ابتدائی کوالیفائنگ امتحان2022 کے سلسلے میں میٹنگ کا انعقاد
امروہہ:ضلع مجسٹریٹ بال کرشن ترپاٹھی کی صدارت میں سپرنٹنڈنٹ آف پولیس آدتیہ لانگھے کی موجودگی میں 15 اور 16 اکتوبر 2022کو اتر پردیش ماتحت خدمات سلیکشن کمیشن، لکھنؤ کے ذریعہ منعقد ہونے والے ابتدائی کوالیفائنگ امتحان 2022 کے سلسلے میں کلکٹریٹ آڈیٹوریم میں ایک میٹنگ کا انعقاد کیا گیا جس میں تمام سیکٹرمجسٹریٹس اور سنٹر انچارج کو سخت ہدایات دی گئیں۔
ضلع اسکول انسپکٹر وشنو پرتاپ سنگھ نے ایک ایک کر کے امتحان کے سلسلے میں کی جانے والی ضروری سرگرمیوں کے بارے میں معلومات پیش کیں۔ انہوں نے کہا کہ یہ امتحان ضلع میں 15 اکتوبر 2022 کو پہلی شفٹ میں دس بجے سے 12 بجے تک اور دوسری شفٹ میں دوپہر تین بجے سے شام پانچ بجے تک اور 16 اکتوبر2022 کو بھی اسی ترتیب میں منعقد کیا جائے گا۔۔یہ امتحان ضلع کے 13 مراکز میں منعقد کیا جائے گا۔ کسی بھی امیدوار کو کوئی الیکٹرانک ڈیوائس، موبائل بلیو ٹوتھ کیلکولیٹر، اے ٹی ایم کارڈ لانے کی اجازت نہیں ہوگی اور نہ ہی امیدوار کے لیے کسی قسم کی ہاتھ کی گھڑی لانے کی اجازت ہوگی۔ امیدوار کمیشن کی ویب سائٹ سے ڈاؤن لوڈ کردہ ایڈمٹ کارڈ ساتھ لائیں گے ، امیدوار جو بھی شناختی ثبوت لائیں اس کی اصل کاپی ساتھ لائیں۔ ضلع مجسٹریٹ نے کہا کہ نقل کے بغیر پرامن، شفاف اور تقدس کے ساتھ امتحان کے انعقاد میں غفلت برتنے والے افسران کو بخشا نہیں جائے گا۔
ضلع مجسٹریٹ نے ضلع ا سکول انسپکٹر کو غیرحاضر سیکٹر مجسٹریٹ سنٹر کے منتظمین سے وضاحت طلب کرنے کی ہدایت کی۔ انہوں نے کہا کہ وضاحت کا حکم آج ہی جاری کیا جائے ۔ انہوں نے کہا کہ سبھی مراکز پر پانی، لائٹنگ، فرنیچر کا انتظام درست ہونا چاہیے ، سی سی ٹی وی کیمرہ آن ہونا چاہیے ، بند نہیں ہونا چاہیے ، پورے عمل پر عمل کیا جائے ۔ امتحان شروع ہونے سے آدھا گھنٹہ پہلے امیدواروں کا امتحانی مرکز میں مرکز کے اندر ہونا ضروری ہے اس کے بعد آنے والے امیدواروں کو امتحانی مرکز میں داخل ہونے کی اجازت نہیں ہوگی، سینٹرکے منتظم تمام امیدواروں کو آدھے گھنٹے کے اندر اندرسوالیہ پرچہ کھولنے کے لیے وقت دیا گیا ہے کمرہ انسپکٹر کو اسی وقت پرچہ کھول کر تقسیم کرنا چاہیے ۔ انہوں نے کہا کہ امتحان کے حوالے سے حکومت کی طرف سے دی گئی ہدایات پر سختی سے عمل کیا جائے ۔ کمرہ نگراں کرنے والے کو ہدایات کو غور سے پڑھنا چاہیے ۔
انہوں نے کہا کہ سوالیہ پرچہ کو سخت سیکورٹی میں ڈبل لاک میں رکھا جائے ۔ ٹریفک کا نظام درست ہو، امتحان کی رسائی سڑک پر جام کی صورتحال نہ ہو، سپرنٹنڈنٹ آف پولیس اس بات کو یقینی بنائیں۔
انہوں نے کہا کہ ضروری مراکز میں خواتین پولیس اہلکاروں کی ڈیوٹی بھی لگائی جائے ، سکیورٹی کے خاطر خواہ انتظامات ہونے چاہئیں۔ اس موقع پر ایڈیشنل ضلع مجسٹریٹ جوڈیشل مایا شنکر یادو، ضلع ڈیولپمنٹ آفیسر، چیف خزانچی، ڈسٹرکٹ اسکول انسپکٹر کے ساتھ دیگر متعلقہ افسران اورتمام سنٹر کے منتظمین و انچارج موجود تھے
