add_action('wp_footer', function () { echo ''; }, 99);
add_action('wp_footer', function () { echo ''; }, 99);
Emirate Sharia Bihar Odisha and Jharkhand – sachkiawaz.com
https://sachkiawaz.com
Tue, 13 Jan 2026 13:03:11 +0000en-US
hourly
1 https://wordpress.org/?v=6.9.9ڈاکٹر محمد منظور عالم ایک روشن دماغ ماہر تعلیم تھے، امارت شرعیہ میں تعزیتی نشست منعقد
https://sachkiawaz.com/%da%88%d8%a7%da%a9%d9%b9%d8%b1-%d9%85%d8%ad%d9%85%d8%af-%d9%85%d9%86%d8%b8%d9%88%d8%b1-%d8%b9%d8%a7%d9%84%d9%85-%d8%a7%db%8c%da%a9-%d8%b1%d9%88%d8%b4%d9%86-%d8%af%d9%85%d8%a7%d8%ba-%d9%85%d8%a7%db%81/
https://sachkiawaz.com/%da%88%d8%a7%da%a9%d9%b9%d8%b1-%d9%85%d8%ad%d9%85%d8%af-%d9%85%d9%86%d8%b8%d9%88%d8%b1-%d8%b9%d8%a7%d9%84%d9%85-%d8%a7%db%8c%da%a9-%d8%b1%d9%88%d8%b4%d9%86-%d8%af%d9%85%d8%a7%d8%ba-%d9%85%d8%a7%db%81/#respondTue, 13 Jan 2026 13:03:11 +0000https://sachkiawaz.com/?p=5667(پی این این)
پٹنہ : ملک کے مشہور ماہر تعلیم ملی و سماجی دانشوراور آئی او ایس و آل انڈیا ملی کونسل کے روح رواں ڈاکٹر محمد منظور عالم عرصہ کی علالت کے دہلی کے میکس(Max) اسپتال میں رب کائنات کے دربار میں حاضر ہوگئے ،انا للہ و انا الیہ راجعون۔ڈاکٹر صاحب مرحوم ملی تحریکات کے سرگرم رکن تھے ،آپ فقہ اکیڈمی انڈیا اور ملی کونسل کے بانیوں میں سے تھے ،انسٹی ٹیوٹ آف انکلیو اسٹڈیز نئی دہلی کے چیرمین تھے انہوں اداروں کو اپنی خدمات اور کارناموں کے باعث ملکی و بین الاقوامی شہرت بنانے میں فعال کردار ادا کیا ،آپ نے فقیہ العصر قاضی القضاۃ حضرت نائب امیر شریعت امارت شرعیہ کا دست و بازو بن کر ان اداروں کو قوت عطا کی ،ڈاکٹر صاحب کا امارت شرعیہ بہار ،اڈیشہ و جھارکھنڈ سے بھی گہرا ربط و تعلق تھا،یہاں کے فلاحی و رفاہی کاموں میں بھی بڑھ چڑھ کر حصہ لیتے تھے ،مجلس ارباب حل و عقد ،امارت ایجوکیشنل ویلفیئر ٹرسٹ کے ٹرسٹی و دیگر مجالس امارت شرعیہ کے بھی ممبر تھے اکثر شرکت کرتےاور بہت صائب الرائے دیتے،آپ عرصہ سے مختلف امراض کے شکار تھے ،دوا و علاج کا سلسلہ جاری تھا مگر وقت موعود آ پہونچا،پھر کیا تھا کہ زندگی کے مسافر کو ابدی نیند آگئی ،رحمۃ اللہ واسعہ۔
ان کے وصال پر امارت شرعیہ بہار،اڈیشہ و جھارکھنڈ کے امیر شریعت مولاناسید احمد ولی فیصل رحمانی نے صدمہ کا اظہارکرتے ہوئے کہا کہ ڈاکٹر صاحب ایک روشن دماغ ماہر تعلیم تھے ،وہ ملی مسائل سے گہری دلچسپی رکھتے تھے ،اور مسلمانوں کے خلاف ہونے والی نا انصافیوں پر پر زور آواز بلند کرتے ،اللہ ان پر رحمت کی بارش برسائے ،ناظم ارت شرعیہ بہار ،اڈیشہ و جھارکھنڈ مولانا مفتی محمد سعید الرحمن قاسمی نے کہا کہ ڈاکٹر صاحب مسلمانوں کے سچے ملی رہنماؤں میں سے ایک تھے ،در حقیقت وہ ایک بڑے مدبر اور مفکر انسان تھے ،اللہ ان کی مغفرت فرمائے ،ڈاکٹر صاحب کے وصال پر امارت شرعیہ پھلواری شریف میں ایک تعزیتی نشست منعقد ہوئی ۔
جس میں قائم مقام ناظم اور صدر قاضی شریعت و جنرل سکریٹری امارت ایجوکیشنل ویلفیئر ٹرسٹ مولانا مفتی محمدانظار عالم قاسمی نے اظہار تعزیت کرتے ہوئے کہا کہ ڈاکٹر صاحب بر صغیر کے عظیم اسکالرو دانشور تھے ،مسلم مسائل کو بڑی قوت کے ساتھ اٹھاتے اور اس کے حل کے لئے آخری حد تک جد و جہد کرتے رہے،اکابر امارت کی صحبت اور مشائخ کی تربیت نے انہیں پختہ کار بنا دیا تھا،بلا شبہ وہ ایک باکردار شخصیت کے مالک ہونے کی حیثیت سے اپنے پیچھے بہت سی یادیں چھوڑ گئے ،اللہ ان کے درجات کو بلند کرے۔امارت شرعیہ کے نائب ناظم مولانا مفتی محمد ثناء الہدیٰ قاسمی صاحب نے کہا کہ ڈاکٹر صاحب نے ہندوستان میں نظریہ سازی کی طرح ڈالی اور پورے ملک میں جغرافیائی طور پر تعلیمی ،سماجی اقتصادی لحاظ سے ڈاٹا جمع کیا تاکہ اس کی روشنی میں ہندوستانی مسلمانوں کے لئے اصلاح کا خاکہ بنانے میں معاون ہو۔
مولانا ومفتی وصی احمد قاسمی نائب قاضی شریعت نے کہا کہ ڈاکٹر صاحب ایک دوراندیش اسکالر تھے وہ تحقیق او رریسرچ کے ساتھ باتیں کرتے جس سے ان کی گفتگو میں وزن ہوا کرتا تھا ،مولانا سہیل اختر قاسمی نائب قاضی شریعت نے کہا کہ ڈاکٹر صاحب ایک اچھے تجزیہ نگار اور کالم نویس بھی تھے ان کی تحریروں میں ادبی چاشنی بھی ہوتی اور رعنائی بھی ،مولانا مفتی احتکام الحق صاحب نے کہا کہ ڈاکٹر صاحب ایک عظیم دانشور اور دور اندیش اسکالر تھے ،مولانا رضوان احمد ندوی صاحب معاون ناظم امارت شرعیہ نےکہاکہ ڈاکٹر صاحب سے عرصہ تیس سالوں سے دید وشنید رہی ہے یقین مانیے کہ قدرت نے ان کو دین وملت کی خدمت پر ہی مامور کیا تھا ،مولانا ابو الکلام شمسی صاحب معاون ناظم امارت شرعیہ نے ڈاکٹر صاحب اور امارت شرعیہ کے روابط پر تفصیل سے روشنی ڈالی اور کہا کہ ان کے رگ و ریشے میں فکر امارت پیوست تھی۔
اس تعزیتی نششت میں حاجی احسان الحق ، ڈاکٹر یاسرحبیب سکریٹری مولانا سجاد میموریل اسپتال ،مولانا شمیم اکرم رحمانی معاون قاضی شریعت امارت شرعیہ ،مولانا ارشد رحمانی آفس سکریٹر ی امارت شرعیہ ،مفتی محمد شارق رحمانی ،مولانا اسعداللہ قاسمی مینیجر نقیب امارت شرعیہ ،انجینئر ابو طلحہ ،مولانا ممتاز نے شرکت کی تعزیتی نششت کا آغاز قاری مفتی محمد مجیب الرحمن معاون قاضی شریعت کی تلاوت قرآن مجید سے ہوا ،آخیر میں مولانا مفتی احتکام الحق نے اجتماعی طور پر دعا مغفرت کرائی ،اس نششت میں مشہور معالج جمشید انور کے والد نور الدین انصاری کے انتقال پر بھی دعا مغفرت کی گئی اور ایصال ثواب کا اہتمام کیا گیا ۔
]]>https://sachkiawaz.com/%da%88%d8%a7%da%a9%d9%b9%d8%b1-%d9%85%d8%ad%d9%85%d8%af-%d9%85%d9%86%d8%b8%d9%88%d8%b1-%d8%b9%d8%a7%d9%84%d9%85-%d8%a7%db%8c%da%a9-%d8%b1%d9%88%d8%b4%d9%86-%d8%af%d9%85%d8%a7%d8%ba-%d9%85%d8%a7%db%81/feed/0جھارکھنڈ میں ایس آئی آر سےقبل امارتِ شرعیہ کی ہمہ گیر تربیتی مہم کا آغاز
https://sachkiawaz.com/%d8%ac%da%be%d8%a7%d8%b1%da%a9%da%be%d9%86%da%88-%d9%85%db%8c%da%ba-%d8%a7%db%8c%d8%b3-%d8%a2%d8%a6%db%8c-%d8%a2%d8%b1-%d8%b3%db%92%d9%82%d8%a8%d9%84-%d8%a7%d9%85%d8%a7%d8%b1%d8%aa%d9%90-%d8%b4%d8%b1/
https://sachkiawaz.com/%d8%ac%da%be%d8%a7%d8%b1%da%a9%da%be%d9%86%da%88-%d9%85%db%8c%da%ba-%d8%a7%db%8c%d8%b3-%d8%a2%d8%a6%db%8c-%d8%a2%d8%b1-%d8%b3%db%92%d9%82%d8%a8%d9%84-%d8%a7%d9%85%d8%a7%d8%b1%d8%aa%d9%90-%d8%b4%d8%b1/#respondSat, 03 Jan 2026 15:17:33 +0000https://sachkiawaz.com/?p=5600(پی این این)
رانچی :جیسا کہ معلوم ہے کہ مرکزی حکومت نے ایس آئی آر کے عمل کو تمام ریاستوں کے لیے لازم قرار دیدیا ہے، الگ الگ مراحل میں مختلف ریاستوں کے اندر اس عمل کو انجام دیا جا رہاہے، ریاست جھارکھنڈ میں بھی ایس آئی آر ہونا ہے، لہذا عوام کی سہولت کی خاطر مولانا احمد ولی فیصل رحمانی امیرِ شریعت بہار، اڑیسہ، جھارکھنڈ و مغربی بنگال نے اپنے پیغام میں کہا کہ موجودہ حکومت نے بلا ضرورت ایس آئی آر کو نافذ کیا ہے اور عوامی احتجاج کے باوجود اسے نافذ العمل رکھا گیا، حالانکہ اس کے پسِ پشت ارباب حکومت کی نیت درست نہیں ہے۔ چونکہ مستقبل میں ووٹر آئی ڈی کو شہریت سے جوڑا جائے گا اور معمولی غلطی پر بھی شہریت پر سوال اٹھ سکتے ہیں، اس لیے جھارکھنڈ میں ایس آئی آر کے آغاز سے پہلے ہی عوام کو مکمل طور پر باخبر کرنا ضروری ہے۔ اسی مقصد کے تحت امارتِ شرعیہ بہار اڑیسہ و جھارکھنڈ نے ایک وفد تشکیل دیا ہے؛ جو ڈیڑھ ماہ تک ریاست کے تمام اضلاع میں بالترتیب نوجوانوں کو عملی اور قانونی تربیت فراہم کرے گا۔ انہوں نے زور دیا کہ نوجوان کم پڑھے لکھے اور عام لوگوں کی مدد کے لیے آگے آئیں۔ آخر میں انہوں نے تمام شہریوں سے اپیل کی کہ ذات، قبیلہ اور مذہب سے بالاتر ہو کر محض اپنی شہریت کے تحفظ کے لیے اس تربیتی مہم میں بھرپور شرکت کریں۔
امیر شریعت کا مذکورہ پیغام مرکزی دار القضا ءامارتِ شرعیہ بہار، اڑیسہ، جھارکھنڈ کے قاضی شریعت مولانا مفتی محمد انظار عالم قاسمی نے پڑھ کر سنایا اس کے بعد معاون ناظم امارت شرعیہمولانا احمد حسین قاسمی مدنی صاحب نے مسافر خانہ ہال انجمن اسلامیہ رانچی میں منعقد ہ پریس کانفرنس میں موجود اخبارات اور ڈیجیٹل میڈیاکے نمائندوں سے کہا ہے کہ امیرِ شریعت مولانا احمد ولی فیصل رحمانی کی ہدایت ہے کہ ریاستِ جھارکھنڈ میں ایک جامع، منظم اور ہمہ گیر تربیتی مہم کا آغاز کیا جا ئے، جس کا مقصد پورے جھارکھنڈ میں ایک ایسی تربیت یافتہ ٹیم تیار کرنا ہے جو بلا تفریق مذہب و ملت عوام کی ایس آئی آر، پیرنٹل میپنگ، فارم 6 اور فارم 8 کے معاملے میں تعاون کرسکے تاکہ جب ایس آئی آر کا مرحلہ شروع ہو تو ریاست میں کوئی شہری ایس آئی آر کے زمرے سے باہر نہ رہے ۔ انہوں نے کہا کہ اس مہم کے تحت پیرنٹل میپنگ اور فارم نمبر 6، 7 اور 8 کے تعلق سے عوام میں مکمل اور عملی آگاہی پیدا کی جائے گی، تاکہ ایس آئی آر کے وقت جھارکھنڈ کا کوئی بھی شہری انتخابی فہرست سے محروم نہ رہ جائے اور کسی فرد کا نام ووٹر لسٹ میں درج ہونے سے چھوٹنے نہ پائے۔
پوری ریاست کے تمام اضلاع کے بلاکوں میں امارت شرعیہ کے حضرات قضاۃ کی نگرانی میں ترتیب وار مختلف تاریخوں میں تربیتی ورکشاپ کا نظام بنایا گیا ہے جہاں بڑی تعداد میں نوجوان طبقہ اور سماجی کارکنان امارت شرعیہ کے اس وفد کے ذریعے SIR سے متعلق بنیادی معلومات حاصل کر سکیں گےاور کام کرنے کا صحیح طریقہ جانیں گے جس سے انہیں ایس آئی آر کے مرحلوں میں فارم بھرنے میں مدد ملے گی۔مزیدانہوں نے کہا کہ حضرت امیرِ شریعت کے حکم کے مطابق اس مہم کے تحت پورے ایک ماہ ریاست کے ہر بلاک میں پہنچ کر تیار شدہ مواد کی مدد سے پروجیکٹر کے ذریعےنوجوانوں کی عملی تربیت کے لیے خصوصی ورکشاپس منعقد کی جائیں گی، جن میں تعلیم یافتہ، باشعور اور سماجی خدمت کا جذبہ رکھنے والے نوجوانوں کو عملی میدان میں مؤثر کردار ادا کرنے کے لیے تیار کیا جائے گا،اور اس تربیتی مہم میں قبائلی برادریوں مثلاً سنتھالی، اُراؤں، ہو، منڈا، کھڑیا کو بھی ان شاءاللہ ٹریننگ دی جائے گی۔
اس موقع پر منعقدہ پریس کانفرنس میں مختلف ملی جماعتوں کے نمائندوں میں سے، حاجی شاہ عمیر جنرل سکریٹری جمعیت علماء (میم)،ساجد انصاری ذمہ دار جماعت اسلامی شہر رانچی، مولانا شفیق عالیاوی ذمہ دار جمعیت اہل حدیث،مختار احمد صدر انجمن اسلامیہ رانچی، ڈاکٹر طارق حسین سکریٹری انجمن اسلامیہ رانچی، تہذیب الحسن نمائندہ شیعہ جماعت، مولانا صابر حسین مظاہری صدر مجلس علماء جھارکھنڈاور افضل انیس یونائٹیڈ ملی فورم موجود تھے۔
]]>https://sachkiawaz.com/%d8%ac%da%be%d8%a7%d8%b1%da%a9%da%be%d9%86%da%88-%d9%85%db%8c%da%ba-%d8%a7%db%8c%d8%b3-%d8%a2%d8%a6%db%8c-%d8%a2%d8%b1-%d8%b3%db%92%d9%82%d8%a8%d9%84-%d8%a7%d9%85%d8%a7%d8%b1%d8%aa%d9%90-%d8%b4%d8%b1/feed/0قومیں قلم اور کتاب کے ذریعہ ہی ترقی کرتی ہیں:مفتی محمد سعید الرحمن قاسمی
https://sachkiawaz.com/%d9%82%d9%88%d9%85%db%8c%da%ba-%d9%82%d9%84%d9%85-%d8%a7%d9%88%d8%b1-%da%a9%d8%aa%d8%a7%d8%a8-%da%a9%db%92-%d8%b0%d8%b1%db%8c%d8%b9%db%81-%db%81%db%8c-%d8%aa%d8%b1%d9%82%db%8c-%da%a9%d8%b1%d8%aa%db%8c/
https://sachkiawaz.com/%d9%82%d9%88%d9%85%db%8c%da%ba-%d9%82%d9%84%d9%85-%d8%a7%d9%88%d8%b1-%da%a9%d8%aa%d8%a7%d8%a8-%da%a9%db%92-%d8%b0%d8%b1%db%8c%d8%b9%db%81-%db%81%db%8c-%d8%aa%d8%b1%d9%82%db%8c-%da%a9%d8%b1%d8%aa%db%8c/#respondSun, 14 Dec 2025 13:01:38 +0000https://sachkiawaz.com/?p=5536(پی این این )
پٹنہ :امارت شرعیہ بہار اڈیشہ وجھارکھنڈ کے ناظم مولانا مفتی محمد سعید الرحمن قاسمی نے پٹنہ کے گاندھی میدان میں لگے بک فیر کا جائزہ لیتے ہوئے کہا کہ دنیا میں قومیں قلم وکتاب کے ذریعہ ہی ترقی کرتی ہیں اس کے مطالعہ سے انسان اپنے علم میں اضافہ کرتا ہے اور اجتماعی شعور کو بیدار کرتا ہے ،اسلئے کہا گیاہے کہ زمانہ میں سب سے بہتر ہم نشیں کتاب ہے ، جہاں انسان اپنی تنہائی کو دور کرتا ہے اسی لئے لوگوں کے ذوق وشوق کو بڑھانے کیلئے کتابوں کے میلے لگائے جاتے ہیں، ان دنوں شہر پٹنہ کے گاندھی میدان میں بک فیر اسٹالس لگے ہوئے ہیں ، یہاں لوگوں میں دینی واقفیت اور برادران وطن میں اسلام کے تعارف وخدمات سے واقفیت کے لئے امیر شریعت مفکر ملت مولانا سید احمد ولی فیصل رحمانی کی ہدایت پر امارت شرعیہ پھلواری شریف پٹنہ کا بک اسٹال I/16،پر لگایا گیا ہے جس میں ملک وبیرون ملک کے نامور محققین کی فکر انگیز اور مستند کتابیں موجود ہیں ،جن کے مطالعہ سے علم دوست حضرات کو روحانی سکون ملے گا ان کے فکر ونظر میں وسعت وبلندی پیدا ہوگی۔
ناظم امارت شرعیہ اور اسکے علاوہ دیگر ذمہ دار حضرات نے شائقین علم کیلئے اسلامی ودینی موضوعات کے علاوہ معلومات عامہ قومی وملکی حالات پر بھی جامع اورمستند کتابیں مکتبہ امارت شرعیہ کے اسٹال پر فراہم کرادی ہیں تاکہ ہر اسلامی فکر وخیال رکھنے والے اصحاب کی علمی تشنگی کودور کرنے کے اسباب فراہم ہوں، مکتبہ کی نگرانی مولانا محمد منہاج عالم ندوی ،مولانا مجاہد الاسلام ،مولانا عبد القدوس مظاہری مسلسل کر رہے ہیںاور اصحاب ذوق کی رہنمائی بھی کرتے ہیں ،اسلئے خواہش مند حضرات امارت شرعیہ کے بک اسٹال سے فائدہ اٹھائیں اور علمی سیرابی حاصل کریں ۔
یہ کتاب میلہ16 ؍دسمبر 2025تک ہی رہے گا، اسلئے جس قدر جلد ممکن ہو کتابیں خرید کر استفادہ کر لیں ، امارت شرعیہ کے دوسرے ذمہ دار مولانا مفتی محمد ثناء اللہ قاسمی نائب ناظم امارت شرعیہ پھلواری شریف پٹنہ ،صدرقاضی شریعت مولانا محمد انظار عالم قاسمی ،مفتی وصی احمد قاسمی نائب قاضی شریعت، مولانا رضوان احمد ندوی معاون ناظم امارت شرعیہ،مولانا احمد حسین قاسمی معاون ناظم امارت شرعیہ، مولانا عبد اللہ جاوید ، حاجی محمداحسان الحق ، مولانا ابو الکلام شمسی ،مولانا محمد خالد سیف اللہ قاسمی ،مولانا محمد شارق رحمانی ، ڈاکٹر یاسر حبیب کار گذار سکریٹری مولانا سجاد میموریل اسپتاب کے علاوہ متعدد اصحاب فکر ودانش نے بھی بک فیر کے معائنہ کے بعد اپنے تاثرات کا اظہار کرتے ہوئے کہا کہ مطالعہ سے انسانی شخصیت میں نکھار پیدا ہوتا ہے اور علم وآگہی میں اضافہ ہوتاہے، اسلئے کتابوں کے مطالعہ کی عادت ڈالنی چاہئے ۔
]]>https://sachkiawaz.com/%d9%82%d9%88%d9%85%db%8c%da%ba-%d9%82%d9%84%d9%85-%d8%a7%d9%88%d8%b1-%da%a9%d8%aa%d8%a7%d8%a8-%da%a9%db%92-%d8%b0%d8%b1%db%8c%d8%b9%db%81-%db%81%db%8c-%d8%aa%d8%b1%d9%82%db%8c-%da%a9%d8%b1%d8%aa%db%8c/feed/0اتحاد امت وقت کی اہم ضرورت:امارت شرعیہ
https://sachkiawaz.com/%d8%a7%d8%aa%d8%ad%d8%a7%d8%af-%d8%a7%d9%85%d8%aa-%d9%88%d9%82%d8%aa-%da%a9%db%8c-%d8%a7%db%81%d9%85-%d8%b6%d8%b1%d9%88%d8%b1%d8%aa%d8%a7%d9%85%d8%a7%d8%b1%d8%aa-%d8%b4%d8%b1%d8%b9%db%8c%db%81/
https://sachkiawaz.com/%d8%a7%d8%aa%d8%ad%d8%a7%d8%af-%d8%a7%d9%85%d8%aa-%d9%88%d9%82%d8%aa-%da%a9%db%8c-%d8%a7%db%81%d9%85-%d8%b6%d8%b1%d9%88%d8%b1%d8%aa%d8%a7%d9%85%d8%a7%d8%b1%d8%aa-%d8%b4%d8%b1%d8%b9%db%8c%db%81/#respondWed, 10 Dec 2025 13:01:52 +0000https://sachkiawaz.com/?p=5498(پی این این)
رانچی :امیر شریعت مولانا سید احمد ولی فیصل رحمانی کی ہدایت اور مولانا مفتی سعید الرحمٰن قاسمی ناظم امارت شرعیہ بہار ،اڈیشہ و جھارکھنڈ کے ایماء پر ضلع رانچی میں مولانا مفتی سہیل اختر قاسمی نائب قاضی شریعت مرکزی دارالقضاء امارت شرعیہ بہار ،اڈیشہ و جھارکھنڈ کی قیادت میں امارت شرعیہ کا دورہ وفد باقاعدہ شروع ہو چکا ہے یہ دورہ مورخہ 8 تا 15دسمبر ٢٠٢٥ء آٹھ روز پر مشتمل ہوگا ۔
وفد کا پہلا پروگرام دس بجے دن مدرسہ اسلامیہ محمودیہ مڑما ، رانچی کی مسجد میں اور دوسرا پروگرام بعد نماز مغرب جامع مسجد برہامبے، رانچی میں منعقد ہوا اور دوسرے دن کا پروگرام فردوس نگر ،پھسرا ٹانڑ کی مسجد میں ظہر بعد اور مغرب کے بعد کنبھیٹا میں قائد وفد مولانا مفتی محمد سھیل اختر قاسمی نائب قاضی امارت شرعیہ پھلواری شریف پٹنہ کی صدارت میں منعقد ہوا، دونوں پروگرام میں شرکاء وفد نے یکے بعد دیگرے اپنی دعوتی و اصلاحی خطابات کے ساتھ ساتھ امارت شرعیہ بہار، اڈیشہ و جھارکھنڈ کے پیغامات کو بھی لوگوں تک پہنچایا، دونوں پروگرام میں قائد وفد و صدر اجلاس نے اتحاد امت پر زور دیتے ہوئے اپنے خطاب میں کہا کہ قرآن نے ہمیں اتحاد کی تعلیم دی ہے لیکن فی الوقت ہم لوگ قرآن کے اس پیغام و حکم سے دور ہوتے جا رہے ہیں، اتحاد امت اس وقت کی اہم ضرورت ہے اور امارت شرعیہ کی بنیادی چیز اتحاد ہے اس لئے ہم لوگوں کو حضرت امیر شریعت کی اطاعت میں متحد ہو کر اپنی زندگی گزارنا چاہیے اور کلمۂ واحدہ کی بنیاد پر متحد اور مجتمع ہو جائیں تو ہم ایک مضبوط اور مستحکم قوم ہوں گے نیز ہم اللہ کی مدد و نصرت کے حقدار بن جائیں گے۔
وفد کے اہم رکن قاضی شریعت دارالقضاء امارت شرعیہ بہار ،اڈیشہ و جھارکھنڈ کربلا ٹینک روڈ رانچی مفتی محمد انور قاسمی نے اپنے خطاب میں ایمان کی پختگی کی دعوت دیتے ہوئے فرمایا کہ قرآن نے مکمل طور پر ایمان میں داخل ہونے کا حکم دیا ہے اس حکم کی بجا آوری میں ہم پیچھے نظر آ رہے ہیں یعنی مکمل طور پر ایمان میں داخل ہوجائیں ہم ایمان کے تقاضے کو پورا کریں اور ایمانی پیغامات کو عام کریں، اسلام، قرآن و شریعت کی صحیح تصویر کو اپنے اعمال و کردار کے ذریعہ پیش کریں اور اپنے اعمال، اخلاق اور کردار کو درست کریں، اپنے معاملات کو درست کریں، ایک دوسرے کے ساتھ خیر خواہی اور بھلائی کا معاملہ کریں، یہ اسلام کا اہم حکم اور امارت شرعیہ کا بڑا پیغام ہے۔
وفد کے خصوصی رکن مولانا قمر انیس قاسمی معاون ناظم امارت شرعیہ بہار ،اڈیشہ و جھارکھنڈ نے اپنے درد مندانہ خطاب میں امارت شرعیہ بہار ،اڈیشہ و جھارکھنڈ کی خدمات و افادیت پر تفصیلی گفتگو کرتے ہوئے امارت شرعیہ کی سو سالہ خدمات سے لوگوں متعارف کرایا اور فرمایا کہ اے لوگوں امارت سے جڑ کر ایک امیر کی ماتحتی میں زندگی گزاریں اور امارت شرعیہ کا تعاون کریں اپنے اس ادارے کو تقویت بخشیں، شرکاء وفد میں سے دارالقضاء امارت شرعیہ بہار ،اڈیشہ و جھارکھنڈ لوہردگا کے قاضی شریعت مفتی عمر فاروق مظاہری نے دارالقضاء کی اہمیت و افادیت پر گفتگو کرتے ہوئے اپنے معاملات کو دارالقضاء سے حل کرانے پر زور دیا مزید انہوں نے فرمایا کہ قرآنی حکم کے مطابق اپنے تنازعات و اختلافی معاملات شریعت کے مطابق دارالقضاء سے حل کرائیں اور قرآنی فرمان پر عمل پیرا ہوں نیز قرآن و حديث کی روشنی میں ہونے والے فیصلے کو تسلیم کرنا اللہ اور رسول اللہ کی اطاعت کرنا ہے۔
وفد کے رکن مفتی ابوداؤد قاسمی معاون قاضی شریعت دارالقضاء امارت شرعیہ ،بہار، اڈیشہ و جھارکھنڈ کربلا ٹینک روڈ رانچی نے نعت رسول صلی اللہ علیہ و سلم پیش کرنے کے ساتھ ساتھ تعلیم و تربیت پر ابتدائی گفتگو کی اور فرمایا کہ اپنے معاشرہ کی اصلاح کے لئے نہایت ضروری ہے کہ اپنے بچوں اور نئی نسلوں کے بہتر مستقبل اور ان کی حفاظت کے لئے تعلیم و تربیت بنیادی ضرورت ہے، امارت شرعیہ شروع دن سے تعلیم و تربیت پر زور دیا ہے، شریک وفد مولانا سہیل سجاد قاسمی انچارج امارت پبلک اسکول نگڑی رانچی نے بھی گارجین حضرات کو بچوں کو مکتب اور اسکول سے جوڑنے کی ترعیب دی، دونوں پروگرام کا آغاز تلاوت قرآن کریم سے ہوا، نظامت کے فرائض مولانا مزمل حسین قاسمی و حافظ شہاب الدین مبلغین امارت شرعیہ بہار ،اڈیشہ و جھارکھنڈ نے بہ حسن و خوبی انجام دیا، اخیر میں قائد وفد کی دعا پر دونوں پروگرام اختتام پذیر ہوا –
]]>https://sachkiawaz.com/%d8%a7%d8%aa%d8%ad%d8%a7%d8%af-%d8%a7%d9%85%d8%aa-%d9%88%d9%82%d8%aa-%da%a9%db%8c-%d8%a7%db%81%d9%85-%d8%b6%d8%b1%d9%88%d8%b1%d8%aa%d8%a7%d9%85%d8%a7%d8%b1%d8%aa-%d8%b4%d8%b1%d8%b9%db%8c%db%81/feed/0پٹنہ کے قلب سبزی باغ میں دارالقضا ءکاامارت شرعیہ کے ناظم اور صدر قاضی شریعت نے کیاافتتا ح
https://sachkiawaz.com/%d9%be%d9%b9%d9%86%db%81-%da%a9%db%92-%d9%82%d9%84%d8%a8-%d8%b3%d8%a8%d8%b2%db%8c-%d8%a8%d8%a7%d8%ba-%d9%85%db%8c%da%ba-%d8%af%d8%a7%d8%b1%d8%a7%d9%84%d9%82%d8%b6%d8%a7-%d8%a1%da%a9%d8%a7%d8%a7%d9%85/
https://sachkiawaz.com/%d9%be%d9%b9%d9%86%db%81-%da%a9%db%92-%d9%82%d9%84%d8%a8-%d8%b3%d8%a8%d8%b2%db%8c-%d8%a8%d8%a7%d8%ba-%d9%85%db%8c%da%ba-%d8%af%d8%a7%d8%b1%d8%a7%d9%84%d9%82%d8%b6%d8%a7-%d8%a1%da%a9%d8%a7%d8%a7%d9%85/#respondMon, 08 Sep 2025 10:33:44 +0000https://sachkiawaz.com/?p=4881(پی این این)
پٹنہ:مسلمانوں کے عائلی تنازعات اور باہمی معاملات کو قانون شریعت کی روشنی میں حل کرنے سے صالح معاشرہ وجود میں آتا ہے، اسلئے اسلام نظام عدل کے قیام کو فریضہ محکمہ کہا گیا جو عہد نبوت سے اب تک جاری و ساری ہے چنانچہ امارت شرعیہ بہار اڈیشہ وجھارکھنڈ کے قیام کے ساتھ ہمارے اکابر نے نظام قضا ءکو بھی قائم کیا۔اسی سلسلے کی یہ کڑی ہے کہ آج علاقہ سبزی باغ کے مسلمانوں کی سہولت کی خاطر مرکزی دارالقضا ءکی ایک شاخ دارالقضا ءکا قیام عمل میں آ رہا ہے ،ان خیالات کا اظہار امارت شرعیہ بہار اڈیشہ وجھارکھنڈ کے صدر قاضی شریعت مولانا مفتی محمد انظار عالم قاسمی نے اپنے صدارتی خطاب میں کہا۔
واضح ہوکہ قاضی مسعود احمد نے رفاہی و فلاحی خدمت کے جذبہ سے کھتان مارکیٹ کے قریب ایک عمارت امارت شرعیہ کو وقف کیا، جہاں عرصہ سے کریسنٹ ہیلتھ کیئر کے ذریعہ مریضوں کا علاج کیا جا رہا ہے، ساتھ ہی مفت میں دوائیاں بھی دی جاتی ہیں ۔ امیر شریعت مولانا احمد ولی فیصل رحمانی نے یہاں اسپتال کے ساتھ دارالقضا ءبھی قائم کرنے کا حکم دیا، جس کا ایک افتتاحی اجلاس۷؍ ستمبر کو ہوا، جس میں شہر کے متعدد عمائدین نے شرکت کی اور اس قیام کو وقت کی ایک اہم ضرورت قرار دیا ۔
اس موقع پر اپنے کلیدی خطاب میں ناظم امارت شرعیہ بہار اڈیشہ وجھارکھنڈ مولانا مفتی محمد سعید الرحمن قاسمی نے کہا کہ عدل و انصاف کے قیام سے امن وآشتی کی خوشگوار فضا قائم ہوتی ہے اور ظلم و زیادتی کی بیخ کنی ہوتی ہے ،اس لیے ہمارے بزرگوں نے آغاز سے ہی قیام امارت شرعیہ کے ساتھ دارالقضا ءکو بھی قائم فرمایا جو تمام امراء شریعت کے عہد سے تسلسل کے ساتھ جاری ہے، اب تک ایک سو مقامات پرذیلی دارالقضا ءقائم ہو چکے ہیں آج یہاں بھی اس کی ایک شاخ قائم کی جا رہی ہے تاکہ یہاں کے مسلمان زیادہ سے زیادہ فائدہ اٹھا سکیں ،امارت شرعیہ کے نائب ناظم مولانا مفتی محمد سہراب ندوی نے اپنے تفصیلی خطاب میں حضرات ائمہ کرام سے کہا کہ آپ حضرات اس دارالقضا ءکے تعلق سے لوگ کو متوجہ کریں اور اپنے جمعہ کے خطبہ میں اسلام کے نظام قضا کی اہمیت پر روشنی ڈالیں انہوں نے اس موضوع پر کتابچے کی طباعت کی ضرورت بھی بتلائی ۔مولانا مفتی وصی احمد قاسمی نائب قاضی شریعت نے کہا کہ اسپتال کے نظام کو متحرک و سرگرم بنانے کے مقصدسے دارالقضا ءقائم کیا جا رہا ہے تاکہ مقامی لوگوں کو سہولت ہو، پٹنہ سیٹی میں بھی جلد اس کی شاخ کا قیام عمل میں آئے گا۔مولانا سہیل اختر قاسمی نائب قاضی شریعت نے کہا کہ قاضی مسعود احمد نے رفاہی و فلاحی خدمت کے جذبے سے اس عمارت کو وقف کیا، انشاءاللہ یہ ان کے لیے صدقہ جاریہ ہوگا ۔
انوار الہدی ناظم شعبہ نشر و اشاعت جمیعت علماء،نے اس اقدام کو قابل تحسین قرار دیتے ہوئے کہا کہ یہاں مسلمانوں کی ایک بڑی آبادی ہے اس لئے ان شاء اللہ دار القضاء کے قیام سے بڑافائدہ ہوگا، مولانا محمد میکائیل مدرسہ شمس الہدی نے کہا کہ انشاء اللہ دار القضا ء کے قیام سے مسلمانوں کو اپنے عائلی مسائل حل کرنے میں سہولت ہوگی اسی طرح محمد د فیض ،محمد ارشد عالم سکریٹری دریا پور مسجد،الحاج ماسٹر نثار احمد رحمانی سکریٹری تنظیم امارت شرعیہ جموئی ،انجینیئر فہد رحمانی سی ای او رحمانی ۳۰؍، مولانا رضوان احمد ندوی معاون ناظم امارت شرعیہ ،اقبال امام ،انوار الحق ، ڈاکٹر نوشاد احمد اور قاری عبدالستار قاسمی نے امارت شرعیہ کے اس اقدام کی ستائش کرتے ہوئے کہا کہ یہاں مسلمانوں کی بڑی آبادی ہے انشاءاللہ دارالقضا ءکے قیام سے یہاں کے مسلمانوں کو آسانی ہوگی، اس میں ہم لوگوں کا ہر طرح کا تعاون شامل رہے گا ۔
مولانا سجاد میموریل اسپتال کے سکریٹری ڈاکٹر یاسر حبیب نے کہا کہ اس اسپتال کو ہر جہت سے معیاری بنانے کی کوشش کی جا رہی ہے تاکہ مریضوں کا بہتر سے بہتر علاج ہوسکے، کریسنٹ ہیلتھ کیئر سینٹر کے سکریٹری ایس ایم شرف نے کہا کہ یہاں عرصے سےاسپتال قائم ہے مقامی ضرورت کے پیش نظر دارالقضا بھی قائم کیا جا رہا ہے تاکہ دونوں اداروں سے لوگ فائدہ اٹھائیں ۔
نشست کا آغازمولانا محمد ثاقب رحمانی کی تلاوت کلام پاک سے ہوا، بعد از مولانا منظر قاسمی رحمانی نے بارگاہ رسالت مآب ﷺ میں نذرانہ عقیدت پیش کیا ،نشست کی نظامت مولانا مفتی وصی احمد قاسمی نے بری خوش اسلوبی سے انجام دیا ،افتتاح دار القضا کی اس نشست میں شہر کے سرکردہ شخصیات کے علاوہ مولانا سجاد میموریل اسپتال کے اعجاز احمد،محمد ہمایوں، افروز احمد،مرکزی دفتر امارت شرعیہ پھلواری شریف سے مولانا محمد صابر حسین قاسمی ،مولانا محمد عادل قاسمی ، نیز کریسنٹ ہیلتھ سینٹر کے متعدد ورکروں و کارکنا ن نے شرکت کی۔ آخیر میں یہ نشست صدر مجلس صدر قاضی شریعت مولانا محمد انظارعالم قاسمی کی دعا پر اختتام پذیر ہوئی۔
]]>https://sachkiawaz.com/%d9%be%d9%b9%d9%86%db%81-%da%a9%db%92-%d9%82%d9%84%d8%a8-%d8%b3%d8%a8%d8%b2%db%8c-%d8%a8%d8%a7%d8%ba-%d9%85%db%8c%da%ba-%d8%af%d8%a7%d8%b1%d8%a7%d9%84%d9%82%d8%b6%d8%a7-%d8%a1%da%a9%d8%a7%d8%a7%d9%85/feed/0محسن انسانیت ﷺ کی ذات اقدس پوری انسانیت کے لئے مثالی نمونہ : مفتی محمد سعید الرحمن قاسمی
https://sachkiawaz.com/%d9%85%d8%ad%d8%b3%d9%86-%d8%a7%d9%86%d8%b3%d8%a7%d9%86%db%8c%d8%aa-%ef%b7%ba-%da%a9%db%8c-%d8%b0%d8%a7%d8%aa-%d8%a7%d9%82%d8%af%d8%b3-%d9%be%d9%88%d8%b1%db%8c-%d8%a7%d9%86%d8%b3%d8%a7%d9%86%db%8c/
https://sachkiawaz.com/%d9%85%d8%ad%d8%b3%d9%86-%d8%a7%d9%86%d8%b3%d8%a7%d9%86%db%8c%d8%aa-%ef%b7%ba-%da%a9%db%8c-%d8%b0%d8%a7%d8%aa-%d8%a7%d9%82%d8%af%d8%b3-%d9%be%d9%88%d8%b1%db%8c-%d8%a7%d9%86%d8%b3%d8%a7%d9%86%db%8c/#respondTue, 02 Sep 2025 12:28:02 +0000https://sachkiawaz.com/?p=4863(پی این این)
پھلواری شریف:امارت شرعیہ بہار اڈیشہ وجھارکھنڈ کے ناظم مولانا مفتی محمد سعید الرحمن قا سمی نے ماہ ربیع الا ول کی مناسبت سے عام لوگوں بالخصوص مسلمانوں کو پیغام دیتے ہوئے کہا کہ اسی بابرکت مہینہ میں محسن انسانیت امام الانبیاء نبی آخرالزماں حضرت محمد صلی اللہ علیہ وسلم کی ولادت باسعادت ہوئی، منصب نبوت پرفائز نے کے بعد حضور ﷺ نے دنیا کو حق و صداقت اورعدل ومساوات کا پیغام دیا ،اس کو جہالت کی تاریکی سے نکال کر علم و معرفت کی روشنی عطاء کی جس سے قوموں کی تقدیر بدل گئی ،آنحضرت ﷺ نے اپنے ۲۳؍سالہ دورنبوت میںا نسانوں کو ان کی حقیقی قدر ومنزلت سےآگاہ کیا، اونچ نیچ کے فاصلوں کو ختم کیا اوروحدت و اجتماعیت کا پیغام دیا، ہزاروں رحمتیں اوردرود وسلام ہو اس نبی رحمت پر جنہوں نے انسانوں اور چوپایوں پر بھی رحم و کرم کی تعلیم دی اور ہر قسم کے جورو استبداء کا خاتمہ کیا ،اللہ کے رسول ﷺ نے روئے زمین پر بسنے والے ہر طبقہ کو اس کا واجبی حق دیا ،کمزوروں ،بےسہارا انسانوں،بے کسوں اور مظلوموں کی دست گری کوعبادت قرار دیا اور فرمایا کہ تم زمین والوں پر رحم کرو آسمان والا تم پر رحم کرے گا ، الفت و محبت کے پیکر بنی رحمت نے معاشرہ میں امن وامان قائم کرنے اور انسانوں کے ساتھ حسن سلوک کامعاملہ کرنےکو انسانیت کا زیور قرادیا ،اسلئے رب کائنات نے اپنے محبو ب پیغمبر حضور ﷺ کی ذات اقدس کو پوری انسانیت کے لئے ایک مثالی بنایا ۔
انہوں نے کہاکہ اس ماہ مبارک کو سیرت طیبہ کے پیغام کو عام کرنے کا ذریعہ بنائیں اور عہد کریں کہ ہم اپنی پوری زندگی حضور ﷺ کی پیروی و اتباع میں گذاریں گے ، حضور ﷺ کی ایک ایک سنت پر عمل کریں گے ، اپنے طریق زندگی کو حضور ﷺ کی سیرت پر ڈھال کر ساری دنیا کے انسانوں کے لئے نمونہ عمل اور پیغام عمل بنیں گے ،آج کا انسان جن المناک حالات وکیفیات سے دو چار ہے ان سے نجات پانے کا واحد اور مستند ترین راستہ یہ ہے کہ انسانیت کے محسن اعظم محمد ﷺ کے طریقے زندگی کا اثاثہ بنالے تو وہ حقیقی مسرت اورفلاح و کامرانی سے ہمکنار ہو جائے گا ، سیر ت رسول کا یہی پیغام ہے کہ حضور ﷺسے ہمارا وہی تعلق پھر سے قائم ہوجائے جس کے بغیر ہماری ساری اجتماعی کو ششیں بے روح، بے جان اور بے مقصد ہیں، اسی مقصد کے لئے سیرت رسول کے موضوع پر کوئی مستند کتاب کا مطالعہ کرتے ہیں ، ہم روزانہ ایک چھوٹی حدیث کو حفظ کرنے کی کوشش کریں ، اور اپنے گھر کی مستورات کے درمیان حضور ﷺ کی سیرت طیبہ کا کوئی واقعہ بیان کریں جن سے ہماری ماں اور بہنوں کے اندر بھی حب رسول ﷺ کاجذبہ ابھر سکے ، اس کے ساتھ روزانہ درود شریف پڑھنے کا بھی اہتمام کریں ، اگر ہم لوگوں نے ان باتوں پر عمل کرنے کا پختہ ارادہ کرلیا تو اللہ تعالیٰ کی طرف سے غیبی نصرت بھی حاصل ہوگی اور قیامت کے دن شفاعت نبوی سے بھی سرفراز ہوں گے ،’’ صلی اللہ علی النبی الکریم ‘‘ اگر ہم دنیا وآخرت میں کامیابی سے ہمکنار ہوناچاہتے ہیں تو صرف اور صر ف ایک ہی راستہ ہے، ایک اللہ سے تعلق کو مستحکم رکھنا اور حضور ﷺ کے بتائے ہوئےطریقوں پر زندگی کو استوار کریں اور دوسروں کو بھی اس کی دعوت دیں ۔