نئی ایکسائز پالیسی پر شراب کے دکانداروں کو سی بی آئی اور ای ڈی کا خوف دکھا رہی ہے بی جے پی :منیش سسودیا

(پی این این )

نئی دہلی:دہلی حکومت کی نئی ایکسائز پالیسی کو لے کر تنازع بڑھتا جا رہا ہے۔ تازہ ترین معاملے میں دہلی کے نائب وزیر اعلی منیش سسودیا نے شراب کی فروخت کو لے کر بھارتیہ جنتا پارٹی پر حملہ کیا ہے۔

انہوں نے ایک پریس کانفرنس میں کہا کہ گجرات میں بی جے پی حکومت نے 27 سال سے شراب کی فروخت پر پابندی لگا رکھی ہے۔ لیکن وہاں شراب فروخت ہو رہی ہے۔ یہ لوگ وہاں شراب بیچ رہے ہیں۔ وہاں لوگ ناجائز شراب پی کر مر رہے ہیں۔دوسری طرف دہلی میں ہم نے پچھلے سال شراب کی نئی پالیسی نافذ کی تھی۔ اس سے پہلے حکومت کو محکمہ ایکسائز سے 6 ہزار کروڑ کا ریونیو ملتا تھا۔

 نئی پالیسی کے تحت ساڑھے نو ہزار ریونیو آنا تھا۔ یعنی آمدن میں ڈیڑھ گنا اضافہ ہونا تھا۔لیکن پالیسی کی کامیابی کو دیکھ کر بی جے پی کے ان لوگوں نے اسے برباد کرنے کا منصوبہ بنایا۔ 

انہوں نے شراب کی دکانوں کی سی بی آئی اور ای ڈی کو دھمکیاں دینا شروع کر دیں جس کی وجہ سے بہت سے لوگوں نے کام چھوڑ دیا۔اب جو رہ گئے ہیں انہیں بھی سی بی آئی اور ای ڈی سے ان لوگوں کی طرف سے دھمکیاں دی جا رہی ہیں۔ ایسے میں جو لوگ شراب کی دکانیں چلا رہے ہیں، یہ لوگ بھی دکانیں چھوڑ رہے ہیں۔ یکم اگست سے بڑی تعداد میں لوگ کام چھوڑ سکتے ہیں۔دوسری طرف اس نے سی بی آئی اور ای ڈی کے ساتھ ایکسائز ڈیپارٹمنٹ کے افسران کو دھمکیاں دینا شروع کر دی ہیں۔