محکمہ صحت ملک کو ٹی بی سے پاک بنانے کےلئے کمربستہ

دیوبند:محکمہ صحت سال 2025 تک ملک کو ٹی بی سے پاک بنانے کی سمت میں نئے اقدامات کر رہا ہے۔ اس سلسلے میں اب ضلع کے تمام ہیلتھ اینڈ ویلنس سینٹرز پر دو دو ٹی بی کے چمپئن کا انتخاب کیا جائے گا جو مریضوں کی حوصلہ افزائی کریں گے اور انہیں بتائیں گے کہ ٹی بی کو باقاعدہ دوائیں کھا کر ٹھیک کیا جا سکتا ہے۔ ضلع تپ دق افسر ڈاکٹر سرویش سنگھ نے کہا کہ صحت اور فلاح و بہبود کے مرکز میں منتخب ٹی بی چمپئن کے نام ریاستی بیماری کنٹرول پروگرام آفیسر کو بھیجے جائیں گے۔ اس کا عمل شروع کر دیا گیا ہے۔

  انہوں نے بتایا کہ ٹی بی سے ٹھیک ہونے والے کچھ مریضوں کا انتخاب کیا جا رہا ہے۔ یہ چمپئن ٹی بی کے مریضوں کو بتائیں گے کہ یہ بیماری لاعلاج نہیں ہے، اسے دوائیوں کے باقاعدہ استعمال سے ٹھیک کیا جا سکتا ہے۔ وہ بتائے گا- مجھے بھی ٹی بی تھی اور مکمل علاج کروانے کے بعد اب میں بالکل ٹھیک ہوں۔ اس وقت 81 ٹی بی چمپئن ضلع میں محکمہ میں فعال طورپر اپناتعاون دے رہے ہیں۔

انہوں نے بتایا کہ انٹی گریٹڈ نکشے ڈے ہر مہینے کی 15 تاریخ کو منایا جاتا ہے۔ اس میں اگر او پی ڈی کے دوران کسی شخص میں ٹی بی جیسی علامات نظر آئیں تو اس کے تھوک کا معائنہ کیا جاتا ہے۔ جب مریض میں ٹی بی کی تصدیق ہو جاتی ہے تو فوراً علاج شروع کر دیا جاتا ہے۔انہوں نے بتایا کہ سینٹر ل ٹی بی ڈویزن اور صحت اور خاندانی بہبود کی وزارت نے تمام صحت اور تندرستی مراکز کو دو دو ٹی بی چمپئن بنانے کی ہدایت دی ہے۔ ان میں سے ایک خاتون اور ایک مرد کو ٹی بی چمپئن بنایاجائیگا۔ ضلع کے تمام 195 مراکز پر ٹی بی چیمپئنز کی فہرست تیار کی جا رہی ہے۔

یہ فہرست ریاستی ٹی بی کنٹرول افسر کو بھیجی جائے گی۔ ڈاکٹر سنگھ نے بتایا کہ اس وقت ٹی بی کے 4916 مریضوں کی شناخت ہو چکی ہے۔ سال 2022 میں 6346 مریض ٹھیک ہو چکے ہیں۔ ٹی بی کے عالمی دن 24 مارچ پر 232 مزید مریضوں کو گود لیا گیا۔ اس سے قبل انڈین ٹوبیکو کمپنی نے آٹھ سو مریضوں کو گود لیا تھا۔ اسی طرح ڈسٹرکٹ مجسٹریٹ، سی ڈی او اور عوامی نمائندوں نے ٹی بی کے مریضوں کو گود لیا ہے۔ ان سب کو نیوٹریشن کٹس فراہم کی جارہی ہیں۔ سب کا علاج کیا جا رہا ہے۔ ٹی بی کے مریضوں میں غذائیت کی کمی نہیں ہونی چاہیے، اس لیے نکشے پوشن یوجنا کے تحت حکومت کی طرف سے ہر ماہ ان کے اکاؤنٹ میں پانچ سو روپے بھیجے جا رہے ہیں۔ انہوں نے بتایا کہ چلکانہ میں راہل، ایس بی ڈی اسپتال میں امت، نکوڑ میں انوج اور رامپور منیہاران میں انل ٹی بی چمپئن ہیں۔ یہ سب ٹی بی کے ایسے چمپئن ہیں، جو مریضوں کی حوصلہ افزائی کر رہے ہیں۔