شادی کا جھانسہ دے کرٹیچر نے کی طالبہ کی عصمت دری

نوئیڈا:گوتم بدھ نگر ضلع کے دادری تھانہ علاقے میں رہنے والے ایک ٹیوشن ٹیچر کے خلاف شادی کے بہانے ایک طالبہ کی عصمت دری کرنے اور منشیات پینے کے الزام میں مقدمہ درج کیا گیا ہے۔پولیس نے ہفتہ کو یہ معلومات دی۔ انہوں نے کہا کہ شکایت کے مطابق ملزم ٹیچر نے طالبہ کی ایک فحش ویڈیو بنائی تھی جس کی بنیاد پر وہ مسلسل اس کے ساتھ جنسی زیادتی کر رہا تھا۔ پولیس نے بتایا کہ طالبہ بلند شہر کی رہنے والی ہے اور جون کے مہینے میں دادری میں رہنے والے اپنے بھائی کے پاس رہنے آئی تھی۔ اس نے بتایا کہ دادری میں وہ ملحقہ گلی میں رہنے والی ٹیوشن ٹیچر کے پاس پڑھنے جاتی تھی۔ پولیس نے بتایا کہ شکایت کے مطابق ٹیچر لڑکی (19) پر شادی کےلئے دباو¿ ڈال رہا تھا اور انکار کرنے پر ایک دن اس نے اسے کولڈ ڈرنک میں نشہ آور چیز پلا دی اور کمرے میں بند کر کے اس کے ساتھ زیادتی کی اور سارا واقعہ درج کرلیا۔ موبائل فون میں ریکارڈ ہو گیا۔