Khabar Mantra
اپنا دیشتازہ ترین خبریں

وینکیا نائیڈو کا مطالبہ، اقوام متحدہ دہشت گرد حامی ممالک کو کرے الگ تھلگ

نائب صدر ایم وینکیا نائیڈو نے کہا ہے کہ اقوام متحدہ کو عام رائے کے تحت دہشت گرد اور تباہ کن قوتوں پر لگام لگانے اور ان کی حمایت کرنے والے ممالک کی شناخت کر کے الگ تھلگ کرنے کے لئے یکساں حکمت عملی بنانی چاہئے۔

مسٹر نائیڈو نے کوسٹا ریکا کے سان جوس میں اتوار کو ایک تقریب میں ہندوستانی کمیونٹی کے لوگوں سے خطاب کرتے کہا کہ موجودہ دور میں امن کے لئے جنگ میں دہشت گردی سمیت کرپشن، موسمیاتی تبدیلی، کالے دھن اور ہتھیاروں کے بہاؤ اور منشیات سے خطرہ ہے۔ انہوں نے پلوامہ حملے اور اس کے بعد دہشت گردوں کے کیمپوں پر کی گئی کارروائی کا ذکر کرتے ہوئے کہا کہ اقوام متحدہ کو دہشت گرد تنظیموں پر پابندی عاید کرنی چاہئے۔ نائب صدر نے دہشت گردی کے خلاف جنگ میں عالمی سطح سب کو متحد ہونے کی اپیل کی۔

انہوں نے امید ظاہر کی کہ،’’اگر دنیا بھر کے تمام ممالک ایک ساتھ دہشت گردی کے خلاف آواز اٹھائیں گے تو دنیا میں امن برقرار رکھنے کی کوششوں میں ہمیں کامیابی ملے گی۔ ہمیں خوف سے آزاد اور تشددسے مبرا، بامعنی اور پرامن خوشحال زندگی جینے کے لئے پرامن دنیا بنانا ہوگا‘‘۔

اور دیکھیں

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close
Close