اپنا دیشتازہ ترین خبریں

ترقی کے لئے کانگریس کو رخصت کرنا ضروری: مودی

وزیر اعظم نریندر مودی نے مرکز میں کانگریسی حکومت کو گھپلے باز اور دہشت گردی کو قابو نہ کرنے والی پارٹی قرار دیتے ہوئے کہا ہے کہ ترقی کے لئے کانگریس کو رخصت کرنا ضروری ہے۔

مسٹر مودی نے آج یہاں انتخابی جلسہ میں کہا کہ کانگریس حکومت میں بارہ لاکھ کروڑ کے گھپلے ہوئے اور آئے دن بم دھماكے ہوتے رہے لیکن جب سے بی جے پی حکومت بنی ایک بھی بم دھماکہ نہیں ہوا۔ انہوں نے کہا کہ کانگریس نے اسکینڈل میں کسی شعبے کو اچھوتا نہیں چھوڑا اور دشمن کو سبق سکھانے کے لئے کیا گیاسرجیکل اسٹرائک پر بھی ثبوت مانگ لئے۔ انہوں نے کہا کہ کانگریس کے ساتھ اتحادی حکومتوں نے لوٹ مچائی۔

راہل گاندھی کے نام کا ذکر کیے بغیر، مودی نے کہا کہ نامدار نے ایک ایسی پارٹی بنائی ہے جو فوج کو غنڈا کہتی ہے۔ کانگریسی حکومت میں فوجیوں کی ون رینک ون پنشن پر بھی توجہ نہیں دی لیکن بی جے پی حکومت نے اسے ترجیحی طور پر نافذ کیا۔ جس پر گیارہ ہزار کروڑ روپے خرچ کیے گئے تھے۔

کسانوں کی بدحالی کے لئے کانگریس کو ذمہ دار ٹھہراتے ہوئے مسٹر مودی نے کہا کہ سوامي ناتھن کمیشن کی رپورٹ کے مطابق اخراجات کا ڈیڑھ گنا امدادی قیمت بڑھا دیا جاتا تو کسانوں کی حالت ایسی نہیں ہوتی۔ انہوں نے کہا کہ موونگ اور مسور کے درمیان فرق نہیں جاننے والے کسانوں کے نام پر گڑھیالی آنسو بہارہے ہیں۔

ترقی کے لئے کمل چھاپ ڈبل انجن پر یقین کرنے کی بات کرتے ہوئے مسٹر مودی نے کہا کہ انتخابات میں کمل بٹن دباکر کانگریس کو باہر کریں جس سے پائیدار ترقی ہو سکے۔ انہوں نے کہا کہ اترپردیش سمیت بہت سی ریاستوں نے کانگریس کو ایک بار باہر کیا تو آج تک اسے داخل ہونے کی اجازت نہیں دی ہے۔

ٹیگز
اور دیکھیں

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close
Close