ بھی دی جارہی ہے ،اس کی دو نششتیں ہوچکی ہیں اور بھی نششتیں ہوں گی ،مرکزی دفتر امارت شرعیہ میں بھی افراد متعین ہیں جو آن لائن فارم بھر رہیں ،لوگ اس سے بھی فائدہ اٹھائیں ۔اب وقت بہت کم ہے ،اسلئے اس کا م کو ایک تحریک کی شکل دی جائے اور جنگی پیمانے پر ووٹر فارم کی خانہ پری کی جائے۔
]]>https://sachkiawaz.com/%d8%a7%d8%a6%d9%85%db%81-%da%a9%d8%b1%d8%a7%d9%85-%d8%ac%d9%85%d8%b9%db%81-%da%a9%db%92-%d8%ae%d8%b7%d8%a8%db%81-%d9%85%db%8c%da%ba-%d9%84%d9%88%da%af%d9%88%da%ba-%da%a9%d9%88-%d9%88%d9%88%d9%b9%d8%b1/feed/0