اپنا دیشتازہ ترین خبریں

معاوضہ کا ایک حصہ بچوں کی تعلیم کے لئے وقف کروں گی: بلقیس بانو

گجرات فسادات کے دوران اجتماعی عصمت دری کا شکار ہوئی بلقیس بانو نے بدھ کو کہا کہ اسے جو پچاس لاکھ روپے کا معاوضہ ملا ہے اس کا ایک حصہ وہ فرقہ وارانہ تشدد کا شکار خواتین کو انصاف دلانے اور ان کے بچوں کی تعلیم کے لئے وقف کریں گی۔

بلقیس بانو نے یہاں کھچا کھچ بھرے پریس کانفرنس میں عدالت کا شکریہ ادا کرتے ہوئے کہا کہ اسے عدلیہ پر شروع سے ہی بھروسہ تھا۔ انصاف پانے میں سترہ برس لگے لیکن انہوں نے اپنے ضمیر، آئین اور عدلیہ پر بھروسہ رکھا۔ انہوں نے مرکزی تفتیشی بیورو کا بھی شکریہ ادا کیا جس نے دوبارہ معاملے کی جانچ کی۔ انہوں نے کہا کہ ایک عورت کے طورپر وہ دوبارہ اپنی زندگی وقار کے ساتھ جینا چاہتی ہیں اور معاوضہ کی رقم سے وہ ایسا کرپائے گی اور اپنے بچے کو اچھی تعلیم دلا پائے گی۔

انہو ں نے کہا کہ وہ معاوضہ کی رقم کا ایک حصہ فرقہ وارانہ تشدد کا شکار خواتین کو انصاف دلانے اور ان کے بچوں کی تعلیم پر خرچ کریں گی۔ خیال رہے کہ سپریم کورٹ نے گجرات حکومت کو بلقیس بانو کوپچاس لاکھ روپے کا معاوضہ، سرکاری ملازمت اور رہائش گاہ فراہم کرنے کا حکم دیا ہے۔ یاد رہے کہ اس سے پہلے سپریم کورٹ نے پانچ لاکھ روپے کی مدد دینے کا حکم دیا تھا لیکن بلقیس بانو نے اسے لینے سے انکار کر دیا تھا اور معاوضہ کی رقم میں اضافہ کا مطالبہ کرتے ہوئے عرضی دائر کی تھی۔

اور دیکھیں

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Close