اترپردیشتازہ ترین خبریں

بغیر جانچ کورونا متاثرین کو اسپتال سے کیا جا رہا ڈسچارج

سہارنپور: (یواین آئی)
اترپردیش کے ضلع سہارنپور میں کورونا وائرس متاثرین کی بڑھتی تعداد کے پیش نظر ڈاکٹر بستروں کی کمی کا حوالہ دیتے ہوئے زیر علاج مریض کو بغیر جانچ کے گھر جانے کا دباؤ بنا رہے ہیں۔

ڈسٹرکٹ مجسٹریٹ اکھلیش سنگھ اور سینئر سپرنٹنڈنٹ آف پولیس ڈاکٹر ایس چنپا نے کووڈ۔19اسپتالوں میں جاکر زیر علاج مریضوں کا بذریعہ مائیک حال چال معلوم کیا۔ ان کے ساتھ چیف میڈیکل افسر ڈاکٹر بی ایس سوڑھی بھی تھے۔ سرکاری میڈیکل کالج میں زیر علاج مریضوں نے سہولیات میسر نہ ہونے اور لاپرواہی برتنے کی شکایت کی۔

کورونامتاثر امت سنگھل اور گورو سنگھ نے ڈسٹرکٹ مجسٹریٹ کو بتایا کہ یہاں انہیں پریشان کیا جارہا ہے۔ یہاں تعینات کچھ ڈاکٹر ان پر دباؤ بنا رہے کہ وہ بغیر جانچ کرائے ہی اپنے گھروں کو واپس لوٹ جائیں۔ امت نے ڈسٹرکٹ مجسٹریٹ سے کہا کہ ان کے پاس ڈاکٹر سنیل کنور اپنے دو تین ساتھیوں کے ساتھ آئے اور کہا کہ ‘آپ لوگوں کو تین چار دن ہوگئے ہیں آپ لوگ یہاں سے اپنے گھروں کو چلے جاؤ وہ بھی بغیر جانچ کرائے۔ شکایت ملنے پر ڈسرکٹر مجسٹریٹ نے کاروائی کرنے کی ہدایت دی ہے۔

اس درمیان سہارنپور ڈویژن میں 24گھنٹوں کے اندر 5914 نمونوں کی جانچ میں 263 نئے معاملے سامنے آئے ہیں جبکہ منگل تک یہاں 145مریضوں کی موت ہو چکی ہے۔

نیوز ایجنسی (یو این آئی ان پٹ کے ساتھ)

اور دیکھیں

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close
Close