(پی این این)
دیوبند:نواز گرلز پبلک اسکول دیوبند کے بانی و سرپرست ڈاکٹر نواز دیوبندی نے کہا کہ گزشتہ سالوں کی طرح امسال بھی ادارہ کا رزلٹ صد فیصد رہا ہے۔ نواز گرلز پبلک اسکول دیوبند میں جن طالبات نے دسویں جماعت اور بارہویں میں سب سے زیادہ نمبر لے کر نمایاں کامیابی حاصل کی ہے ان طالبات کی حوصلہ افزائی کے لئے آنے والی 26 مئی کی شام کو ’انڈیا ان ون فریم‘ کی تھیم پر ایک اعزازی تقریب کا انعقاد کیا جا رہا ہے۔ جس میں طالبات کو اعزازی اسناد، انعامات اور تحائف سے نوازا جائیگا۔
انہوں نے بتایا کہ ’انڈیا ان ون فریم‘ کی تھیم کے مطابق سماج کو اتحاد اور بھائی چارہ کا پیغام دینے کے مقصد سے اس اعزازی تقریب میں ہندو، مسلم، سکھ اور عیسائی مذہب سے تعلق رکھنے والے رہنماؤں کو مدعو کیا گیا ہے۔ ڈاکٹر نواز دیوبندی نے کہاکہ اس اعزازی تقریب میں ہندو مذہب سے تعلق رکھنے والے معروف کوی ڈاکٹر ہری اوم پنوار، مسلم مذہب سے تعلق رکھنے والے مولانا آزاد یونیورسٹی جودھپور کے سابق وائس چانسلر پروفیسر اختر الواسع، سکھ مذہب سے تعلق رکھنے والے کیندر یہ ودیالیہ دہرادون کے سابق پرنسپل اور رائٹر ڈاکٹر اندر جیت سنگھ اور عیسائی مذہب سے تعلق رکھنے والے سیکر یڈ ہارٹ چرچ سہارنپور کے پادری فادر جون چیمین مہمان خصوصی کے طور پر جبکہ ایس ڈی ایم دیوبند وجے سنگھ، سی او دیوبند ابھیتیش سنگھ، نگر پالیکا پریشد دیوبند کے چیئر مین وپن گرگ اور سماجی و ادبی تنظیم محفل یاراں کے صدر ایس پی سنگھ بٹو مہمان ذی وقار کے طور پر شرکت کریں گے۔
ڈاکٹر نواز دیوبندی نے ادارہ میں زیر تعلیم بچیوں کے والدین اور سرپرستان سے پروگرام میں شرکت کر طالبات کی رہنمائی اور حوصلہ افزائی کرنے کی اپیل کی۔

(پی این این)
دیوبند:شاہ ولی اللہ اسلامک اکیڈمی جامع مسجد حوضوالی لوہیا بازار میں محفل پیغام حج و قربانی کے عنوان سے منعقد کی گئی ۔محفل میں بطور مہمان خصوصی جامعہ مظاہر علوم جدید سہارنپور کے شیخ القراء مولانا قاری محمد مسعود مظاہری فلاحی نے شرکت کی ۔
اپنے خیالات کا اظہار کرتے ہوئے عید الاضحی کے موقع پر قربانی میں احتیاط حالات حاضرہ کا ذکر کرتے ہوئے کہا کہ اکابر علماء دیوبند کی ممانعت کی وجہ سے کوئی شخص بھی ممنوعہ جانور کی قربانی نہیں کرتا اور نہیں کسی کو کرنی چاہیے ۔آپ نے کہا خوش دلی اور اخلاص کے ساتھ ہر صاحب استطاعت کو قربانی کا اہتمام کرنا چاہتے ۔محفل کی صدارت معروف عالم دین مفسر قرآن مفتی ظہیر احمد قاسمی علیگ نے کی ۔
اس موقع پر سابق ممبر اقلیتی کمیشن حکومت اترپردیش مفتی ذوالفقار علی قاسمی مولانا محمد جمشید قاسمی شیخ الحدیث معہد البنات اسلامی مفتی حکیم عبدالستار قاسمی مولانا محمد مسیح اللہ مظاہری سینئر ایڈوکیٹ محبوب عالم انصاری نے بھی اپنے خیالات کا اظہار کیا ۔محفل پیغام حج و قربانی کی نظامت بانی اکیڈمی الحاج قاری محمد خالد بشیر قاسمی نقشبندی نے کی اور اکیڈمی کی جانب سے عیدالاضحی اور احتیاطی تدابیر کے عنوان سے گائیڈ لائن چارٹ پیش کیا جسکو علماء کرام ودانشوران کی منظوری کے بعد جاری کیا گیا اور عوام الناس سے اپیل کی گئی کہ حکومتی قوانین کے ساتھ ملی تنظیموں و علمی اداروں کی جانب سے شائع کی جارہی ہدایات پر مکمل عمل پیرا ہوں۔
محفل میں ہندوستانی عازمین حج کے نام ایک پیغام بھی جاری کیا گیا جس میں بیرون ملک سفر حج کے دوران اپنے وطن کی بہترین نمائیندگی کرنے دوران حج مناسک کو صبر و سکون کے ساتھ ادا کرنے اور وطن عزیز و ملت اسلامیہ ہند کو اپنی خصوصی دعاؤں میں یاد رکھنے کی درخواست کی گئی ہے ۔اکیڈمی کی جانب سے شائع کے گ خطبہ حجہ الوداع کا اجراء بھی عمل میں آیا ۔
آخیر میں اکیڈمی کی جانب سے علماء کرام ائمہ مساجد اور بزرگ شخصیات کو شدید گرمی کے موسم میں دھوپ سے حفاظت کے لئے بطور گفٹ چھاتے بھی تقسیم کئے گئے ۔ محفل میں مولانا اشارت علی قاسمی قاری محمد ظریف قاری محمد غفران صحافی سہیل احمد خان سماجی کارکن محمد شعبان محمد عبداللہ خاص طور پر شریک رہے۔

(پی این این)
رام پور: مدرسہ فیض ہدایت واقع ڈونگرپور میں ناظم اعلیٰ مدرسہ ہذا مولانا محمد ساجد بستوی کے والد کے سانحۂ ارتحال پر ایک تعزیتی نشست کا اہتمام کیاگیا۔قاری محمد جمشید کی تلاوت اور محمد نعمان غازی کی نظامت سے شروع ہونے والے اس پرگرام کی صدارت کرتے ہوئے مہتمم مولانا شاہد علی خاں فیضی ہدایتی نے کہاکہ مرحوم الحاج تاج محمد ایک دیندار خداترس بزرگ اور ولی کامل شخص تھے۔
انہوں نے کہاکہ مرحوم نے اپنے سبھی بچوں کی بہترین پرورش کرتے ہوئےسبھی کو دین کے کاموں کے لئے وقف کردیا تھا۔اس موقع پر مرحوم کے ایصال ثواب کے لئے جمعیۃ علماء ہند (میم) کی جانب سے ایک شربت کی سبیل لگائ گئ جس کا افتتاح احمد میاں (سعودی عرب) نے راہ گیروں کو شربت پلاکر کیا۔
اجتماعی دعائے مغفرت میں مولانا حفظ الرحمن فیضی،ناصر خان علیگ،احمد میاں،مکرم رضا خان، شہزادے خاں، رضوان احمد صدیقی،ندیم خاں، مولوی یعقوب قاسمی،ادیب تنویر، معاذ شاہد،سہیل خاں، اسامہ شاہد،سمیت بڑی تعداد میں لوگ موجود تھے۔