حاجی پور:وزیرِ اعلیٰ نتیش کمار کچّی درگاہ–بدوپور 6 لین گنگا پل منصوبہ کے تعمیراتی کام کا جائزہ لیا۔ اس موقع پر افسران نے معزز وزیرِ اعلیٰ کو آگاہ کیا کہ اس منصوبہ پر تعمیراتی کام تیز رفتاری سے جاری ہے اور باقی ماندہ کام کو اپریل ماہ تک مکمل کر لیا جائے گا۔معائنہ کے دوران معزز وزیرِ اعلیٰ نے افسران کو ہدایت دی کہ منصوبہ کے باقی ماندہ تعمیراتی کاموں کو جلد از جلد مکمل کریں۔ اس کے ساتھ ساتھ رسائی راستہ (اپروچ روڈ) کا تعمیراتی کام بھی مکمل کرنے کی ہدایت دی تاکہ آمد و رفت بلا رکاوٹ اور ہموار طریقے سے ممکن ہو سکے۔ انہوں نے کہا کہ کچّی درگاہ–بدوپور 6 لین گنگا پل منصوبہ کی تکمیل سے اس علاقے کے لوگوں کو راجدھانی پٹنہ سے بلا تعطل سڑک رابطہ حاصل ہوگا۔
انہوں نے کہا کہ اس منصوبہ کے مکمل ہونے سے اس علاقے میں زراعت، صنعت اور دیگر کاروباری سرگرمیوں کو مزید فروغ ملے گا۔ ہنگامی طبی حالات میں مریضوں کو علاج کے لیے پٹنہ پہنچنے میں بھی بڑی سہولت حاصل ہوگی۔ معزز وزیرِ اعلیٰ نے کہا کہ کچّی درگاہ–بدوپور 6 لین گنگا پل منصوبہ کے پہلے مرحلے کے افتتاح کے بعد پٹنہ سے راگھوپور تک رابطہ بحال ہو چکا ہے۔ انہوں نے مزید کہا کہ وہ اس منصوبہ کے تعمیراتی کام کا باقاعدہ معائنہ کرتے رہے ہیں اور اسے جلد مکمل کرنے کے لیے افسران کو مسلسل ہدایات دیتے رہے ہیں۔ وزیرِ اعلیٰ نے کہا کہ اس منصوبہ کی تکمیل سے مہاتما گاندھی پل پر ٹریفک کا بوجھ کم ہوگا اور شمالی بہار و جنوبی بہار کے درمیان رابطہ کے لیے لوگوں کو ایک متبادل راستہ دستیاب ہوگا، جس سے آمد و رفت مزید آسان ہو جائے گی۔ اس پل کی تعمیر سے پٹنہ شہر کے باہر سے ہی لوگ شمالی بہار کے مختلف مقامات تک آسانی سے سفر کر سکیں گے۔
انہوں نے کہا کہ آمس–دربھنگہ ایکسپریس وے کو کچّی درگاہ–بدوپور 6 لین گنگا پل منصوبہ سے جوڑا جائے گا، جس سے سمستی پور، دربھنگہ اور مدھوبنی جانے والے لوگوں کو خاصی سہولت حاصل ہوگی اور وقت کی بچت بھی ہوگی۔ انہوں نے کہا کہ ریاست میں معیاری سڑکوں اور پلوں کی مسلسل تعمیر کے ذریعے آمد و رفت کو مزید سہل بنایا جا رہا ہے۔قابلِ ذکر ہے کہ وزیرِ اعلیٰ نے 23 جون 2025 کو کچّی درگاہ (پٹنہ) سے راگھوپور دیارا (ویشالی) تک نو تعمیر سڑک حصے کا افتتاح کیا تھا۔ پٹنہ ضلع میں واقع قومی شاہراہ نمبر 30 پر واقع کچّی درگاہ اور ویشالی ضلع میں واقع قومی شاہراہ نمبر 103 پر واقع بدوپور کے درمیان دریائے گنگا پر کل 19.76 کلومیٹر طویل 6 لین گرین فیلڈ پل منصوبہ تعمیر کیا جا رہا ہے۔ اس منصوبہ کے تحت 9.76 کلومیٹر طویل پل اور 10 کلومیٹر طویل رسائی راستوں کی تعمیر شامل ہے۔ پہلے مرحلے میں کچّی درگاہ، پٹنہ سے راغھوپور دیارا، ویشالی (کل لمبائی 4.57 کلومیٹر) کا افتتاح ہو چکا ہے۔ دوسرے مرحلے میں حاجی پور–مہنار سڑک (این ایچ-122 بی) سے چک سکندر (این ایچ-322) تک، جبکہ تیسرے مرحلے میں راگھوپور دیارا سے حاجی پور–مہنار سڑک (این ایچ-122 بی) تک تعمیراتی کام جاری ہے۔
معائنہ کے دوران جنتا دل یونائیٹڈ کے قومی کارگزار صدر و رکنِ پارلیمنٹ سنجے کمار جھا، محکمۂ تعمیرِ سڑک کے سکریٹری پنکج کمار پال، وزیرِ اعلیٰ کے سکریٹری کمار روی، وزیرِ اعلیٰ کے سکریٹری ڈاکٹر چندر شیکھر سنگھ، بہار اسٹیٹ روڈ ڈیولپمنٹ کارپوریشن لمیٹڈ کے منیجنگ ڈائریکٹر ترشت کپِل اشوک، پٹنہ ضلع کے ضلع مجسٹریٹ ڈاکٹر تیاگ راجن ایس ایم، ویشالی ضلع کی ضلع مجسٹریٹ ورشا سنگھ، پٹنہ کے سینئر پولیس سپرنٹنڈنٹ کارتکیہ کے شرما، ویشالی ضلع کے پولیس سپرنٹنڈنٹ وکرم سہاگ سمیت دیگر اعلیٰ افسران موجود تھے۔ ]]>
نئی دہلی :شاہی امام مسجد فتح پوری دہلی مولانا ڈاکٹر مفتی محمد مکرم احمد نے جمعہ کی نماز سے قبل خطاب میں مسلمانوں سے اپیل کی کہ نوجوانوں کی دینی تعلیم و تربیت کی طرف توجہ کریں اور کم عمر بچوں کو موبائل کے زیادہ استعمال سے روکنے کی کوشش کریں تاکہ نوجوان گمراہ نہ ہو ں.
انہوں نے بہار میں روز بروز ہجومی تشدد اور لنچنگ کے واقعات میں اضافے پر تشویش کا اظہار کیا انہوں نے کہا کہ بہار میں موجودہ حکومت قائم ہونے کے بعد سے ایک مخصوص فرقے کے خلاف نفرت میں اضافہ ہو رہا ہے یہ تشویش کی بات ہے نالندہ کے اطہر حسین کو نوادہ ضلع میں شدید زدوکوب کیا گیا جس کے بعد موت ہو گئی ۔ مظفر پور ضلع میں ایک معمر شخص پر ہجوم کے ذریعے حملہ کرنے کی کوشش کی گئی اور سپول ضلع کے باشندہ مرشد عالم کو بے رحمی سے پیٹ پیٹ کر زخمی کر دیا گیا ،مذہب اور نفرت کی بنیاد پر سنگین جرم کرنے والوں پر جلد از جلد کاروائی ہونی چاہیے۔بہار میں لنچنگ کا کوئی واقعہ رونما نہ ہواس کے لیے حکومت کو سخت اقدامات کرنے چاہئیں۔
مفتی مکرم نے مدھیہ پردیش کے ریوا شہر سے متصل چورر ہٹا تھا نہ علاقہ کے اموا نامی گاؤں میں سماج دشمن عناصر کے ذریعے رات کی تاریکی میں ایک قدیم درگاہ کو مسمار کیے جانے کی شدید مذمت کی یہ درگاہ صدیوں پرانی بتائی گئی ہے اس سے متصل قبرستان میں کئی قبروں کے نوشتہ جات کو توڑنے اور قبروں کی توڑ پھول پر بھی انہوں نے شدید تشویش کا اظہار کیا اور مطالبہ کیا کہ مذکورہ درگاہ کو مسمار کرنے والوں کے خلاف ایکشن لیا جائے اور جو لوگ فرقہ وارانہ ہم آہنگی کو برباد کرنا چاہتے ہیں ان کو بخشا نہیں جانا چاہیے۔
مفتی مکرم نے مسجد درگاہ فیض الٰہی احاطہ میں ایم سی ڈی کی طرف سے انہدامی کارروائی کی شدید مذمت کی انہوں نے کہا ہائی کورٹ میں مقدمہ کی سماعت چل رہی ہے تو پھر رات کے 2بجے اتنی جلدی کارروائی نہیں ہونی چاہئے تھی یہ سب اوقاف کی جگہ ہے۔ ]]>
سیتامڑھی : وزیر اعلی خواتین ایمپلائمنٹ اسکیم کے تحت خصوصی پروگرام کا انعقاد کیا گیا، جہاں وزیر اعلیٰ نتیش کمار نے ڈی بی ٹی کے ذریعے 25 لاکھ مستفیدین کے کھاتوں میں 10,000 روپے منتقل کئے۔ وزیر اعلیٰ نتیش کمار نے کہا کہ یہ اسکیم خواتین کو خود انحصاری اور معاشی طور پر بااختیار بنانے کی سمت ایک تاریخی قدم ہے۔ انہوں نے کہا کہ اس اسکیم کے تحت خواتین کو اپنا کاروبار شروع کرنے کے لیے10,000روپے کی رقم فراہم کی جا رہی ہے اور اندازے کے مطابق 2 روپےلاکھ تک کی اضافی امداد بھی فراہم کی جا رہی ہے۔
ضلع مجسٹریٹ رچی پانڈے نے بتایا کہ وزیر اعلیٰ خواتین کی روزگار اسکیم کے تحت ہر خاندان کی ایک خاتون رکن کو فائدہ پہنچایا جا رہا ہے۔ ہر استفادہ کنندہ کے بینک اکاؤنٹ میں 10,000 روپے کی ابتدائی رقم منتقل کی جا رہی ہے۔
ڈی پی ایم جیویکا نے بتایا کہ آج کل 74,403 خواتین کے کھاتوں میں رقم منتقل کی گئی ہے اور اب تک یہ رقم 3,24,397 خواتین کے کھاتوں میں منتقل کی جاچکی ہے۔ اس پروگرام میں ڈپٹی ڈیولپمنٹ کمشنر سندیپ کمار، ڈائرکٹر ڈی آر ڈی اے، ڈی پی ایم جیویکا، ڈائرکٹر این ای پی کے ساتھ مختلف ضلعی سطح کے محکموں کے سینئر افسران موجود تھے۔ ]]>
(پی این این)
بہار شریف:شہر بہار شریف کا مشہور و معروف محلہ بڑی پہاڑی کے منصور نگر وارڈ 19 کے قبرستان میں غلاظتوں کا انبار ہے قبرستان ان دنوں گندگی سے لبالب بھرا ہوا ہے اور کوئی سننے دیکھنے والا نہیں ہے کہنے کو تو یہ وزیر اعلٰی نتیش کمار کا آبائی ضلع ہے مگر اس قبرستان کا مسئلہ حل کرنے والا کوئی نہیں ہے مقامی لوگوں نے 2020 میں ہی ضلع مجسٹریٹ دیگر افسران اور اس وقت کے وارڈ کاؤنسلر کو میمورنڈم دیا گیا تھا مگر اب تک قبرستان کا مسئلہ حل نہیں ہوا اور گندگی کا انبار جوں کا توں ہے۔
مقامی لوگوں کا کہنا ہے کہ اس قبرستان میں مگدھ کالونی اور چھوٹی پہاڑی کے گھروں سے گرنے والا گندہ پانی کی وجہ سے پورا سال قبرستان لبالب بھرا رہتا ہے جس کی وجہ سے میت دفنانے میں سخت دشواری کا سامنا کرنا پڑتا ہے مقامی باشندہ محمد رئیس نے بتایا کہ قبرستان کے بغل سے نالا نہ ہونے کی وجہ سے گھروں سے گرنے والا گندہ پانی قبرستان میں جمع ہوجاتا ہے یوں تو سالوں بھر قبرستان میں پانی جمع رہتا ہے مگر بارش کا مہینہ ہونے کے سبب ان دنوں پورا قبرستان غلاظت اور گندگی کا ڈھیر بن گیا ہے اور سور کتوں جیسے جانوروں کا رہائش گاہ بن گیا ہے قبرستان سے متصل گھروں سے نکلنے والا نالے کا پانی اس قبرستان کی بے حرمتی کرتا ہے تو وہیں رہی سہی کسر بارش آنے کے بعد پوری ہو جاتی ہے ۔
بارش کے پانی کے بہاؤ کے ساتھ یہاں انسانی غلاظت کے ساتھ کچڑا بھی جمع ہو رہا ہے۔ ایسا نہیں ہے کہ یہاں کے مقامی افراد نے اس تعلق سے کچھ نہیں کیا۔ مقامی افراد محمد عقیل احمد، محمد شجاعت حسن ، محمد مناظر حسن، محمد راجا حسن، محمد سہیل احمد حاجی مختار کے مطابق کئی مرتبہ محکمہ ضلع افسران تک میمورنڈم دیا گیا مگر ان کے کانوں میں جوں تک نہیں رینگ رہی ہے۔ اسلام میں صفائی وپاکی کو نصف ایمان کہا گیا ہے۔ انتقال کے بعد جسد خاکی کو بھی پاک کرکے سپرد خاک کیا جاتا ہے۔
واضح ہوکہ جن کو پاک حالت میں دفن کیا گیا گیا تھا، اب ان کی قبریں ناپاکی کا شکار ہو رہی ہیں۔ بڑی پہاڑی منصور نگر قبرستان میں گندگی کے ڈھیر کی موجودگی ایک ناپسندیدہ صورتحال ہے جو صفائی اور نظم و نسق کے فقدان کی نشاندہی کرتی ہے، اور اس سے مختلف مسائل پیدا ہو سکتی ہیں جیسے بدبو، بیماریاں، اور ماحولیاتی آلودگی اس مسئلے کو حل کرنے کے لیے جلد از جلد ضلع انتظامیہ سے گزارش ہے کہ باقاعدگی سے صفائی اور گھروں سے گرنے والا گندہ پانی کا مناسب انتظام کریں تاکہ یہاں کے عوام چین و سکون کی زندگی گذار سکیں۔ ]]>
سارن :مقامی ایم پی راجیو پرتاپ روڈی کانسٹی ٹیوشن کلب آف انڈیا کے ایڈمنسٹریٹو سکریٹری کا انتخاب جیتنے کے بعد پہلی بار دیشا کی میٹنگ کے لئے چھپرہ آنے پر مقامی نامہ نگاروں سے گفتگو کی۔بی جے پی کے ضلع صدر رنجیت کمار سنگھ کی صدارت میں سرکٹ ہاؤس میں منعقدہ پریس کانفرنس سے خطاب کرتے ہوئے روڈی نے کہا کہ ہندوستان کی تاریخ میں اب تک کا سب سے تاریخی انتخاب کانسٹی ٹیوشن کلب آف انڈیا کے انتظامی سکریٹری کے عہدہ کے لئے ہوا۔حکمراں پارٹی بی جے پی اور اپوزیشن سبھی نے ووٹ دیا اور مجھے تمام پارٹیوں نے ترقی کے نام پر حمایت کیا۔چاہے وہ ہندوستان کے کسی بھی کونے کے ایم پی ہوں۔سب نے راجیو پرتاپ روڈی کے کام کو ووٹ دیا۔یہ ہندوستان کی تاریخ کا سب سے تاریخی لمحہ تھا۔جب تمام ممبران پارلیمنٹ نے میرے کئے گئے کاموں پر مجھے ووٹ دیا۔جس کی وجہ سے سارن کا ایم پی اور آپ کا بھائی،بیٹا ہندوستان کے آئین کے مرکزی کلب کے ایڈمنسٹریٹو سکریٹری کے عہدے پر منتخب ہوا۔
انہوں نے دیشا کی میٹنگ میں ہونے والے ترقیاتی کاموں پر گفتگو کرتے ہوئے بتایا کہ ڈبل ڈیکر،نمامی گنگے سمیت تمام ترقیاتی کاموں پر تفصیلی تبادلہ خیال کیا گیا۔بہت جلد سارن کے تمام کام مکمل ہو جائیں گے۔منصوبوں کے معیار میں اضافہ کیا گیا ہے۔اس بات کا بھی خیال رکھا جائے گا کہ سارن کے لوگوں کو کسی قسم کی پریشانی کا سامنا نہ کرنا پڑے۔راجیو پرتاپ روڈی نے کہا کہ آج ملک کے وزیر اعظم گیا آئے ہیں۔وزیر اعظم نریندر مودی اور وزیر اعلیٰ نتیش کمار کی قیادت میں بہار میں بے مثال کام ہوا ہے۔جس کا موازنہ نہیں کیا جا سکتا۔سڑکوں،شاہراہوں،بڑے ایمس،ہوائی اڈے،پارلیمنٹ،ثقافتی دھارے کو بچانے اور مذہبی مقامات کی ترقی کے ساتھ ساتھ طلباء کے لیے انجینئرنگ کالج اور نوجوانوں کے پڑھنے کے لیے میڈیکل کالج تمام شعبوں میں بے مثال ترقی ہوئی ہے۔جس کا موازنہ نہیں کیا جا سکتا۔بہت سے کام مکمل ہو چکے ہیں اور متعدد کام جاری ہیں۔بہت سے کام عنقریب مکمل ہونے والے ہیں۔وندے بھارت سمیت کئی ٹرینیں بہار سے چل رہی ہیں۔آنے والے وقت میں کئی اور ٹرینیں چلنا شروع ہونے والی ہیں۔بہار کی ترقی بہت تیز رفتاری سے چل رہی ہے۔روڑی نے اپوزیشن کی یاترا پر کہا کہ لوگوں کے کسی بھی طرح کے یاترا کا بہار کے لوگوں پر کوئی اثر نہیں ہونے والا ہے۔بہار کے عوام این ڈی اے مخلوط حکومت کے کام کو دیکھ رہے ہیں۔وہ کسی کے بہکاوے میں آنے والے نہیں ہیں۔آج جو لوگ یاترا نکال رہے ہیں بہتر ہوتا کہ وہ لوگوں کے نام ووٹر لسٹ میں شامل کروانے کی کوشش کرتے۔
پریس کانفرنس سے پہلے بی جے پی ضلع صدر رنجیت کمار سنگھ نے ایم پی راجیو پرتاپ روڈی کا گلدستہ اور شال پیش کرکے خیرمقدم کیا۔نظامت جنرل سکریٹری وویک کمار سنگھ نے کی۔موقع پر وزیر کرشن کمار منٹو،ایم ایل اے جنک سنگھ،سابق ضلع صدر رام دیال شرما،رمیش پرساد،ورکنگ کمیٹی رکن راکیش کمار سنگھ،جنرل سکریٹری نرنجن شرما،دھرمیندر شاہ،اردھیندو شیکھر،وکاس گپتا،بلونت سنگھ،میئر لکشمی نارائن گپتا،راجن سنگھ، سوویت سنگھ،راجدھانی سنگھ،دھرمیندر چوہان،سشیل کمار سنگھ،مدن سنگھ،انل سنگھ،راکیش کمار سنگھ،انجنیئر ستیندر سنگھ وغیرہ موجود تھے۔ ]]>
چھپرہ :ضلع کے 419511 مستفیدین کے کھاتوں میں جولائی کے مہینے کی پنشن کی رقم 46.71 کروڑ روپے اتوار کو وزیر اعلیٰ نتیش کمار نے ڈی بی ٹی کے ذریعے منتقل کیا۔دارالحکومت پٹنہ میں منعقدہ ریاستی سطح کے مرکزی پروگرام کو کلکٹریٹ آڈیٹوریم میں لائیو ویب کاسٹنگ کے ذریعے براہ راست نشر کیا گیا۔ساتھ ہی بلاک اور آنگن باڑی مراکز پر بھی منعقد کیا گیا۔پنشن اسکیم کے مستفید ہر جگہ موجود تھے۔
آدیٹوریم میں ڈی ایم امن سمیر سمیت دیگر عہدیداران اور مختلف پنشن اسکیموں کے تقریباً 80 مستفیدین موجود تھے۔جیسے ہی وزیر اعلیٰ نے بٹن دبایا پنشن کی رقم مستحقین کے کھاتے میں منتقل ہو گئی۔مستحقین کے موبائل پر اکاؤنٹ میں رقم کی وصولی کا پیغام بھی موصول ہوا۔اس موقع پر موجود تمام مستحقین بہت خوش اور مطمئن نظر آئے۔انہوں نے پنشن کی رقم 400 روپے ماہانہ سے بڑھا کر 1100 روپے ماہانہ کرنے کے لیے وزیر اعلیٰ نتیش کمار اور ریاستی حکومت کا شکریہ ادا کیا۔
ڈی ایم میر نے بتایا کہ سارن ضلع میں بہار معذور اسکیم کے 41967،اندرا گاندھی نیشنل معذور پنشن اسکیم کے 7710،اندرا گاندھی نیشنل اولڈ ایج پنشن اسکیم کے 129394،اندرا گاندھی نیشنل بیوہ پنشن اسکیم کے 17906،لکشمی بائی سماجی محافت پنشن کے 37299 اور چیف منسٹر اولڈ ایج پنشن اسکیم کے 185235 مستفیدین اس پروگرام سے مستفید ہو رہے ہیں۔ ]]>
(پی این این)
پٹنہ :وزیر اعلیٰ نتیش کمار نے اساتذہ کی بھرتی میں ڈومیسائل پالیسی نافذ کرنے کا فیصلہ کیا ہے۔ ڈومیسائل پالیسی TRE-4 اور TRE-5 سے نافذ کی جائے گی۔ اس پربہار کے سابق نائب وزیراعلیٰ ،آرجے ڈی قائداور اپوزیشن لیڈر تیجسوی یادو نے طنز کیا ہے۔ انہوں نے کہا کہ 20 سال کی تھکی ہاری حکومت نے انتخابی سال میں ہمارے ہر اعلان، اسکیم اور مطالبے کی نقل کرتے ہوئے جلد بازی میں یہ اعلان کیا ہے۔ اپوزیشن کا یہ خوف اچھی بات ہے۔ تیجسوی نے این ڈی اے حکومت کو نظریاتی طور پر دیوالیہ قرار دیا۔
تیجسوی یادو نے ٹویٹ کیا کہ یہ بڑی خوشی کی بات ہے کہ نظریاتی طور پر دیوالیہ این ڈی اے حکومت بہار میں ڈومیسائل پالیسی کو لاگو کرنے کے ہمارے مطالبے کو یکسر مسترد کرتی تھی، ایوان میں گھمنڈ کرتی تھی کہ وہ کسی بھی حالت میں ڈومیسائل پالیسی کو نافذ نہیں کرے گی، اب وہی لوگ ہماری دوسری اسکیموں کی طرح اس اعلان کی نقل کر رہے ہیں۔ صاف ظاہر ہے کہ 20 سال کی اس کاپی کیٹ این ڈی اے حکومت کی اپنی کوئی پالیسی، وژن اور ویژن نہیں ہے۔
بہار کے عوام اس حکومت کو دیکھ کر مزے کر رہے ہیں، جو 20 سالوں میں نہیں جانتی تھی کہ کیا کرنا ہے اور کیا نہیں، ہمارے دھنوں، مطالبات اور اعلانات پر ناچ رہی ہے۔ چاہے وہ سوشل سیکورٹی پنشن ہو، بجلی کا مفت یونٹ، سرکاری نوکریاں، باورچیوں، نائٹ گارڈز اور فزیکل ایجوکیشن اور ہیلتھ انسٹرکٹرز کے اعزازیہ میں اضافہ، آشا اور ممتا ورکرز، یوتھ کمیشن کی تشکیل یا ایک کروڑ نوکریاں۔ وزیراعلیٰ بتائیں کہ حکومت اپوزیشن کے اعلانات کی نقل اور نقل کرکے کیسا محسوس کرتی ہے؟
واضح کہ نتیش حکومت کے اس فیصلے سے مستقبل میں اساتذہ کی بھرتی میں بہار کے لوگوں کو ترجیح دی جائے گی۔ ریاست میں ڈومیسائل کا مسئلہ کافی عرصے سے اٹھایا جا رہا تھا۔ اس پر بہت سیاست ہوئی۔ ]]>
نئی دہلی: ملک میں جمہوریت کی بنیاد سمجھی جانے والی ووٹر لسٹ کی تصدیق کے سلسلے میں آج سب کی نظریں سپریم کورٹ پر تھیں۔ بہار کی ووٹر لسٹ تصدیق کیس میں الیکشن کمیشن کو آج سپریم کورٹ سے بڑی راحت ملی ہے، فی الحال ووٹر لسٹ کی گہرائی سے نظرثانی پہلے کی طرح جاری رہے گی۔ سپریم کورٹ نے کہا کہ ہم آئینی ادارے کا کام نہیں روک سکتے۔ تاہم سماعت کے دوران عدالت نے الیکشن کمیشن سے کئی سوالات پوچھے۔ عدالت نے اس فیصلے کے وقت پر بھی سوالات اٹھائے۔
جسٹس دھولیا نے کہا کہ ہماری رائے میں پہلی نظر میں تین سوالات ہیں – پہلا – الیکشن کمیشن آف انڈیا کے انتخابات کرانے کے اختیارات، دوسرا – اختیارات کے استعمال کا عمل اور تیسرا وقت کی حد جو بہت مختصر ہے اور نومبر میں ختم ہو جائے گی اور نوٹیفکیشن اس سے پہلے آئے گا۔
سپریم کورٹ نے کہا کہ ہم آئینی ادارے کا کام نہیں روک سکتے
تاہم جسٹس دھولیا نے کہا کہ کیس کی سماعت ضروری ہے۔ اسے 28 جولائی کو مناسب عدالت میں درج کیا جائے۔انہوں نے کہا کہ جوابی پٹیشن 21 جولائی یا اس سے پہلے ایک ہفتے کے اندر دائر کی جائے اور 28 جولائی سے پہلے جواب دیا جائے۔سپریم کورٹ نے الیکشن کمیشن کو 11 دستاویزات میں آدھار، ای سی آئی سی اور راشن کارڈ کو شامل کرنے کا مشورہ بھی دیا۔
جسٹس سدھانشو دھولیا اور جویمالیہ باغچی کی بنچ نے کیس کی سماعت کرتے ہوئے درخواست گزاروں سے بھی سوال کیا۔ بنچ نے درخواست گزاروں کی طرف سے پیش ہونے والے وکیل گوپال شنکر نارائنن سے کہا کہ آپ خود بتائیں کہ الیکشن کمیشن کیا کر رہا ہے اس میں کیا غلط ہے۔
بہار میں الیکشن کمیشن کا ووٹر لسٹ کی تصدیق کا کام
بہار میں ووٹروں پر نظرثان ی کے معاملے نے جس طرح سے ملک میں سیاسی گرما گرمی پکڑی ہے، اب وہی معاملہ ملک کی سب سے بڑی عدالت کی دہلیز پر پہنچ گیا ہے۔ تمام الزامات، جوابی الزامات، شکوک و شبہات اور سیاسی شور کے درمیان سپریم کورٹ نے آج اس اہم معاملے پر سماعت کی، سماعت میں فریقین اور اپوزیشن کی جانب سے کئی دلائل دیے گئے۔
سپریم کورٹ نے الیکشن کمیشن کو آدھار، ای سی آئی سی اور راشن کارڈ کو 11 دستاویزات میں شامل کرنے کا مشورہ دیا۔ اب اس معاملے کی سماعت 28 جولائی کو ہوگی۔
الیکشن کمیشن کے اس فیصلے کے خلاف سپریم کورٹ میں کئی نئی درخواستیں دائر کی گئی ہیں، جن میں کانگریس، این سی پی (ایس پی)، شیوسینا (یو بی ٹی)، سماج وادی پارٹی، جھارکھنڈ مکتی مورچہ (جے ایم ایم)، کمیونسٹ پارٹی آف انڈیا (سی پی آئی) اور سی پی آئی- مارکسسٹ لیننسٹ (ایم ایم اے) کے رہنماؤں کی مشترکہ عرضی بھی شامل ہے۔
]]>چھپرہ :جے ڈی یو کے سابق ریاستی سکریٹری ساجد عالم سونو نے کارگذار قومی صدر سنجے جھا اور مرکزی وزیر راجیو رنجن سنگھ سے چھپرہ آمد پر ملاقات کر ایک درخواست پیش کیا۔جس میں بہار میں سرکاری ملازمتوں بالخصوص اساتذہ کی بھرتی میں ڈومیسائل پالیسی کے نفاذ کا مطالبہ کیا گیا ہے۔
درخواست میں انہوں نے کہا ہے کہ وزیر اعلیٰ نتیش کمار کی کوششوں سے بہار کی شرح خواندگی میں اضافہ ہوا ہے۔لیکن تعلیم یافتہ نوجوانوں کی اکثریت روزگار کی تلاش میں بہار سے ہجرت کرنے پر مجبور ہے۔پچھلے دو سالوں میں دوسری ریاستوں خاص طور پر اتر پردیش کے امیدواروں نے کسی نہ کسی طرح BPSC اساتذہ کی بھرتی میں 10 فیصد سے زیادہ سیٹوں پر قبضہ کر لیا ہے۔تمام قابلیت ہونے کے باوجود بہار کے استاد امیدوار بے روزگار ہیں اور ادھر ادھر بھٹک رہے ہیں۔ہر روز دوسری ریاستوں میں کام کرنے والے بہاری مزدوروں اور امیدواروں کے ساتھ امتیازی سلوک کیا جا رہا ہے۔دھونس اور مار پیٹ کے واقعات سوشل میڈیا اور اخبارات میں دیکھنے اور سننے کو مل رہے ہیں۔
جے ڈی یو کے حق میں مہم چلانے کے لیے اپنے دوروں کے دوران جب میں نے گاؤں کے طلبہ،نوجوانوں،دانشوروں،بزرگوں اور خواتین سے بات کی تو انہوں نے کہا کہ ہمارے گاؤں کے بچے تعلیم حاصل کرنے کے بعد گھر میں بے روزگار بیٹھے ہیں اور پیسہ کمانے کے لیے باہر جانے پر مجبور ہیں۔دوسری طرف ہماری ریاست کے اسکولوں میں دوسری ریاستوں کے لوگ پڑھا رہے ہیں اور دوسرے سرکاری دفاتر میں کام کرکے روزی کما رہے ہیں۔بہار کے عام لوگوں کا ایک ہی نکتہ مطالبہ ہے کہ بہار کی نوکریوں میں ڈومیسائل پالیسی کو لاگو کیا جائے۔خاص طور پر اساتذہ کی بھرتی میں تاکہ بہار کی نوکریوں پر پہلا حق بہاری نوجوانوں اور طلباء کا ہو۔سرکاری ملازمتوں کی تیاری کرنے والے امیدوار ڈومیسائل پالیسی کے حق میں پٹنہ میں مسلسل احتجاج کر رہے ہیں۔ ]]>
چھپرہ:مظفر پور کے کڈھنی میں نو سالہ دلت لڑکی کی عصمت دری اور موت کے خلاف ریاستی قیادت کی ہدایت پر ضلع کانگریس نے مشتعل احتجاج کیا اور شہر کے نگر پالیکا چوک پر وزیر اعلیٰ نتیش کمار اور وزیر صحت منگل پانڈے کا پتلا جلایا۔قبل ازیں کانگریسیوں نے سرکٹ ہاؤس سے سڑک پر مارچ کرکے مظاہرہ کیا۔
مظاہرین میونسپل چوک پہنچے جہاں مقررین نے کہا کہ کڈھنی کے مظلوم کو فوری انصاف ملنا چاہیے۔نتیش حکومت میں قتل،عصمت دری،ڈکیتی کا ایک نیا ماڈل قائم کیا جا رہا ہے۔جو آئے روز نئے ریکارڈ بنا رہا ہے۔انہوں نے علاج کے دوران پی ایم سی ایچ میں عصمت دری متاثرہ کی موت پر کئی سوالات اٹھائے۔منگل پانڈے پر صحت کے نظام کی خراب حالت کا الزام عائد کیا۔
اس موقع پر ضلع صدر بچو پرساد ویرو،ریاستی نگراں سنیل کمار سنگھ،پروفیسر سنیل کمار،راجیو وہنگم،ڈاکٹر شنکر چودھری،فیروز اقبال،حیدر علی،مانک یادو،رفیع اللہ قریشی،سندیپ روشن،فیصل انور،یسین آزاد،انیل سنگھ،دیپک شرما،کشن سنگھ،ومل کمار،برجندر کمار،میجر سنگھ،راجیو کمار شرما،سابق ضلع صدر انیل کمار سنگھ،ترون تیواری،کملیش کمار پاٹھک،مکینک پرساد،کنہیا گری،للن پرساد سنگھ،کملیش کمار سنگھ،راہل یادو،کنہیا مشرا،انیل کمار سنگھ،شوکت علی،امیت نین،سریش رام وغیرہ موجود تھے۔