ایل جی نے’آپ‘ رہنماو¿ں کوبھیجاقانونی نوٹس

(پی این این)

دہلی :لیفٹیننٹ گورنر ونے کمار سکسینہ نے پیر کو عام آدمی پارٹی (اے اے پی) کے لیڈروں کو قانونی نوٹس بھیجا ہے۔ کھادی اینڈ ولیج انڈسٹری کمیشن (کے وی آئی سی) کے اس وقت کے چیئرمین (ایل جی) کے دور میں درگیش پاٹھک، آتشی، سوربھ بھردواج، ایم پی سنجے سنگھ اور جیسمین شاہ نے بدعنوانی کے الزامات لگائے تھے۔

 ان الزامات کو جھوٹا اور ہتک آمیز سمجھتے ہوئے لیفٹیننٹ گورنر نے قانونی کارروائی کرنے کا فیصلہ کیا ہے۔نوٹس میں لیفٹیننٹ گورنر نے ان پر اپنی شبیہ کو خراب کرنے اور جعلی خبریں پھیلانے کا الزام لگایا ہے۔ AAP لیڈروں سے اگلے 48 گھنٹوں میں اس پر جواب دینے کو کہا گیا ہے۔اس سے قبل عام آدمی پارٹی (اے اے پی) کے کنوینر اور دہلی کے وزیر اعلیٰ پر براہ راست حملہ کرتے ہوئے لیفٹیننٹ گورنر نے کہا تھا کہ مایوسی کے عالم میں اروند کیجریوال موڑ کی سیاست کے تحت جھوٹے الزامات کا سہارا لے کر مجھ پر بدعنوانی کا الزام لگا رہے ہیں۔ اگر آئندہ چند دنوں میں مجھ پر یا میرے خاندان پر ایسے بے بنیاد ذاتی حملے

 کیے جائیں تو کوئی تعجب کی بات نہیں ہوگی۔

پچھلے ہفتے اے اے پی ایم ایل اے درگیش پاٹھک نے دہلی اسمبلی میں لیفٹیننٹ گورنر پر 1,400 کروڑ روپے کی بدعنوانی میں ملوث ہونے کا الزام لگایا تھا۔

 پاٹھک نے الزام لگایا تھا کہ کھادی ولیج انڈسٹری کمیشن کے چیئرمین کی حیثیت سے دہلی کے موجودہ لیفٹیننٹ گورنر نے 1400 کروڑ روپے کا گھپلہ کیا ہے۔ یہ واقعہ 2016 میں نوٹ بندی کے دوران ہوا تھا۔ پاٹھک کے مطابق، نوٹ بندی کے دوران موجودہ لیفٹیننٹ گورنر نے بڑے پیمانے پر پرانے نوٹ بدلے۔ نوٹ بندی کے بعد اس نے کالے دھن کو سفید کر دیا۔

 اس کا سارا عمل کھادی ولیج انڈسٹری کمیشن کے تحت چلا۔ کمیشن کے غریب کیشیئر جنہوں نے اس کا پردہ فاش کیا وہ سنجیو کمار اور پردیپ یادو تھے، جن سے یہ کام زبردستی کروایا گیا۔ ان کی برانچ میں ہی 22 لاکھ روپے کی ہیرا پھیری ہوئی۔ اس طرح پورے ملک کی کرپشن تقریباً 7000 سے 1400 کروڑ تک ہے۔ انہوں نے ہر فورم پر اس کی شکایت کی۔ اس کے باوجود تفتیش کی صدارت خود ملزم نے کی اور دونوں شکایت کنندگان کو معطل کر دیا گیا۔