ویڈیو: ’آپ‘ کارکن نے کی بدسلوکی، الکالامبا نے کی تھپڑ مارنے کی کوشش
دہلی اسمبلی انتخابات کے لئے ووٹنگ کے دوران یہاں کی چاندنی چوک سیٹ سے کانگریس امیدوار الکا لامبا نے ہفتہ کو پولنگ مرکز کے سامنے ان کے ساتھ مبینہ طور پر زیادتی کرنے والے عام آدمی پارٹی (آپ) کے ایک کارکن کو تھپڑ مارنے کی کوشش کی۔
یہ واقعہ ان کے حلقہ میں اس وقت پیش آیا جب وہ اپنا ووٹ ڈالنے کے لئے آئیں، محترمہ لامبا نے مجنوں کا ٹیلہ میں ووٹنگ مرکز کے سامنے آپ کارکن کو تھپڑ مارنے کی کوشش کی۔ موقع پر موجود پولیس افسر نے درمیان میں آکر معاملہ کو رفع دفع کیا۔ انہوں نے اس کی شکایت حکام سےکی ہے۔ ویڈیو میں دیکھا جاسکتا ہے کہ محترمہ لامبا نے ’آپ‘ کارکن پر ہاتھ اٹھاتے ہوئی دکھائی دے رہی ہیں۔
#WATCH Delhi: Scuffle breaks out between AAP and Congress workers near Majnu ka Teela, Congress candidate Alka Lamba tries to slap an AAP worker. AAP leader Sanjay Singh has said the party will complain to Election Commission. #DelhiElections2020 (note: abusive language) pic.twitter.com/l5VriLUTkF
— ANI (@ANI) February 8, 2020
میڈیا رپورٹ کے مطابق آپ کارکن نے کانگریس امیدوار کو پولنگ مرکز میں جانے سے پہلے شناختی کارڈ نہیں لے جانے کو کہا کہ جس میں کانگریس کا انتخابی نشان نظر آ رہا تھا۔ آپ کے سینئر لیڈر اور راجیہ سبھا رکن سنجے سنگھ نے اس پر رد عمل کا اظہار کرتے ہوئے کہا کہ وہ الیکشن کمیشن میں محترمہ لامبا کے خلاف معاملہ درج كرائیں گے۔
محترمہ لامبا نے ٹیگور گارڈن ایکسٹینشن کی پولنگ مرکز نمبر- 161 میں ووٹ دیا۔ وہ چاندنی چوک سے’ آپ ‘کے امیدوار پرہلاد سنگھ ساہنی اور بھارتیہ جنتا پارٹی اميدوادر سمن گپتا کے خلاف الیکشن لڑ رہی ہیں۔