تازہ ترین خبریںدلی نامہ

دہلی اسمبلی انتخابات: سی ایم کیجریوال کا روڈ شو، لوگوں سے مانگا ووٹ

بی جے پی اور کانگریس عوام کو مفت سہولیات کے خلاف ہیں، انہیں ووٹ دیا تو ساری سہولیات بند ہوجائیں گی: اروند کیجریوال

عام آدمی پارٹی کے قومی کنوینر اور دہلی کے وزیر اعلیٰ اروند کیجریوال نے اتوار کے روز کراڑی اسمبلی حلقہ میں روڈ شو کیا۔ وزیر اعلیٰ اروند کیجریوال نے روڈ شو میں اجتماع سے خطاب کرتے ہوئے کہا کہ 70سالوں میں کراڑی اسمبلی حلقہ میں کسی بھی پارٹی کی حکومت نے کوئی کام نہیں کیا تھا۔ ہماری حکومت نے گزشتہ پانچ سالوں میں بہت کام کیا ہے۔ کچی کالونیوں کو بدل دیا، کراڑی اسمبلی حلقہ کی بہت سی کالونیوں میں بجلی، پانی، سڑکیں، سی سی ٹی وی کیمرے لگائے گئے۔ انہوں نے لوگوں سے اپیل کی کہ اگر بی جے پی اور کانگریس کو ووٹ دیا تو مفت میں ملنے والی تمام سہولیات بند ہوجائیں گی، کیونکہ دونوں جماعتیں اس کے خلاف ہیں صرف جھاڑو پر ووٹ دیں، تب اگلے پانچ سال تک تمام سہولیات ملتی رہیں گی۔

وزیر اعلی اروند کیجریوال نے کہا کہ ہم نے پانچ سالہ حکومت میں بہت کام کیا۔ بجلی، پانی، سڑکیں، اسکول، اسپتال، نالے، سیور، سی سی ٹی وی کیمرے، محلہ کلینک، خواتین کیلئے بسوں میں مفت سفر سمیت تمام کام کئے اور اب اگلے پانچ سالوں میں بہت کام کرنا باقی ہیں۔ کراڑی اسمبلی حلقہ میں گزشتہ 70سالوں سے کوئی کام نہیں ہوا تھا۔ ساری سڑکیں ٹوٹ گئیں تھیں، ساری گالیاں خراب تھیں۔ کراڑی کے علاوہ دہلی کی تمام کچی کالونیوں میں کوئی ترقیاتی کام نہیں ہوا تھا۔

گزشتہ پانچ سالوں میں، ہم نے کئی ساری کالونیوں میں سڑکیں بنائیں، پانی کی پائپ لائنیں بچھائیں، سیور لائنیں ڈالیں، گلیوں اور نالوں کی تعمیر کی، سی سی ٹی وی کیمرے لگوائے، لیکن ابھی بھی بہت سے کالونیوں میں کام ہونا باقی ہے۔ مخالف جماعتوں کی حکومتوں نے 70سالوں میں جو گند مچائی تھی اسے 5 سال میں ٹھیک نہیں کیا جا سکتا، اسے ٹھیک کرنے میں وقت لگتا ہے۔ کراڑی کے متعدد علاقوں کی گلیوں میں سیوریج پائپ لائن لگائی جارہی ہیں، مبارک پور روڈ بھی بنایا گیا ہے۔ کراڑی سے کچھ لوگ مجھ سے ملنے آئے۔ وہ دکھا رہے تھے کہ کچھ گلیوں کی حالت بہت خراب ہے، میں نے ان سے بتایا کہ پانچ سالوں میں دہلی نے بہت کام کیا ہے، میں اسے بھی ٹھیک کروا دوں گا۔ کسی دوسری پارٹی کی حکومت اس کو ٹھیک نہیں کرے گی۔ گزشتہ پانچ سالوں میں میں نے آپ کی مدد کی ہے۔ میں سڑکیں، گلیاں اور نالیاں سب ٹھیک کروں گا۔ آئندہ پانچ سالوں میں بھی آپ کے کام آؤں گا۔ آپ کا بیٹا آپ کے لئے کام کرے گا۔ بجلی کے بل تقریبا صفر ہیں، اس کو جاری رکھیں گے اگر آپ مجھے ووٹ دیتے ہیں تو پھر آپ کو بجلی مفت ملتی رہے گی۔

اب بی جے پی والوں نے کہا ہے کہ وہ مفت بجلی کے خلاف ہیں۔ لہٰذا اگر ہم کمل یا ہاتھ کو ووٹ دیتے ہیں تو پھر یہ مفت بجلی ملنا بند ہوجائے گی۔ اگر آپ کیجریوال کو ووٹ دیتے ہیں تو، آئندہ 5 سال تک خواتین کا بسوں میں مفت سفر جاری رہے گا۔ بی جے پی کے لوگوں نے کہا ہے کہ یہ مفت سہولت اچھی نہیں ہے، یہ مفت کی سہولتیں ختم ہونی چاہئے۔ ہر روز ٹی وی دیکھ کر، بی جے پی اور کانگریس کے لوگ یہ کہہ رہے ہیں کہ کیجریوال ہر چیز مفت کر رہے ہیں۔ بی جے پی اور کانگریس کے لوگوں نے بہت نقصان کیا ہے۔ لہٰذا اگر آپ کسی اور پارٹی کو ووٹ دیتے ہیں تو یہ ساری سہولیات بند ہوجائیں گی۔

اور دیکھیں

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close
Close