(پی این این)
نئی دہلی:کیرالہ کے بعد آج دلی میں بھی منکی پاکس کا نیا معاملہ سامنے آیا ہے ۔یہ مریض نائیجیریا کا ہے جو دلی میں رہتا ہے ۔اس طرح ملک میں منکی پاکس کے مریضوں کی تعدا د8ہوچکی ہے ۔جن میں دلی میں 3اور کیرالہ میں 5معاملے ہو چکے ہیں ۔کیرالہ میں ایک مریض کی موت بھی ہوچکی ہے جبکہ دلی میں تین مریضوں میں سے دو نائیجیریا کے شہری ہیں ۔ کیرالہ میں منکی پوکس کے ایک اور معاملے کی تصدیق ہوئی جس سے ریاست میں اس سے متاثرہ افراد کی تعداد پانچ ہو گئی۔ملک میں منکی پاکس کو لیکر مرکز نے ایک ٹاسک فورس قائم کیا ہے جس کی قیادت ڈاکٹر پی کے پال اور ہیلتھ سیکریٹری راجیش بھوشن کررہے ہیں ۔
ملک میں منکی پاکس کی تعداد 8،دلی میں 3 معاملے
