اترپردیشتازہ ترین خبریں

حکومت اپنی ناکامیوں کو چھپانے کے لئے دفعہ 144 کا لے رہی ہے سہارا: مایاوتی

بہوجن سماج پارٹی(بی ایس پی) سپریمو مایاوتی نے نظم ونسق کے حوالے سے اترپردیش کی یوگی حکومت کی تنقید کرتے ہوئے الزام لگایا کہ ریاستی حکومت پر اپنی ناکامیوں کو چھپانے کے لئے دفعہ 144 کا سہارا لے کر سیاسی پارٹیوں کی ٹیموں کو سونبھدر نہیں جانے دے رہی ہے۔

محترمہ مایاوتی نے سنیچر کو اس ضمن میں اپنے ٹوئٹ میں لکھاکہ ’’یوپی حکومت جان۔مال کی سیکورٹی و مفاد عامہ کے معاملات میں اپنی ناکامیوں کو چھپانے کے لئے دفعہ 144 کا سہارا لے کر کسی کو بھی سونبھدر نہیں جانے دے رہی ہے۔ پھر بھی مناسب وقت پر وہاں جاکر متاثرین کی ہر ممکن مدد کرانے کا بی ایس پی لیجسلیچر پارٹی کو ہدایت دی گئی ہے۔ حکومت کی لاپرواہی اس قتل عام کی اہم وجہ ہے‘‘۔

بی ایس پی سربراہ نے کہا کہ ملک میں آئے دن سماج پر ہو رہے مظالم کے لئے مرکز میں رہی کانگریس و اب بی جے پی حکومتیں برابر کی ذمہ دار ہیں۔ جو بھی پارٹی اقتدار سے باہر رہتی ہے وہ ان کے استحصال پر گھڑیالی آنسو بہاتی ہے۔

بی ایس پی سپریمو نے ایک دیگر ٹوئٹ میں کہاکہ ’’ یوپی کے سونبھدر میں قبائلی سماج کا استحصال و ہراسانی، ان کی زمین سے بے دخلی و اب قتل عام ریاستی بی جے پی حکومت کی نظم ونسق کے معاملے میں فیل ہونے کا واضح ثبوت ہے۔ یوپی ہی ملک کی عوام بھی ان سب سے سے کافی فکر مند ہے جبکہ بی ایس پی کی حکومت میں ایس ٹی سماج کے مفاد کا بھی خاص خیال رکھا گیا۔

ٹیگز
اور دیکھیں

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close
Close