دہلی جل بورڈ کے باہر منعقد مٹکا پھوڈ احتجاج میںکانگریس صدر سمیت متعدد لیڈورں نے شرکت کی ۔اس موقع پر دیویندر یادو نے کہا کہ ہم ساتھیوں کے ساتھ لوگوں کی آواز اٹھائی اور دارالحکومت کے گہرے پانی کے بحران میں بی جے پی حکومت کی عوام دشمن پالیسیوں کے خلاف احتجاج کیا۔دہلی پردیش کانگریس کمیٹی کے صدر دیویندر یادو نے راجدھانی میں پانی کے بڑھتے ہوئے بحران پر بی جے پی حکومت پر تنقید کی ہے۔ انہوں نے الزام لگایا کہ لاکھوں لوگ پانی کی قلت، ٹینکرز پر بڑھتے ہوئے انحصار، اور زیر زمین پانی کی گرتی ہوئی سطح سے نبرد آزما ہیں، جب کہ حکومت پانی کے بنیادی ڈھانچے کو مضبوط کرنے میں ناکام رہی ہے۔کانگریس صدر نے کہا کہ کانگریس کے دور حکومت میں وزیر اعلیٰ شیلا دکشت کی قیادت میں کئی اہم منصوبے شروع کیے گئے تھے، جن میں سونیا وہار واٹر ٹریٹمنٹ پلانٹ بھی شامل ہے، جو دارالحکومت کی پانی کی فراہمی میں اہم کردار ادا کر رہا ہے۔اس موقع پر ضلع کانگریس صدر منگیش تیاگی، ایڈوکیٹ لوکیندر چودھری، ریاستی ترجمان نریندر سونی، نارائن دت سنوال، پردیپ رانا، شیام سسودیا، راجن پانڈے (بلاک صدر مکند پور)، کھیم چند سینی (بلاک صدر، کادی پور)، ونے تیاگی، انیل بنسیوال، امیت کمار، امیت کمار اور دیگر عہدیداران موجود تھے۔ اور کارکنان بھی اس موقع پر موجود تھے۔عوام پانی کے ایک ایک قطرے کے لیے ترس رہے ہیں لیکن بی جے پی حکومت اس مسئلے پر توجہ دینے کے بجائے کھوکھلے پروپیگنڈے میں مصروف ہے۔

نئی دہلی :دہلی کی ایک عدالت نے کانگریس لیڈر الکا لامبا کو ایک سال کے پروبیشن پر رہا کرتے ہوئے بڑی راحت دی ہے۔ وہ 2024 میں جنتر منتر پر ایک احتجاج کے دوران پولیس اہلکاروں پر حملہ کرنے کا قصوروار پایا گیا تھا۔ عدالت نے الکا لامبا کو ایک لاکھ روپے کا بانڈ بھی جمع کرنے کی ہدایت کی۔ عدالت نے تب کہا تھا کہ الکا لامبا نے حکم امتناعی کو نظر انداز کیا اور ایک ذمہ دار شہری کی حیثیت سے اپنا فرض ادا کرنے میں ناکام رہی۔ تاہم، الکا لامبا کو عدالت کے حکم پر ایک سال کی پروبیشن مدت کے دوران اچھا برتاؤ کرنا ہوگا۔اس موقع پر کانگریس لیڈر اور سابق ایم ایل اے الکا لامبا نے کہا، “مجھے خوشی ہے کہ عدالت نے کہا ہے کہ میں نے اپنے 30 سالہ سیاسی کیریئر میں ہمیشہ آئین اور قانون کی پیروی کی ہے۔ راؤس ایونیو کورٹ نے مجھے مجرم قرار دیا ہے۔ میں اس کو چیلنج کروں گی۔”
الکا لامبا کو 2024 میں جنتر منتر پر ایک احتجاج کے دوران پولیس افسران پر حملہ کرنے کا مجرم قرار دیا گیا تھا۔ عدالت نے لامبا کو سرکاری ملازمین میں رکاوٹ ڈالنے، اہلکاروں پر حملہ کرنے، حکم کی خلاف ورزی کرنے اور عوامی راستے میں رکاوٹ ڈالنے کا قصوروار پایا۔سنیچر کو سزا کی سماعت کے دوران، الکا لامبا نے اچھے رویے کی بنیاد پر پروبیشن پر رہائی کی درخواست دائر کی۔ عدالت نے اس درخواست پر بھی سماعت کی۔ ایڈیشنل چیف جوڈیشل مجسٹریٹ اشونی پنوار کی عدالت نے الکا لامبا کو اچھے رویے کی شرط پر ایک سال کے لیے پروبیشن پر رہا کیا۔ عدالت نے مہیلا کانگریس (پارٹی کی خواتین ونگ) کی سربراہ لامبا کو بھی ایک لاکھ روپے کا بانڈ جمع کرانے کی ہدایت کی۔پچھلی سماعت کے دوران استغاثہ نے الزام لگایا تھا کہ الکا لامبا اور ان کے حامیوں نے پارلیمنٹ کا گھیراؤ کرنے کی کوشش کی۔ ملزمان نے پولیس اہلکاروں کو دھکا دیا اور رکاوٹیں عبور کر کے فری چرچ کے قریب سڑک بلاک کر دی۔ کئی گواہوں نے گواہی دی کہ الکا لامبا نے مظاہرین کو پارلیمنٹ تک مارچ کرنے کے لیے اکسایا اور بار بار محاصرے کا مطالبہ کیا۔گواہوں نے عدالت کو یہ بھی بتایا کہ بی این ایس ایس کی دفعہ 163 کے نفاذ سے متعلق اعلانات لاؤڈ سپیکر پر کیے گئے تھے لیکن مظاہرین نے ماضی کے سکیورٹی اہلکاروں کو دھکا دیا اور رکاوٹیں عبور کر لیں۔ عدالت نے شواہد پر غور کرتے ہوئے کہا کہ بیانات اور شواہد سے ثابت ہوتا ہے کہ الکا لامبا کا واضح ارادہ پولیس افسران کو اپنے فرائض کی انجام دہی میں رکاوٹ ڈالنا تھا۔

نئی دہلی:مٹیا محل اسمبلی کے ممبر اسمبلی آل محمد اقبال نے دعوی کیا ہے کہ راجدھانی کے سبھی 70اسمبلی حلقوں میں سب سے زیا دہ ترقیاتی کام دہلی اسمبلی کے سابق ڈپٹی اسپیکر شعیب اقبال کی سر پرستی میں ان کے اسمبلی حلقہ میں کئے جارہے ہیں ۔ انہوں نے کہا کہ مٹیا محل ایساواحد اسمبلی حلقہ ہے جہاںپورے حلقہ میں کوئی نہ کوئی ترقیاتی کام چلتا رہتا ہے۔
جس میں بورنگ ،سیور لائین ،پانی کی لائین اور سڑکوں کی مرمت کا کام شامل ہے ۔ یہ بات انہوں نے پرانی دہلی کے گلی شاہتارہ میں واقع بارات گھر کے از سر نو تزئین کاری کا کام مکمل ہونے کے بعد بارات گھر کا افتتاح کرتے ہوئے کہی ۔انہوں نے بتایا کہ اس بارات گھر کی تزئین کاری کے کام پر ان کے فنڈ سے ایک کروڑ 45لاکھ روپے خرچ کئے گئے ہیں جس سے اس بارات گھر کو سجانے اور سنوارنے کا کام کیا گیا ہے ۔اس میں خوبصورت ٹائل اور اعلی قسم کے پتھروں کا استعمال کیا گیا ہے جس سے اس کی خوبصورتی میں اور نکھار آگیا ۔اب یہ بارات گھر دیکھنے میں کسی پرائیوٹ بارات گھر کی طرح دکھائی دیتا ہے۔
انہوں نے بتایا کہ اس کا 90فیصدی کام مکمل ہو گیا ہے اور باقی کا 10فیصدی کام ایک ماہ کے اندر مکمل کر لیا جائے گا،انہوں نے بتایا کہ اس میں 12ائر کنڈیشن لگائے جائیں گے ۔انہوں نے یہ بھی اعلان کیا کہ بہت جلد محلہ شاہ گنج میں ایک تین منزلہ با رات گھر جس میں لفٹ لگی ہوگی قوم کے نام وقف کیا جائے گا۔
انہوں نے کہا کہ اس بارات گھر میں کسی بھی ٹینٹ والے کو اپنا سامان رکھنے کی اجازت نہیں ہوگی ۔انہوں نے ٹینٹ والوں سے بھی اپیل کی کہ وہ یہاں کی غریب عوام کو کم اور منا سب کرائے پر کراکری کا سامان مہیا کرائیں ۔انہوں نے لوگوں سے اپیل کی کہ وہ اس کی صاف صفائی کا خا ص خیال رکھیں ۔اس سے قبل وارڈ 76چاندنی محل کے کو نسلر عمران چو دھری نے بھی لوگوں کو خطاب کیا ۔اس تقریب میں شر کت کر نے والوں میں سید شہزاد احمد ،عبدالحفیظ ،جگموہن پر دھان ،نعیم سلمانی ،ننھی قریشی ،نوشاد عرف ببلی ،آر اے ایس ایم سماج سیوا فاؤنڈیشن دہلی پر دیش کی صدر آسماء شعیب ،شبنم دانش ،عابدہ سلطانہ،مہوش،انجم آرا،کوثر جہاں ،عشرت سلطانہ، اقبال پہلوان ،شاہد خان ،محمد صدیق ،بھائی مختار منڈی والے ،مختار جواہر اور محمد مستقیم کے نام قابل ذکر ہیں ۔آل محمد نے کہا کہ ہمارا کام ہی ہماری پہچان ہے ۔اس بارات گھر کو 7200 روپے میں بک کیا جائے گا جس میں سے3000روپے واپس مل جائیں گے ۔علا قے کے غریب لوگوں کو اس بارات گھر سے کافی فیض پہنچے گا۔