اپنا دیشتازہ ترین خبریں

ہندوستان اور سری لنکا کے درمیان مختلف شعبوں میں تعاون میں اضافہ کا فیصلہ

ہندوستان اور سری لنکا مشترکہ اقتصادی پروجیکٹوں میں شراکت میں اضافہ کریں گے اور سری لنکا کے دیہی علاقوں میں رہائشی پروجیکٹوں کی توسیع کریں گے۔ دونوں ممالک نے دہشت گردی سے نمٹنے میں تعاون میں اضافہ کرنے، سری لنکا میں تملوں کو برابری، انصاف، امن اور وقار کا حق دلانے اور ہندوستانی ماہی گیروں سے متعلق معاملات پر ہمدردی کے ساتھ غور کرنے سے اتفاق کیا۔

وزیر اعظم نریندر مودی اور سری لنکا کے وزیر اعظم مہندا راجا پکسے کے درمیان یہاں حیدرآباد ہاوس میں وفد کی سطح پر ہوئی میٹنگ میں اس پر اتفاق رائے ہوا۔ مسٹر راجا پکسے ہندوستان کے چار دن کے دورے پر کل یہاں پہنچے تھے۔ وہ اتوار کو وارنسی میں کاشی وشوناتھ مندر میں پوجا کریں گے اور سارناتھ جائیں گے۔ پیر کو بودھ گیا ہوتے ہوئے شام کو تروپتی پہنچیں گے اور منگل کو وینکٹیشور میں درشن کے بعد کولمبو لوٹ جائیں گے۔

میٹنگ کے بعد اپنے پریس بیان میں مسٹر مودی نے کہاکہ ان کی وزیر اعظم راجا پکشے کے ساتھ باہمی تعلقات کے مختلف پہلووں اور بین الاقوامی امور پر بات چیت ہوئی۔ دہشت گردی ہمارے خطے میں ایک بہت بڑ اخطرہ ہے۔ انہوں نے کولمبو میں ایسٹر کے دن ہوئے دہشت گردانہ حملہ کو انسانیت پر حملہ بتاتے ہوئے کہا”ہم دونوں ملکوں نے اس مسئلے کا ڈٹ کر مقابلہ کیا ہے۔ آج کی ہماری بات چیت میں ہم نے دہشت گردی کے خلاف باہمی تعاون کو مزید مستحکم کرنے پر تبادلہ خیال کیا۔ ہم دونوں ملکوں کی ایجنسیوں کے درمیان رابطہ اور تعاون کو مزید مستحکم کرنے کے لیے بھی عہد بند ہیں“۔

وزیر اعظم نے کہا کہ آج کی بات چیت میں ہم نے سری لنکا میں مشترکہ اقتصادی منصوبوں، تجارتی اور سرمایہ کاری سے متعلق تعلقات کو بڑھانے پر بھی تبادلہ خیال کیا۔ ہم نے دونوں ملکوں کے عوام کے درمیان باہمی رابطہ بڑھانے، سیاحت کو فروغ دینے اور کنکٹی ویٹی کو بہتر بنانے پر بھی بات چیت کی۔ انہوں نے کہا کہ چینئی اور جافنا کے درمیان حال ہی میں براہ راست فلائٹ کا آغاز اس سمت میں ہماری کوششوں کا حصہ ہے۔ یہ اس علاقے کے اقتصادی اور سماجی ترقی کے لیے بھی سود مند ہوگا۔ اس پرواز کے سلسلے میں حوصلہ افزا ردعمل سامنے آئے ہیں۔ یہ ہمارے لیے خوشی کا موضوع ہے۔

اور دیکھیں

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close
Close